Home /News /ipl /

IPL2022: KKR ની ટીમમાં આ બોલરનું થયું ડેબ્યૂ, ઈજામાંથી બહાર આવવા માટે દરરોજ 42 કિમીનો પ્રવાસ કર્યો

IPL2022: KKR ની ટીમમાં આ બોલરનું થયું ડેબ્યૂ, ઈજામાંથી બહાર આવવા માટે દરરોજ 42 કિમીનો પ્રવાસ કર્યો

DC vs KKR: હર્ષિત રાણા તેની IPL ડેબ્યૂ કરી રહ્યો છે. (KKR ટ્વિટર)

IPL 2022: હર્ષિત રાણાની ક્રિકેટની સફર આસાન રહી નથી. તેણે ઘણો સંઘર્ષ કરવો પડ્યો છે. 2012માં તે દિલ્હીની અંડર-14 અને અંડર-16 ટીમમાં જગ્યા બનાવી શક્યો નહોતો. તેને પીઠમાં ઈજા થઈ હતી. આવી સ્થિતિમાં ઈજામાંથી બહાર આવવા માટે તે દરરોજ ઘરથી 42 કિમી દૂર ગુરુગ્રામ રિહેબ માટે જતો હતો. તે પોતાની ક્રિકેટ કારકિર્દી માટે પ્રથમ કોચ શ્રેવંત સરની ખૂબ પ્રશંસા કરે છે.

વધુ જુઓ ...
    આઇપીએલ 2022 (IPL 2022) ની વર્તમાન સિઝનમાં મોટી ટીમો સારૂ પ્રદર્શન કરવામાં નિષ્ફળ રહી છે. ટી-20 લીગની 41મી મેચમાં કોલકાતા નાઈટ રાઈડર્સ અને દિલ્હી કેપિટલ્સ આમને-સામને છે. મેચમાં (DC vs KKR) દિલ્હીના કેપ્ટન ઋષભ પંતે ટોસ જીતીને બોલિંગ કરવાનો નિર્ણય લીધો છે. KKRની ટીમ છેલ્લી ચાર મેચ હારી ગઇ છે. આવી સ્થિતિમાં ટીમે પ્લેઇંગ-11માં 3 ફેરફાર કર્યા છે. દિલ્હીનો ફાસ્ટ બોલર હર્ષિલ રાણા (Harshit Rana) IPLમાં ડેબ્યૂ કરી રહ્યો છે. આ 20 વર્ષીય ફાસ્ટ બોલરની આ પ્રથમ ટી-20 મેચ છે. ફાસ્ટ બોલર રસિક સલામ ઈજાના કારણે બહાર થયા બાદ તેને ટીમમાં જગ્યા મળી હતી.

    હર્ષિત રાણાની ક્રિકેટની સફર આસાન રહી નથી. તેણે ઘણો સંઘર્ષ કરવો પડ્યો છે. 2012માં તે દિલ્હીની અંડર-14 અને અંડર-16 ટીમમાં જગ્યા બનાવી શક્યો નહોતો. તેને પીઠમાં ઈજા થઈ હતી. આવી સ્થિતિમાં ઈજામાંથી બહાર આવવા માટે તે દરરોજ ઘરથી 42 કિમી દૂર ગુરુગ્રામ રિહેબ માટે જતો હતો. તે પોતાની ક્રિકેટ કારકિર્દી માટે પ્રથમ કોચ શ્રેવંત સરની ખૂબ પ્રશંસા કરે છે. 2021માં તેણે ક્લબ મેચમાં 7 વિકેટ ઝડપી હતી. આ પછી તેણે બીજી મેચમાં 8 વિકેટ ઝડપી હતી.

    આ પણ વાંચો- Umran Malik: શા માટે ઉમરાન મલિકે હાર્દિક પંડ્યાની પત્ની પાસે માફી માંગી? વાયરલ થઇ તસવીર

    રાણાની મુલાકાત અને આઇપીએલ

    ક્લબ ક્રિકેટમાં સારું પ્રદર્શન કર્યા બાદ તેને દિલ્હીની અંડર-25 ટીમમાં જગ્યા મળી હતી. આ સિવાય તેને રણજી ટ્રોફીના કેમ્પમાં પણ સામેલ કરવામાં આવ્યો હતો. અહીં તેઓ નીતિશ રાણાને મળ્યા હતા. તેણે તેની બોલિંગની પણ પ્રશંસા કરી હતી. આ પછી તેણે KKRના સહાયક કોચ અભિષેક નાયર સાથે વાત કરી અને તેણે પણ ટીમના ટ્રાયલમાં ભાગ લીધો હતો. પરંતુ હરાજીમાં તેની પસંદગી થઈ ન હતી. હવે જ્યારે કેકેઆરની તમામ મેચો મહત્વની છે. હર્ષિત રાણા પોતાની છાપ છોડવા માંગશે.

    આ પણ વાંચો- IPL 2022: આઇપીએલમાં બુલેટ ગતિએ બોલ ફેંકનાર ઉમરાન મલિકના કોચનો ખુલાસો- તે મેદાનમાં શિસ્તબદ્ધ ન હતો

    હર્ષિત રાણા પણ સારી બેટિંગ કરે છે. પરંતુ અત્યાર સુધી તેને સિનિયર લેવલ પર એક પણ મેચ રમવાની તક મળી નથી. આ મેચ પહેલા KKR 8 માંથી માત્ર 3 મેચ જીતી શકી છે. તે 5માં હારી ગયા છે. ટીમ અત્યારે ટેબલમાં 8મા નંબર પર છે. દિલ્હીની ટીમ પણ 7માંથી 3 મેચ જીતીને ટેબલમાં 7મા નંબર પર છે.
    Published by:rakesh parmar
    First published:

    Tags: DC Vs KKR, Indian premier league, IPL 2022, IPL Latest News, KKR, આઇપીએલ

    આગામી સમાચાર