IPL 2022: શું ખરેખરમાં શિખર ધવનનો ભાઈ છે ઋષિ ધવન? જાણો બંને વચ્ચે શું સંબંધ છે

આઇપીએલ (IPL 2022) ની 38મી મેચમાં ચેન્નાઈ સુપર કિંગ્સ (CSK) સામે પંજાબ કિંગ્સે (Punjab Kings) ઋષિ ધવન (Rishi Dhawan)ને તક આપી હતી. 6 વર્ષની રાહ જોયા બાદ IPLમાં રમવા આવેલા ધવને આ પસંદગીને સાચી સાબિત કરી અને 2 વિકેટ પણ લીધી અને પંજાબને 11 રને જીતમાં મહત્વનું યોગદાન આપ્યું હતું. ધવન છેલ્લે વિશ્વની સૌથી મોટી ટી-20 લીગમાં પંજાબ કિંગ્સ (તે સમયે કિંગ્સ ઇલેવન પંજાબ) તરફથી રમ્યો હતો. આ પછી 2017માં કોલકાતા નાઈટ રાઈડર્સે તેને ખરીદ્યો હતો, પરંતુ તેને એક પણ મેચ રમવાની તક મળી ન હતી.

હિમાચલ પ્રદેશના ધવને ગયા વર્ષે તેની હોમ ટીમને મેડન વિજય હજારે ટ્રોફી ટાઈટલ જીતાડ્યું હતું. તે આ ટુર્નામેન્ટમાં બીજો સૌથી વધુ વિકેટ લેનાર અને બીજો સૌથી વધુ રન બનાવનાર બોલર હતો. સ્થાનિક ક્રિકેટમાં આ સિદ્ધિ બાદ જ ધવનને આઈપીએલ 2022માં આ તક મળી હતી. ધવને 2013માં મુંબઈ ઈન્ડિયન્સ તરફથી પહેલી આઈપીએલ મેચ રમી હતી.

આ પણ વાંચો- શિખર ધવને એક જ મેચમાં હાંસલ કરી 2 મોટી સિદ્ધિઓ, IPLમાં 6000 રન અને ટી-20માં 9000 રન પૂરા કર્યા

ઋષિ ધવન અને શિખર ધવન વચ્ચે સંબંધ?

ચેન્નાઈના બેટ્સમેનોને તેના બોલથી પરેશાન કરવા બદલ ધવનને ભારતીય ઓપનર શિખર ધવનનો ભાઈ કહેવામાં આવે છે. ઋષિ ધવન અને પંજાબ કિંગ્સના ઓપનર શિખર ધવન બંને ખૂબ ચર્ચામાં છે.

આ પણ વાંચો- Demolition: હિંમતનગરમાં ફરી વળ્યું બુલડોઝર, પથ્થરમારો થયો હતો એ વિસ્તારમાં ડિમોલીશન

ઋષિ અને શિખર વચ્ચેના સંબંધોની વાત કરીએ તો બંને વચ્ચે કોઈ સંબંધ નથી. ઋષિનો જન્મ હિમાચલ પ્રદેશમાં થયો હતો જ્યારે શિખરનો જન્મ દિલ્હીમાં થયો હતો. IPL 2022 માં એક જ ટીમ સાથે રમવા સિવાય, ઋષિએ શિખર સાથે ભારત માટે 3 વન-ડે મેચ પણ રમી છે. જ્યારે શિખર ધવનનો કોઈ ભાઈ નથી, તો ઋષિ ધવનનો એક મોટો ભાઈ છે, જેનું નામ રાઘવ ધવન છે. ભાગ્યે જ લોકોને ખબર હશે કે રાઘવ પણ એક ક્રિકેટર છે અને તે હિમાચલ પ્રદેશ માટે રમે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: IPL 2022, IPL Latest News, Punjab Kings, Shikhar dhawan, આઇપીએલ