IPL 2022: ડેવિડ વોર્નર બની શકે છે વિશ્વનો ટોપ બેટ્સમેન, વિરાટ કોહલીને છોડી શકે છે પાછળ

ડેવિડ વોર્નર (David Warner) આઇપીએલ 2022ની પોતાની પ્રથમ મેચ રમી રહ્યો છે. જો કે તેની ટીમ બદલાઈ ગઈ છે. તે હવે દિલ્હી કેપિટલ્સમાં સામેલ થયો છે. ટૂર્નામેન્ટની 15મી મેચ (IPL 2022), લખનૌ સુપર જાયન્ટ્સે (Lucknow Super Giants) દિલ્હી સામે ટોસ જીતીને બોલિંગ કરવાનો નિર્ણય લીધો છે. દિલ્હીએ અત્યાર સુધી રમેલી 2માંથી એક મેચ જીતી છે. બીજી તરફ લખનૌએ 3માંથી 2 મેચ જીતી છે. આ મેચ એટલા માટે પણ રસપ્રદ છે કારણ કે આમાં ટીમ ઈન્ડિયાના 2 ભાવિ કેપ્ટન આમને-સામને છે. દિલ્હીની કમાન ઋષભ પંત સંભાળી રહ્યા છે, જ્યારે લખનૌની કમાન કેએલ રાહુલ સંભાળી રહ્યા છે. દિલ્હીએ ટીમમાં 3 ફેરફાર કર્યા છે. ત્યાં જ ખનૌમાં પણ ફેરફાર કરવામાં આવ્યો છે.

ડેવિડ વોર્નરનો ટી-20 રેકોર્ડ ઘણો સારો છે. તેણે 10 હજારથી વધુ રન બનાવ્યા છે. જો તે આ મેચમાં વધુ 24 રન બનાવશે તો તે વિરાટ કોહલીને પાછળ છોડી દેશે. એટલું જ નહીં, તે ટી-20માં સૌથી વધુ રન બનાવનાર ટોપ-5 બેટ્સમેનોની યાદીમાં સામેલ થઈ જશે. અત્યારે તે છઠ્ઠા નંબર પર છે. તેણે 313 મેચમાં 38ની એવરેજથી 10308 રન બનાવ્યા છે. તેણે 8 સદી અને 85 અડધી સદી ફટકારી છે. એટલે કે 93 વખત 50થી વધુ રનની ઇનિંગ રમી છે. આ સાથે જ વિરાટ કોહલીએ 329 મેચમાં 10331 રન બનાવ્યા છે. તેણે 5 સદી અને 76 અડધી સદી ફટકારી છે.

આ પણ વાંચો- IPL 2022: દીપક હુડાના બદલાયા સુર, ધમકી આપનાર ક્રૃણાલ પંડ્યાને ગણાવ્યો પોતાનો ભાઇ

આઈપીએલમાં પણ બંને ટોપ-5માં છે

આઈપીએલના રેકોર્ડ પર નજર કરીએ તો અહીં પણ વિરાટ કોહલી અને ડેવિડ વોર્નર ટોપ-5માં સામેલ છે. કોહલીએ સૌથી વધુ 6341 રન બનાવ્યા છે. સરેરાશ 37 છે અને સ્ટ્રાઇક રેટ 130 છે. તેણે 5 સદી અને 42 અડધી સદી ફટકારી છે. ત્યાં જ વોર્નર 5449 રન સાથે 5માં નંબર પર છે. તે વિદેશી ખેલાડી તરીકે સૌથી વધુ રન બનાવનાર ખેલાડી છે. સરેરાશ 42 છે જ્યારે સ્ટ્રાઈક રેટ 140 છે. તેણે 4 સદી અને 50 અડધી સદી ફટકારી છે.

આ પણ વાંચો- Amit Shah એ ભારતના ડિઝાસ્ટર મેનેજમેન્ટના કર્યા વખાણ, કહ્યું- આપણે વિશ્વમાં સૌથી આગળ

ડેવિડ વોર્નર પણ સુરેશ રૈનાને પાછળ છોડીને IPLમાં સૌથી વધુ રન બનાવવાના મામલે વર્તમાન સિઝનમાં ચોથા નંબર પર પહોંચી શકે છે. રૈના આઈપીએલમાંથી બહાર છે. તેણે 5528 રન બનાવ્યા છે. એટલે કે વોર્નરને રૈનાને પાછળ છોડવા માટે વધુ 80 રનની જરૂર છે. આ મેચમાં લખનૌએ મનીષ પાંડેના સ્થાને કૃષ્ણપ્પા ગૌતમનો સમાવેશ કર્યો છે. ત્યાં જ ડેવિડ વોર્નર, સરફરાઝ ખાન અને એનરિક નોર્કિયાને દિલ્હીની ટીમમાં તક મળી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: David warner, Indian premier league, IPL 2022, IPL Latest News, આઇપીએલ