IPL 2022: દિલ્હી કેપિટલ્સનો વધુ એક ખેલાડી પોઝિટિવ, આજની મેચ રમાડવી મુશ્કેલ

દિલ્હી કેપિટલ્સ (Delhi Capitals)નો વધુ એક ખેલાડી કોરોના પોઝિટિવ હોવાનું જાણવા મળ્યું છે. જેના કારણે IPL 2022માં આજે યોજાનારી દિલ્હી અને પંજાબ કિંગ્સ (Punjab Kings) વચ્ચેની મેચને લઈને આશંકાઓ વધી ગઈ છે. મેચ સાંજે 7.30 કલાકે શરૂ થવાની છે. દિલ્હીનો ટિમ સીફર્ટ (Tim Seifert) પોઝિટિવ જોવા મળનાર બીજો ખેલાડી છે. આ પહેલા મિશેલ માર્શ પોઝિટિવ આવ્યો છે. આ સિવાય 4 સપોર્ટ સ્ટાફ પણ કોરોનાથી સંક્રમિત થયા છે. બોર્ડ વતી તમામ ખેલાડીઓને રૂમની બહાર જવા પર પ્રતિબંધ મુકવામાં આવ્યો છે. ડોર ટુ ડોર સેમ્પલિંગ કરવામાં આવી રહ્યું છે. જો પોઝિટિવ કેસ વધુ વધે તો આ મેચ પણ મુલતવી રાખવામાં આવી શકે છે. તેનું સ્થળ પહેલેથી જ બદલાઈ ગયું છે. પ્રથમ દિલ્હી અને પંજાબની મેચ પૂણેમાં યોજાવાની હતી. પરંતુ કોવિડને કારણે તેને મુંબઈના બ્રેબોન સ્ટેડિયમમાં કરાવવાનો નિર્ણય લેવામાં આવ્યો છે.

ઈન્ડિયન એક્સપ્રેસના સમાચાર મુજબ ટિમ સીફર્ટ પોઝિટિવ મળી આવ્યા છે. મળતી માહિતી મુજબ સુરક્ષાને જોતા કોઈ ફ્રેન્ચાઈઝી મેચ રમવા માટે તૈયાર નથી. આવી સ્થિતિમાં મેચને લઈને જલ્દી નિર્ણય લેવામાં આવી શકે છે. ગત સિઝનમાં પણ કોરોનાને કારણે ટી-20 લીગ 2 તબક્કામાં યોજવામાં આવી હતી. પ્રથમ તબક્કો ભારતમાં જ્યારે બીજો તબક્કો યુએઈમાં યોજાયો હતો. દેશના ઘણા મોટા શહેરોમાં કોરોનાના કેસમાં વધારો જોવા મળ્યો છે.

આ પણ વાંચો- KL Rahul: કેએલ રાહુલ અને આથિયા શેટ્ટી કરશે લગ્ન! જાણો શરણાઇ ક્યારે વાગશે?

બીસીસીઆઈની વિશ્વસનીયતા દાવ પર

છેલ્લે જ્યારે પોઝિટિવ કેસ આવ્યા હતા. ત્યારબાદ ઘણા ખેલાડીઓએ રમવાની ના પાડી દીધી હતી. પરંતુ બોર્ડ શરૂઆતમાં તૈયાર નહોતું. આ પછી ટીમના ઘણા ખેલાડીઓ પોઝિટિવ થયા હતા. આવી સ્થિતિમાં આ વખતે બીસીસીઆઈ કોઈપણ પ્રકારનું જોખમ લેવાનું પસંદ કરશે નહીં. કોરોનાના કારણે આ વખતે લીગ રાઉન્ડ માત્ર 4 સ્થળો પર જ કરાવવાનો નિર્ણય લેવામાં આવ્યો છે.

આ પણ વાંચો- IPL 2022: મુંબઈ ઈન્ડિયન્સ પ્લેઓફ વિશે કેમ નથી વિચારી રહ્યું? ફાસ્ટ બોલરે જણાવ્યું કારણ

જોકે દિલ્હીની ટીમ ચાલુ સિઝનમાં અપેક્ષા મુજબનું પ્રદર્શન કરી શકી નથી. ટીમે 5માંથી 2 મેચ જીતી છે. તે 3માં હારી ગયો છે. કેપ્ટન ઋષભ પંત બેટમાં સારો દેખાવ કરવામાં નિષ્ફળ રહ્યો છે. ટીમ 4 પોઈન્ટ સાથે 8મા નંબર પર છે. બીજી તરફ પંજાબે અત્યાર સુધી 6માંથી 3 મેચ જીતી છે. તેના 6 પોઇન્ટ છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Delhi capitals, Indian premier league, IPL 2022, IPL Latest News, આઇપીએલ