Home /News /ipl /

IPL 2022: આઇપીએલમાં આ બોલરો ખુબ ધોવાયા, વિરોધી બેટ્સમેનોએ ધડાધડ સિક્સરો ફટકારી

IPL 2022: આઇપીએલમાં આ બોલરો ખુબ ધોવાયા, વિરોધી બેટ્સમેનોએ ધડાધડ સિક્સરો ફટકારી

મોહમ્મદ સિરાજને આરસીબીએ જાળવી રાખ્યો હતો. (પીટીઆઈ)

IPL 2022: આમાંથી ઘણા બોલરોને આંતરરાષ્ટ્રીય ક્રિકેટનો અનુભવ છે. જ્યારે ઉમરાન મલિક અનકેપ્ડ બોલર છે. IPL 2022ની હરાજીમાં મોટાભાગની ફ્રેન્ચાઈઝીએ બોલરોને પસંદ કર્યા હતા. જ્યારે કેટલાકે પોતાના જૂના બોલરોને જાળવી રાખ્યા હતા. આ જાળવી રાખનારા બોલરોમાં મોહમ્મદ સિરાજ અને વરુણ ચક્રવર્તીનો સમાવેશ થાય છે. વરુણ જ્યાં KKRનો એક ભાગ છે.

વધુ જુઓ ...
    ઈન્ડિયન પ્રીમિયર લીગ 2022 (IPL 2022)ની અડધીથી વધુ યાત્રા પૂર્ણ થઈ ગઈ છે. IPLમાં આ વખતે બેટ્સમેનોની સરખામણીમાં બોલરોનો દબદબો રહ્યો છે. અનુભવી બોલરો ઉપરાંત અનકેપ્ડ બોલરોએ લીગની 15મી સિઝનમાં અત્યાર સુધીમાં સૌથી વધુ વિકેટ લેવાનો કરિશ્મો કર્યો છે. યુઝવેન્દ્ર ચહલ, કુલદીપ યાદવ, કાગીસો રબાડા, ટી નટરાજન, ઉમરાન મલિક (Umnar Malik) અને વાનિન્દુ હસરંગા (wanindu hasaranga) ટોચના વિકેટ લેનારાઓમાં સામેલ છે.

    આમાંથી ઘણા બોલરોને આંતરરાષ્ટ્રીય ક્રિકેટનો અનુભવ છે. જ્યારે ઉમરાન મલિક અનકેપ્ડ બોલર છે. IPL 2022ની હરાજીમાં મોટાભાગની ફ્રેન્ચાઈઝીએ બોલરોને પસંદ કર્યા હતા. જ્યારે કેટલાકે પોતાના જૂના બોલરોને જાળવી રાખ્યા હતા. આ જાળવી રાખનારા બોલરોમાં મોહમ્મદ સિરાજ અને વરુણ ચક્રવર્તીનો સમાવેશ થાય છે. વરુણ જ્યાં KKRનો એક ભાગ છે. બીજી તરફ સિરાજ આરસીબીના કેમ્પમાં સામેલ છે. આવો અમે તમને આ લેખમાં એવા બોલરો વિશે જણાવીએ કે જેમની બોલિંગમાં આ સિઝનમાં સૌથી વધુ સિક્સ ફટકારી છે.

    આ પણ વાંચો- IPLના ઇતિહાસમાં સૌથી લાંબી સિક્સરનો ભારતીય રેકોર્ડ આ બોલરના નામે, રોહિત-કોહલી-ધોની ટોપ-10માં પણ નહીં

    વાનિન્દુ હસરંગા: વાનિન્દુ હસરંગા IPL 2022 માં રોયલ ચેલેન્જર્સ બેંગ્લોરનો ભાગ છે. આરસીબીના આ બોલર પર વર્તમાન સિઝનમાં અત્યાર સુધીમાં સૌથી વધુ સિક્સર ફટકારવામાં આવી છે. હસરંગાની ઓવરમાં અલગ-અલગ ટીમના બેટ્સમેનોએ 19 સિક્સર ફટકારી છે. હસરંગાને RCBએ 10.75 કરોડ રૂપિયામાં ખરીદ્યો હતો. વર્તમાન સિઝનમાં તે સૌથી વધુ વિકેટ લેનારા બોલરોમાં સામેલ છે. તેણે અત્યાર સુધીમાં 15 વિકેટ ઝડપી છે.

    મોહમ્મદ સિરાજઃ આરસીબીએ હરાજી પહેલા સિરાજને જાળવી રાખ્યો હતો. પરંતુ તે હજુ સુધી તેની ટીમની અપેક્ષાઓ પર ખરો ઉતર્યો નથી. IPL 2022માં મોહમ્મદ સિરાજ બીજો બોલર છે જેના બોલમાં સૌથી વધુ સિક્સર ફટકારવામાં આવી છે. તેની સામે અત્યાર સુધીમાં 18 સિક્સર ફટકારવામાં આવી છે. સિરાજ આઈપીએલ 2022માં 10 મેચમાં માત્ર 8 વિકેટ લઈ શક્યો છે.

    આ પણ વાંચો- GT vs PBKS: લિવિંગસ્ટોન અને ધવનની તાબડતોડ બેટિંગ બાદ પંજાબ કિંગ્સે નંબર 1 ગુજરાતને 8 વિકેટે હરાવ્યું

    લોકી ફર્ગ્યુસન: ગુજરાત ટાઇટન્સનો બોલર લોકી ફર્ગ્યુસન IPL 2022માં બહુ અસરકારક રહ્યો નથી. આ ટૂર્નામેન્ટમાં તે ત્રીજો બોલર છે જેના બોલ પર સૌથી વધુ સિક્સ ફટકારાઇ છે. હવે તેની સામે 17 સિક્સર ફટકારી છે. લોકી ફર્ગ્યુસનને ગુજરાત ટાઇટન્સે રૂ. 10 કરોડમાં ખરીદ્યો હતો. આ સિઝનમાં તે અત્યાર સુધી માત્ર 11 વિકેટ જ લઈ શક્યો છે.

    ઓડિયોન સ્મિથઃ પંજાબ કિંગ્સની ટીમમાં સામેલ ઓડિયોન સ્મિથે સનસનાટીપૂર્ણ શરૂઆત કરી હતી. તેણે કેટલીક મેચમાં બોલ અને બેટથી સારૂ એવું પ્રદર્શન કર્યું છે. ત્યારે એવું લાગતું હતું કે પંજાબને એક એવો ખેલાડી મળ્યો છે જે ટીમને ઘણી મેચો જીતાડશે. પરંતુ એક-બે મેચ બાદ તે પોતાનું પ્રદર્શન ચાલુ રાખી શક્યો નહીં. ઓલરાઉન્ડર તરીકે રમી રહેલા સ્મિથને તેની બોલિંગ દરમિયાન જોરદાર માર મારવામાં આવ્યો હતો. તેના બોલ પર અત્યાર સુધીમાં 16 સિક્સર ફટકારવામાં આવી છે.

    વરુણ ચક્રવર્તીઃ કોલકાતા નાઈટ રાઈડર્સની ટીમમાં સામેલ વરુણ ચક્રવર્તીને મિસ્ટ્રી બોલર કહેવામાં આવે છે. તે છેલ્લી IPLમાં KKRના સૌથી સફળ બોલરોમાંથી એક હતો. તેનું પ્રદર્શન જોઈને ફ્રેન્ચાઈઝીએ તેને જાળવી રાખ્યો હતો. IPLની 15મી સિઝનમાં વરુણ બિનઅસરકારક રહ્યો છે. તેના બોલ પર અત્યાર સુધીમાં 15 સિક્સર ફટકારાઇ છે.
    Published by:rakesh parmar
    First published:

    Tags: Indian premier league, IPL 2022, IPL Latest News, આઇપીએલ

    આગામી સમાચાર