IPL 2022: દિલ્હી કેપિટલ્સ માટે ખરાબ સમાચાર, CSK સામેની મેચ પહેલા એક સભ્ય કોરોના પોઝિટિવ આવ્યો

આઇપીએલ (IPL 2022) માં આજે સાંજે 7.30 વાગ્યે દિલ્હી કેપિટલ્સ (Delhi capitals) ચેન્નાઈ સુપર કિંગ્સ (DC vs CSK) સામે ટકરાશે. આ સિઝનમાં બંને ટીમો વચ્ચે આ પ્રથમ મેચ હશે. પરંતુ આ મેચ પહેલા જ દિલ્હીની ટીમને મોટો ઝટકો લાગ્યો છે. ટીમનો નેટ બોલર કોરોના પોઝિટિવ હોવાનું જાણવા મળ્યું છે. ઈન્ડિયન એક્સપ્રેસ અનુસાર, કોરોના સંક્રમિત જોવા મળેલા નેટ બોલરની સાથે દિલ્હી કેપિટલ્સે હોટલના રૂમમાં તેની સાથે રહેતા બોલરને પણ આઈસોલેશનમાં મોકલી દીધો છે.

બીસીસીઆઈ દ્વારા આઈપીએલ માટે બનાવેલા કોરોના પ્રોટોકોલ હેઠળ દિલ્હી કેપિટલ્સને કોરોના ટેસ્ટના બીજા રાઉન્ડમાંથી પસાર થવું પડશે અને ત્યાં સુધી તમામ ખેલાડીઓ રૂમમાં આઈસોલેટ રહેશે. નવી મુંબઈના ડીવાય પાટિલ ક્રિકેટ સ્ટેડિયમમાં આજે સાંજે જ દિલ્હી કેપિટલ્સનો સામનો ચેન્નાઈ સુપર કિંગ્સ સામે થવાનો છે. દિલ્હીની ટીમ પોઈન્ટ ટેબલમાં પાંચમા સ્થાને છે. તેણે 10માંથી 5 મેચ જીતી અને તેટલી હારનો સામનો કરવો પડ્યો હતો. જ્યારે ચેન્નાઈ સુપર કિંગ્સ 9મા સ્થાને છે. દિલ્હીના નેટ બોલરને ચેપ લાગ્યો હોવાના કારણે ચેન્નાઈ સામેની મેચના શેડ્યૂલને અસર થશે કે કેમ તે અંગે કોઈ માહિતી બહાર આવી નથી.

આ પણ વાંચો- VIDEO: 12 મેચ... 3 વખત ગોલ્ડન ડક, આઇપીએલમાં આખરે વિરાટ કોહલીને થયું શું છે?

આ પહેલા દિલ્હી કેપિટલ્સના મુખ્ય કોચ રિકી પોન્ટિંગના પરિવારના સભ્યનો પણ કોરોના રિપોર્ટ પોઝિટિવ આવ્યો હતો. આ પછી તે થોડા દિવસો માટે આઈસોલેશનમાં ગયો હતો. ગયા મહિને દિલ્હી કેપિટલ્સના વિદેશી ખેલાડીઓ ટિમ સેફર્ટ, મિશેલ માર્શ અને સપોર્ટ સ્ટાફના 4 સભ્યો પણ કોરોના વાયરસની ઝપેટમાં આવ્યા હતા. આ સિઝનમાં દિલ્હી કેપિટલ્સ એકમાત્ર એવી ટીમ છે, જેના કેમ્પમાં કોરોના ચેપના કેસ નોંધાયા છે. આ કારણોસર ટીમની મેચોના સમયપત્રક અને સ્થળમાં પણ ફેરફાર કરવામાં આવ્યો હતો.

આ પણ વાંચો- T20 World cup 2022: સિલેક્ટર્સે 'કુલ-ચા'ની જોડી કેમ તોડી? ટી-20 વર્લ્ડ કપ પહેલા હરભજન સિંહ સિલેક્ટર્સ પર ગિન્નાયા

દિલ્હી કેપિટલ્સ અને પંજાબ કિંગ્સ વચ્ચેની મેચ જે ગયા મહિને પુણેમાં રમાવાની હતી. પરંતુ બાદમાં આ મેચ મુંબઈના બ્રેબોર્ન સ્ટેડિયમમાં શિફ્ટ કરવામાં આવી હતી. આ કોરોના વાયરસના સંક્રમણને ફેલાતો રોકવા માટે કરવામાં આવ્યું હતું. કારણ કે આ મેચ માટે બંને ટીમોએ બસ દ્વારા લાંબું અંતર કાપવું પડશે. આવી સ્થિતિમાં બાકીના ખેલાડીઓને પણ ચેપ લાગવાની આશંકા હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Chennai super kings, Delhi capitals, IPL 2022, IPL Latest News