9 વર્ષથી ક્રિકેટ માટે ઘર ના ગયો, માતા-પિતાને પણ ન સાંભળ્યા, હવે IPLમાં કર્યું શાનદાર ડેબ્યૂ

જો તમને પૂરા ઉત્સાહથી કંઈક જોઈએ છે, તો આખું બ્રહ્માંડ તમને તેની સાથે જોડાવવાનો પ્રયત્ન કરવા લાગે છે. બોલિવૂડના બાદશાહ શાહરૂખ ખાનની ફિલ્મ ઓમ શાંતિ ઓમનો આ પ્રખ્યાત ડાયલોગ બરાબર ડાબોડી સ્પિનર ​​કાર્તિકેય સિંહ (Karthikeya Singh)ના જીવનનો છે, જેણે મુંબઈ ઈન્ડિયન્સ માટે એક દિવસ પહેલા આઈપીએલ (IPL 2022) ની શરૂઆત કરી હતી. ક્રિકેટર બનવાનું સપનું પૂરું કરવા માટે તેણે 9 વર્ષ સુધી ઘરનું મોઢું ન જોયું, અલગ-અલગ નોકરીઓ પણ કરી. પરંતુ પોતાના સપનાને સાકાર કરવાની જીદને ક્યારેય મરવા ન દીધી. જોકે તેમાં સમય લાગ્યો પરંતુ સપનું સાકાર થયું અને કાર્તિકેયે આઇપીએલની શાનદાર શરૂઆત કરી અને મુંબઈ ઇન્ડિયન્સ (Mumbai Indians)ને સતત 8 હાર બાદ પ્રથમ જીત અપાવવામાં મહત્વની ભૂમિકા ભજવી છે.

કાર્તિકેય સિંહે રાજસ્થાન રોયલ્સ સામેની પોતાની ડેબ્યૂ મેચમાં બધાના દિલ જીતી લીધા હતા. તેણે પોતાની ચુસ્ત બોલિંગથી બધાને પ્રભાવિત કર્યા હતા. કાર્તિકેયે મેચમાં રાજસ્થાનના કેપ્ટન સંજુ સેમસનની કિંમતી વિકેટ લીધી હતી. તેણે તેના ક્વોટાની 4 ઓવરમાં માત્ર 19 રન આપ્યા અને તે મુંબઈ માટે સૌથી વધુ આર્થિક બોલર સાબિત થયો અને તે મુંબઈ માટે લકી સાબિત થયો. કારણ કે ટીમમાં આવતાની સાથે જ મુંબઈ ઈન્ડિયન્સને આઈપીએલ 2022માં પહેલી જીત મળી હતી.

આ પણ વાંચો- IPL 2022: વિરાટ કોહલી સામે ઘૂંટણિયે બેસ્યો જીતનો હીરો તેવટિયા, લોકોએ કોહલીને લીધો આડે હાથ

કાર્તિકેય સિંહની જર્ની

કાર્તિકેય સિંહ 28 એપ્રિલે રિપ્લેસમેન્ટ પ્લેયર તરીકે મુંબઈ ઈન્ડિયન્સમાં જોડાયો હતો. ડાબા હાથના ફાસ્ટ બોલર મોહમ્મદ અરશદ ખાનની ઈજાના કારણે તેને ટીમમાં તક મળી હતી. મુંબઈએ કાર્તિકેયને રૂ. 20 લાખની મૂળ કિંમતમાં ઉમેર્યો હતો. યુવા ખેલાડીએ અત્યાર સુધીમાં 9 ફર્સ્ટ ક્લાસ, 19 લિસ્ટ-એ અને 9 ટી-20 મેચ રમી છે, જેમાં તેણે અનુક્રમે 35, 18 અને 10 વિકેટ લીધી છે. કાર્તિકેયનો જન્મ ઉત્તર પ્રદેશના સુલતાનપુરમાં થયો છે અને તેના પિતા ઉત્તર પ્રદેશ પોલીસમાં છે અને હાલમાં ઝાંસીમાં હેડ કોન્સ્ટેબલ તરીકે પોસ્ટેડ છે. જોકે કાર્તિક મધ્યપ્રદેશ માટે ડોમેસ્ટિક ક્રિકેટ રમે છે. જ્યારે તેનો નાનો ભાઈ યુપીની જુનિયર ટીમનો ભાગ છે.

આ પણ વાંચો- ભાજપ સરકાર વિરૂદ્ધ રજૂ કરાયું તૌહમતનામૂ, સરકાર બરતરફ કરવા કરી માંગ

કાર્તિકે ક્રિકેટર બનવા માટે લાંબો સમય સંઘર્ષ કર્યો હતો

કાર્તિક માટે IPL સુધી પહોંચવાની સફર સરળ રહી નથી. તેની ક્રિકેટ રમવાની શરૂઆત કાનપુરથી થઈ હતી. પરંતુ યુપી તરફથી રમતી વખતે તેને સફળતા ન મળી તો તે દિલ્હી ગયો. અહીં તેણે સંજય ભારદ્વાજની એકેડમીમાં પોતાનું નસીબ અજમાવ્યું હતું, પરંતુ અહીં પણ મામલો ન થાળે પડ્યો તો તે મધ્યપ્રદેશ તરફ વળ્યો. અહીં તેને શાહડોલ વિભાગની અંડર-23 ટીમ સાથે રમવાનો મોકો મળ્યો. ધીમે ધીમે તેણે મધ્યપ્રદેશની રણજી ટીમમાં જગ્યા બનાવી લીધી. હરાજી પહેલા મુંબઈ ઈન્ડિયન્સે તેને ટ્રાયલ માટે બોલાવ્યો હતો. પરંતુ મુખ્ય ટીમમાં સામેલ નથી. હવે મુંબઈએ તેને તક આપી.

કાર્તિકેય 9 વર્ષ સુધી ઘરે ગયો ન હતો

ક્રિકેટર બનવાની જીદને કારણે કાર્તિકેયે 9 વર્ષ સુધી ઘરનું મોઢું જોયું નહોતું. માતા-પિતા વારંવાર આવવાનો આગ્રહ રાખતા હતા. પરંતુ કાર્તિકેય મક્કમ હતો કે તે કંઈક થઈ જશે પછી જ ઘરે પાછો ફરશે. આ ડાબોડી સ્પિનરે આઈપીએલ ડેબ્યૂ બાદ દૈનિક જાગરણ સાથેની વાતચીતમાં પોતાના સંઘર્ષને યાદ કરતા કહ્યું કે હું 9 વર્ષથી ઘરે ગયો નથી. મેં વિચાર્યું હતું કે હવે હું ત્યારે જ ઘરે પાછો ફરીશ જ્યારે હું જીવનમાં કંઈક હાંસલ કરીશ. મારા મમ્મી પપ્પા સતત ફોન કરતા અને ઘરે પાછા ફરવાની વાત કરતા. પરંતુ મારો મક્કમ ઇરાદો હતો અને હવે મારું સપનું સાકાર થયું છે અને હવે હું IPL પછી ઘરે પરત ફરીશ.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Indian premier league, IPL 2022, IPL Latest News, Mumbai indians, આઇપીએલ