Home /News /ipl /

IPL 2022: નો બોલ વિવાદ બાદ મુંબઈ ઈન્ડિયન્સના કોચે નિયમોમાં ફેરફારની માંગણી કરી

IPL 2022: નો બોલ વિવાદ બાદ મુંબઈ ઈન્ડિયન્સના કોચે નિયમોમાં ફેરફારની માંગણી કરી

IPL 2022: મહેલા જયવર્ધનેએ નિયમોમાં ફેરફાર કરવાની માંગ ઉઠાવી. (એએફપી)

IPL 2022: મહેલા જયવર્ધનેએ આઈસીસીના એક કાર્યક્રમમાં કહ્યું કે આવી ઘટના ભવિષ્યમાં પણ બની શકે છે. આપણે આ તરફ ધ્યાન આપવાની જરૂર છે. શું થર્ડ અમ્પાયર પાસે આ બાબતો પર નજર રાખવા અને મેદાન પરના અમ્પાયરને કહેવાનો કોઈ વિકલ્પ છે કે આ બોલની તપાસ કરવી જોઈએ? તેમણે કહ્યું કે તે જોઈને દુઃખ થાય છે કે તમે રમત બંધ કરો છો અને લોકો મેદાનમાં આવે છે.

વધુ જુઓ ...
    મુંબઈ ઈન્ડિયન્સ (Mumbai Indians)ના કોચ મહેલા જયવર્ધનેએ આઈપીએલના નિયમોમાં ફેરફાર કરવાની માંગ કરી છે. તેમનું કહેવું છે કે ટેક્નોલોજીનો સારો ઉપયોગ કરવા માટે વીડિયો અમ્પાયર અને મેદાન પરના અમ્પાયરો વચ્ચે વધુ તાલમેલ હોવો જોઈએ. જો આ માટે નિયમોમાં કોઈ ફેરફાર કરવો હોય તો તેઓ તેની સાથે છે. શ્રીલંકાના પૂર્વ કેપ્ટન જયવર્દને (mahela jayawardene)નું આ નિવેદન ગયા અઠવાડિયે દિલ્હી કેપિટલ્સ અને રાજસ્થાન રોયલ્સ (DC vs RR) વચ્ચેની IPL મેચમાં નો-બોલના વિવાદના સંદર્ભમાં આવ્યું છે. મેચની અંતિમ ઓવરમાં (IPL 2022), મેદાન પરના અમ્પાયરે ફુલ ટોસ બોલને નો બોલ આપ્યો ન હતો. જે બાદ ઘણો વિવાદ થયો હતો. આ કારણે દિલ્હીના કેપ્ટન ઋષભ પંતનો પગાર એક મેચ માટે કાપવામાં આવ્યો હતો અને સહાયક કોચ પ્રવીણ આમરે પર એક મેચનો પ્રતિબંધ લગાવવામાં આવ્યો હતો.

    મહેલા જયવર્ધનેએ આઈસીસીના એક કાર્યક્રમમાં કહ્યું કે આવી ઘટના ભવિષ્યમાં પણ બની શકે છે. આપણે આ તરફ ધ્યાન આપવાની જરૂર છે. શું થર્ડ અમ્પાયર પાસે આ બાબતો પર નજર રાખવા અને મેદાન પરના અમ્પાયરને કહેવાનો કોઈ વિકલ્પ છે કે આ બોલની તપાસ કરવી જોઈએ? તેમણે કહ્યું કે તે જોઈને દુઃખ થાય છે કે તમે રમત બંધ કરો છો અને લોકો મેદાનમાં આવે છે. આમરે મેદાનમાં પ્રવેશવું રમત માટે સારું નહોતું. તે રમતની ગરિમાની વિરુદ્ધ છે.

    આ પણ વાંચો- AUS vs PAK: ભારતના બે ખેલાડી માગનાર ઇમરાન ખાનને ઓસ્ટ્રેલિયાના કેપ્ટન આપ્યો હતો વિચિત્ર જવાબ

    થર્ડ અમ્પાયર પાસે જવાનો કોઈ નિયમ નથી

    તેમણે કહ્યું કે નિયમો કહે છે કે તમે આ વસ્તુઓની તપાસ કરવા માટે થર્ડ અમ્પાયર પાસે જઈ શકતા નથી. કોઈપણ ખેલાડી કે કોચ માટે મેદાન પર આવવાનો કોઈ વિકલ્પ નથી. કોચ તરીકે તેને ટાઈમ આઉટ દરમિયાન જ મેદાન પર આવવાની તક મળે છે. આ તે સમય હોવો જોઈએ જ્યારે કોચ અથવા અન્ય કોઈ મેદાન પર આવે. તેમણે કહ્યું કે મેં મારી ટીમ સાથે આ ઘટના અંગે ચર્ચા કરી અને મેચ દરમિયાન મારી જવાબદારીઓ વિશે જણાવ્યું.

    આ પણ વાંચો- AUS vs PAK: વિરાટ કોહલીના કંગાળ પ્રદર્શન પર રવિ શાસ્ત્રીની સલાહ - IPLમાંથી બહાર થઈ જાઓ તો સારૂ

    તેમણે કહ્યું કે આ ઘટના આપણે બધાએ ટીવી પર જોઈ છે. મોટાભાગના ખેલાડીઓ એકસાથે મેચ જોઈ રહ્યા હતા અને અમે મેચ પછી તેની ચર્ચા કરી હતી. આવી વસ્તુઓ ન થવી જોઈએ. મને આશા છે કે ઋષભ પંત અને આમ્રેને પણ પસ્તાવો થશે. મને લાગે છે કે પંતે જે પણ કહ્યું, તેણે લાગણીમાં કહ્યું અને હવે તેણે આગળ વધવું જોઈએ.
    Published by:rakesh parmar
    First published:

    Tags: Indian premier league, IPL 2022, IPL Latest News, Mumbai indians, આઇપીએલ

    આગામી સમાચાર