IPL 2022: રાજસ્થાન રોયલ્સનો વિસ્ફોટક બેટ્સમેન પિતા બન્યો, પુત્રની પ્રથમ ઝલક જોવા ઘરે પહોંચી ગયો

રાજસ્થાન રોયલ્સ (rajasthan royals)ના વિસ્ફોટક બેટ્સમેન શિમરોન હેટમાયર (Shimron Hetmyer) પ્રથમ વખત પિતા બન્યો છે. તેણે મંગળવારે સવારે ચાહકોને ખુશખબર આપી હતી. ઈન્સ્ટાગ્રામ પર વીડિયો શેર કરીને તેણે ચાહકોને પુત્રની પ્રથમ ઝલક બતાવી હતી. આ પછી હેટમાયરને વિશ્વભરમાંથી શુભેચ્છાઓ મળવા લાગી. હેટમાયર ભૂતકાળમાં તેના બાળકના જન્મ માટે રાજસ્થાન રોયલ્સ કેમ્પ છોડીને ઘરે જવા નીકળી ગયો હતો. તે ટૂંક સમય બાદ ટીમ સાથે જોડાશે.

પોતાના ઘર ગયાના જતા પહેલા હેટમાયરે રાજસ્થાનને પંજાબ કિંગ્સ સામે શાનદાર જીત અપાવી હતી. આ પછી બીજા દિવસે સવારે તેણે ઘર માટે ફ્લાઈટ પકડી હતી. આઈપીએલની આ સિઝનમાં હેટમાયરના પ્રદર્શન વિશે વાત કરીએ તો, તેણે 11 મેચમાં 70ની એવરેજ અને 160ના સ્ટ્રાઈક રેટથી 291 રન બનાવ્યા હતા.



આ સિઝનમાં હેટમાયર માત્ર એક જ અડધી સદી ફટકારી શક્યો છે. પરંતુ તે 7 મેચમાં નોટઆઉટ રહ્યો છે. રાજસ્થાન પોઈન્ટ ટેબલમાં ત્રીજા સ્થાને છે અને પ્લેઓફમાં સ્થાન નિશ્ચિત કરવા ઈચ્છે છે.

આ પણ વાંચો- IPL 2022 માં ખરાબ પ્રદર્શન બાદ પસંદગીકારો વિરાટ કોહલી સાથે વાત કરશે, ટીમ ઈન્ડિયામાંથી શું મળશે રજા?

પોતાના ઘરે જતા પહેલા તેણે કહ્યું હતું કે તે તેના પહેલા બાળકના જન્મ સાથે ઘરે પરત ફર્યો છે. પરંતુ ટૂંક સમયમાં તે ટીમ સાથે જોડાશે. તેણે કહ્યું કે બાળક માત્ર એક જ વાર જન્મ લે છે અને તે પહેલીવાર પિતા બનવા જઈ રહ્યો છે. તેથી ઘરે પરત ફર્યો છે. હેટમાયરે કહ્યું કે તેનો તમામ સામાન અહીં છે. તેમને ચૂકશો નહીં. તેઓ ટૂંક સમયમાં પરત ફરશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: IPL 2022, IPL Latest News, Rajasthan royals, આઇપીએલ