Home /News /ipl /

IPL 2022: માત્ર એક જીતથી ગુજરાત પ્લેઓફમાં સ્થાન મેળવશે, શું પંજાબ ટાઇટન્સના 'વિજય રથ' પર બ્રેક લગાવી શકશે?

IPL 2022: માત્ર એક જીતથી ગુજરાત પ્લેઓફમાં સ્થાન મેળવશે, શું પંજાબ ટાઇટન્સના 'વિજય રથ' પર બ્રેક લગાવી શકશે?

3 મેના રોજ IPL-2022ની 48મી મેચમાં ગુજરાત ટાઇટન્સ અને પંજાબ કિંગ્સ વચ્ચે ટક્કર થશે. (પીટીઆઈ)

IPL 2022: ગુજરાતની ટીમને હરાવવાનું સરળ રહ્યું નથી. તેણે 9માંથી 8 મેચ જીતી છે અને સતત છઠ્ઠી જીત નોંધાવવાથી તે પ્લેઓફમાં પહોંચનારી પ્રથમ ટીમ બની જશે. ગુજરાતના આ શાનદાર પ્રદર્શનનું કારણ પ્રતિકૂળ પરિસ્થિતિમાં પણ જોરદાર વાપસી કરવાનું છે. મેચ ભારતીય સમય અનુસાર સાંજે 7.30 વાગ્યે શરૂ થશે.

વધુ જુઓ ...
    વિપરિત પરિસ્થિતિઓમાં પુનરાગમન કરનાર ગુજરાત ટાઇટન્સ (Gujarat Titans) મંગળવારે ઇન્ડિયન પ્રીમિયર લીગ (IPL-2022)માં પંજાબ કિંગ્સ (Gujarat Titans vs Punjab Kings) સામે ટકરાશે ત્યારે પ્લેઓફમાં પોતાનું સ્થાન મજબૂત કરવા પર નજર રાખશે. IPLમાં પહેલીવાર ભાગ લઈ રહેલી ગુજરાતની ટીમને હરાવવાનું સરળ રહ્યું નથી. તેણે 9માંથી 8 મેચ જીતી છે અને સતત છઠ્ઠી જીત નોંધાવવાથી તે પ્લેઓફમાં પહોંચનારી પ્રથમ ટીમ બની જશે. ગુજરાતના આ શાનદાર પ્રદર્શનનું કારણ પ્રતિકૂળ પરિસ્થિતિમાં પણ જોરદાર વાપસી કરવાનું છે. મેચ ભારતીય સમય અનુસાર સાંજે 7.30 વાગ્યે શરૂ થશે.

    રાહુલ તેવટિયા હોય, ડેવિડ મિલર હોય, રાશિદ ખાન હોય કે પછી કેપ્ટન હાર્દિક પંડ્યા હોય, આ બધાએ અત્યાર સુધી ટૂર્નામેન્ટમાં મેચ વિનિંગ પ્રદર્શન આપ્યું છે. જો એક ખેલાડી નિષ્ફળ જાય છે, તો બીજા ખેલાડી જવાબદારી સંભાળી લે છે. રોયલ ચેલેન્જર્સ બેંગ્લોર (RCB) સામેની જીત બાદ હાર્દિકે કહ્યું હતું કે, 'આ ટીમની સુંદરતા છે કે ખેલાડીઓએ બતાવ્યું છે કે તેઓ મુશ્કેલ પરિસ્થિતિઓમાં પણ શું કરી શકે છે. અમે હંમેશા તેમને આમ કરવા પ્રોત્સાહિત કરીએ છીએ.

    છેલ્લી વખત જ્યારે ગુજરાત અને પંજાબની મેચ રમાઇ હતી ત્યારે રાહુલ તેવટિયાએ છેલ્લા બે બોલમાં સિક્સર ફટકારીને પોતાની ટીમને જીત અપાવી હતી. પંજાબ હવે સાનુકૂળ પરિણામોની અપેક્ષા રાખશે. આ સિવાય તે નથી ઈચ્છતો કે છેલ્લી વખતની જેમ મેચ છેલ્લા બોલ સુધી પહોંચે. પંજાબની ટીમના પ્રદર્શનમાં ફરીથી સાતત્યનો અભાવ છે અને તે અત્યાર સુધી 9માંથી 5 મેચ હારી ચૂકી છે.

    આ પણ વાંચો- IPL 2022: સનરાઈઝર્સ હૈદરાબાદ મુશ્કેલીમાં, સ્ટાર બોલરને ફરીથી હાથમાં ઈજા, આગામી મેચ રમવી મુશ્કેલ

    પંજાબના ટોચના બેટ્સમેન કેપ્ટન મયંક અગ્રવાલ, જોની બેરસ્ટો, શિખર ધવન અને લિયામ લિવિંગસ્ટોને સારા દેખાવ કર્યા છે. તેમણે પોતાના પ્રદર્શનમાં સાતત્ય લાવવું પડશે. બોલિંગ વિભાગમાં ફાસ્ટ બોલર અર્શદીપ સિંહે સતત સારું પ્રદર્શન કર્યું છે. છેલ્લી મેચમાં તેના બોલરોએ સારી રમત બતાવી હતી પરંતુ બેટ્સમેનોએ તેને નિરાશ કર્યો હતો.

    ગુજરાતની ટીમમાં વિકેટકીપર રિદ્ધિમાન સાહાએ મેથ્યુ વેડની જગ્યા સારી રીતે સંભાળી છે. તેના ઓપનિંગ પાર્ટનર શુભમન ગિલે સારી શરૂઆત કરી હતી પરંતુ જમણા હાથના બેટ્સમેનને તાજેતરમાં રન બનાવવા માટે સંઘર્ષ કરવો પડ્યો હતો. તે ચોક્કસપણે ફોર્મમાં પાછા આવવાનો પ્રયાસ કરશે.

    આ પણ વાંચો- IPL 2022: તમે દરેકને સ્પૂન ફિડીંગ ન કરાવી શકો! CSKના કેપ્ટન તરીકે જાડેજાની ભૂલો અંગે ધોનીનો જવાબ

    ગુજરાત માટે બેટિંગનો મુખ્ય આધાર હાર્દિક પંડ્યા રહ્યો છે. તેણે જવાબદાર ઇનિંગ્સ રમી છે. હાર્દિકે અત્યાર સુધીમાં કુલ 308 રન બનાવ્યા છે અને તે ટૂર્નામેન્ટમાં ત્રીજા સૌથી વધુ રન બનાવનાર બેટ્સમેન છે. ડેવિડ મિલર અને તેવટિયાએ 'ફિનિશર'ની ભૂમિકા શાનદાર રીતે ભજવી છે. છેલ્લી મેચમાં રાશિદ ખાને પણ સિક્સર મારવાની પોતાની કુશળતાનું સારું ઉદાહરણ રજૂ કર્યું હતું.

    ગુજરાત પાસે મજબૂત બોલિંગ આક્રમણ છે. જ્યારે મોહમ્મદ શમી નવા બોલથી તબાહી મચાવી શકે છે, ત્યારે પંજાબના બેટ્સમેનોએ લોકી ફર્ગ્યુસનની ગતિ અને વિવિધતાથી પણ સાવચેત રહેવું પડશે. ગુજરાત પ્રદીપ સાંગવાનને પણ જાળવી શકે છે, જેણે ચાર સિઝન પછી તેની પ્રથમ IPL મેચમાં શાનદાર પ્રદર્શન કર્યું હતું.
    Published by:rakesh parmar
    First published:

    Tags: Gujarat titans, IPL 2022, IPL Latest News, Punjab Kings, આઇપીએલ

    આગામી સમાચાર