Home /News /ipl /

IPL 2022: ટી-20માં 157ની સ્પીડથી કોઈ ફરક પડતો નથી...' રવિ શાસ્ત્રીએ ઉમરાન મલિક પર નિશાન સાધ્યું

IPL 2022: ટી-20માં 157ની સ્પીડથી કોઈ ફરક પડતો નથી...' રવિ શાસ્ત્રીએ ઉમરાન મલિક પર નિશાન સાધ્યું

ઉમરાન મલિક IPLમાં ઘણો મોંઘો સાબિત થયો છે. (પીટીઆઈ)

IPL 2022: ઈન્ડિયન પ્રીમિયર લીગ 2022માં ઉમરાન મલિક ઘણો મોંઘો સાબિત થયો છે. આ દરમિયાન તેણે 24.26ની એવરેજથી 15 વિકેટ ઝડપી છે. ગુજરાત ટાઇટન્સ સામેની મેચમાં તેણે 25 રન આપીને 5 વિકેટ ઝડપી હતી. પરંતુ તે મેચ બાદ તે વિકેટ લેવામાં નિષ્ફળ રહ્યો હતો. IPL 2022માં સૌથી વધુ વિકેટ ઝડપનાર બોલરની યાદીમાં ઉમરાન મલિક સાતમા સ્થાને છે.

વધુ જુઓ ...
    સનરાઇઝર્સ હૈદરાબાદનો ફાસ્ટ બોલર ઉમરાન મલિક (umran malik) આઇપીએલ (IPL 2022) માં પોતાની સ્પીડને કારણે ચર્ચામાં છે. પોતાની ઝડપના કારણે તેણે ક્રિકેટના ઘણા દિગ્ગજોનું ધ્યાન પોતાની તરફ ખેંચ્યું છે. 22 વર્ષીય ઉમરાને થોડા દિવસ પહેલા જ આઈપીએલમાં સૌથી ઝડપી બોલ ફેંકનાર પ્રથમ ભારતીય બોલર બનીને પોતાનો જ રેકોર્ડ તોડ્યો હતો. ત્યારબાદ તેણે દિલ્હી કેપિટલ્સ (DC vs SRH)સામે 157 કિમી પ્રતિ કલાકની ઝડપે બોલ ફેંક્યો હતો. પરંતુ ભારતના પૂર્વ કોચ રવિ શાસ્ત્રી (ravi shastri)નું કહેવું છે કે ઉમરાનના આ રેકોર્ડથી ટી-20 ક્રિકેટમાં કોઈ ફરક નથી પડતો. આજે રોયલ ચેલેન્જર્સ બેંગ્લોર સામેની મેચમાં ઉમરાને 2 ઓવરની બોલિંગમાં 25 રન આપ્યા હતા.

    સ્ટાર સ્પોર્ટ્સ સાથે વાત કરતા રવિ શાસ્ત્રીએ કહ્યું, “તે બહુ જલ્દી ભારત માટે રમશે. તેની ઝડપ સારી છે. પરંતુ તમારે આને ધ્યાનમાં રાખવું પડશે અને વિકેટ લેવા માટે યોગ્ય વિસ્તારોમાં બોલિંગ કરવી પડશે. બેટ્સમેનને આશ્ચર્યચકિત કરવાના પ્રયત્નો ઓછા કરો. આવા વિચારો તમારા મગજમાં આવવા જોઈએ." રવિ શાસ્ત્રીએ વધુમાં કહ્યું, “આગામી સમયમાં પિચો વધુ બેટિંગ ફ્રેન્ડલી બનશે. હું મીડિયામાં દરેક જગ્યાએ કહું છું કે ટી-20 ફોર્મેટમાં 156-157ની સ્પીડથી કોઈ ફરક પડતો નથી. તમારે યોગ્ય વિસ્તારોમાં બોલિંગ કરવી પડશે."

    આ પણ વાંચો- Morbi Accident: મોરબીમાં એક જ પરિવારના 13 સભ્યોને અકસ્માત નડ્યો, છ લોકોના મોત

    ઉમરાન મોંઘો સાબિત થયો

    આજે રોયલ ચેલેન્જર્સ બેંગ્લોરની ઇનિંગ્સ દરમિયાન ઉમરાન મલિક ઘણો મોંઘો સાબિત થયો હતો. તેણે પોતાની પ્રથમ ઓવરમાં 20 રન આપ્યા હતા. ફાફ ડુ પ્લેસિસે તેના બોલ પર રન બનાવ્યા હતા. આ પછી ઉમરાને બીજી ઓવર ફેંકી જેમાં 5 રન આપવામાં આવ્યા હતા. ઉમરાને 2 ઓવરની બોલિંગમાં 25 રન આપ્યા હતા. આ પછી સનરાઇઝર્સના કેપ્ટન કેન વિલિયમ્સે તેની સામે બોલિંગ કરી ન હતી. ઉમરાન આ મેચમાં કોઈ વિકેટ લઈ શક્યો નહોતો.

    આ પણ વાંચો- IPL 2022: દિલ્હી કેપિટલ્સ માટે ખરાબ સમાચાર, CSK સામેની મેચ પહેલા એક સભ્ય કોરોના પોઝિટિવ આવ્યો

    IPL 2022 માં ઉમરાન મલિક

    ઈન્ડિયન પ્રીમિયર લીગ 2022માં ઉમરાન મલિક ઘણો મોંઘો સાબિત થયો છે. આ દરમિયાન તેણે 24.26ની એવરેજથી 15 વિકેટ ઝડપી છે. ગુજરાત ટાઇટન્સ સામેની મેચમાં તેણે 25 રન આપીને 5 વિકેટ ઝડપી હતી. પરંતુ તે મેચ બાદ તે વિકેટ લેવામાં નિષ્ફળ રહ્યો હતો. IPL 2022માં સૌથી વધુ વિકેટ ઝડપનાર બોલરની યાદીમાં ઉમરાન મલિક સાતમા સ્થાને છે.
    Published by:rakesh parmar
    First published:

    Tags: Indian premier league, IPL 2022, IPL Latest News, Umran Malik, આઇપીએલ

    આગામી સમાચાર