IPL 2022: CSK એ છેલ્લી 10 ઓવરમાં રનનું વાવાઝોડું લાવી દીધું, શિવમ અને ઉથપ્પાએ 17 સિક્સ ફટકારી

આઇપીએલ 2022 (IPL 2022) ની 22મી મેચમાં ચેન્નાઈ સુપર કિંગ્સ (CSK)એ ધીમી શરૂઆત કરી હતી. પરંતુ છેલ્લી 10 ઓવરમાં તેના બેટ્સમેનોએ જોરદાર રન બનાવ્યા હતા. આના કારણે ટીમ RCB સામે મેચમાં (CSK vs RCB) 4 વિકેટે 216 રનનો સારો સ્કોર કરવામાં સફળ રહી હતી. ટીમનો સ્કોર પ્રથમ 10 ઓવર બાદ 2 વિકેટે 60 રન હતો. ટીમે છેલ્લી 10 ઓવરમાં 156 રન બનાવ્યા હતા. રોબિન ઉથપ્પા (Robin Uthappa)અને શિવમ દુબે (Shivam Dube)એ માત્ર અડધી સદી જ નહીં પરંતુ સદીની ભાગીદારી પણ કરી હતી. બંનેએ સાથે મળીને 17 સિક્સર ફટકારી હતી. અગાઉ રમાયેલી ચારેય મેચોમાં રવિન્દ્ર જાડેજાની આગેવાની હેઠળની CSKની હાર થઈ છે. આવી સ્થિતિમાં ટીમ આ મેચ જીતીને પોઈન્ટ્સનું ખાતું ખોલવા ઈચ્છશે.

મેચમાં RCBના કેપ્ટન ફાફ ડુ પ્લેસિસે ટોસ જીતીને બોલિંગ કરવાનો નિર્ણય કર્યો હતો. ચેન્નાઈની શરૂઆત ફરી એકવાર ખરાબ રહી હતી. ઋતુરાજ ગાયકવાડ 17 રને જોસ હેઝલવુડના હાથે આઉટ થયો હતો. મોઈન અલી પણ નિષ્ફળ રહ્યો હતો. તે 8 બોલમાં 3 રન બનાવીને રનઆઉટ થયો હતો. આ રીતે ટીમનો સ્કોર 2 વિકેટે 36 રન થઈ ગયો હતો. આ પછી રોબિન ઉથપ્પા અને શિવમ દુબેએ ટીમની કમાન સંભાળી હતી. 10 ઓવર પછી સ્કોર 2 વિકેટે 60 રન હતો.

5 ઓવરમાં 73 રન

આ પછી ઉથપ્પા અને શિવમે આક્રમક બેટિંગ કરી હતી. બંનેએ 11મી અને 15મી ઓવર વચ્ચે 5 ઓવરમાં 73 રન ઉમેર્યા હતા. એટલે કે લગભગ 15 રન રેટ સાથે રન બનાવ્યા હતા. આ દરમિયાન ઉથપ્પાએ 33 બોલમાં પોતાની અડધી સદી પૂરી કરી હતી. 3 ચોગ્ગા અને 4 છગ્ગા ફટકાર્યા હતા. ત્યાં જ શિવમે 30 બોલમાં 4 ચોગ્ગા અને 3 છગ્ગાની મદદથી અડધી સદી ફટકારી હતી. ઉથપ્પાએ ગ્લેન મેક્સવેલની 13મી ઓવરમાં 3 સિક્સ ફટકારી હતી. તે 81 રન બનાવીને 17મી ઓવરમાં મોહમ્મદ સિરાજના હાથે આઉટ થયો હતો. પરંતુ આ બોલ નોબોલ નીકળ્યો હતો.

આ પણ વાંચો- VIDEO: ગુજરાત ટાઇટન્સના કેપ્ટન હાર્દિક પંડ્યાએ LIVE મેચમાં શમી પર ગુસ્સે થઇ અપશબ્દો કહ્યા

18મી ઓવરમાં 24 રન

શિવમ દુબેએ 18મી ઓવરમાં ઝડપી બોલર આકાશ દીપની બોલ પર રન લૂટી લીધા હતા. આ ઓવરમાં તેણે 24 રન બનાવ્યા હતા. શિવમે 2 સિક્સ અને 1 ફોર ફટકારી હતી. તેણે 4 ઓવરમાં 58 રન આપ્યા હતા. લેગ સ્પિનર ​​વાનિન્દુ હસરંગાએ 19મી ઓવર ફેંકી હતી. ઉથપ્પાએ પ્રથમ બોલ પર સિક્સર ફટકારી હતી. શિવમે ત્રીજા બોલ પર સિક્સર ફટકારી હતી. આ દરમિયાન 50 બોલમાં 88 રન બનાવ્યા બાદ ઉથપ્પા હસરંગાના હાથે આઉટ થયો હતો. તેણે 4 ફોર અને 9 સિક્સર ફટકારી હતી. તેણે શિવમ સાથે 74 બોલમાં 165 રન જોડ્યા હતા. જાડેજા પહેલા જ બોલ પર આઉટ થયો હતો.

આ પણ વાંચો- IPL 2022: RCBએ ઓલરાઉન્ડર સુયશ પ્રભુદેસાઈને આપી તક, ટી-20 ફોર્મેટમાં છે મજબૂત રેકોર્ડ

ફાસ્ટ બોલર જોસ હેઝલવુડે 20મી ઓવર નાખી હતી. શિવમે પ્રથમ બોલ પર 102 મીટરનો છગ્ગો ફટકાર્યો હતો. બીજા બોલ પર આ બોલ પર કોઈ રન નોંધાયો નહીં. ત્રીજા બોલ પર પણ કોઈ રન નોંધાયો નહોતો. તેણે ફરીથી ચોથા બોલ પર સિક્સર ફટકારી હતી. 5મા બોલમાં 2 રન. છેલ્લા બોલ પર તેનો કેચ ચુકી ગયો હતો. શિવમ 46 બોલમાં 95 રન બનાવીને અણનમ રહ્યો હતો. જેમાં 5 ફોર અને 8 સિક્સર ફટકારી હતી. ટી-20માં શિવમનો આ સર્વશ્રેષ્ઠ સ્કોર છે. ધોની બોલ રમ્યા વિના શૂન્ય રને આઉટ થયો હતો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Csk vs rcb, Indian premier league, IPL 2022, IPL Latest News, આઇપીએલ