IPL 2022: બીજી ભૂલ LSGને પડી શકે છે ભારે, કેએલ રાહુલ પર લાગી શકે છે પ્રતિબંધ

IPL 2022ની આ સિઝનમાં ડેબ્યૂ ટીમ લખનૌ સુપર જાયન્ટ્સ (lucknow Super Giants) 8 માંથી 5 મેચ જીતીને પોઈન્ટ ટેબલમાં ટોપ 4માં પહોચી ગઇ છે. કેએલ રાહુલ (kl rAHUL)ના નેતૃત્વમાં લખનૌની શાનદાર સફર ચાલુ છે અને પ્લેઓફની રેસમાં બાકીની ટીમોને જોરદાર લડત આપી રહી છે, પરંતુ લખનૌની આ સફરને આંચકો લાગી શકે છે. જો કેપ્ટન કેએલ રાહુલ બીજી ભૂલ કરે છે તો તેના પર પ્રતિબંધ લાગી શકે છે. રાહુલ પ્રતિબંધિત થવાની ખૂબ નજીક આવી ગયો છે.

ખરેખરમાંમાં ધીમી ઓવર રેટના કારણે રાહુલને બે વખત સજા થઈ છે અને આઈપીએલના નિયમો અનુસાર, જો કેપ્ટન ત્રીજી વખત આવી ભૂલ કરે છે, તો તેના પર એક મેચનો પ્રતિબંધ મૂકવામાં આવશે. પ્લેઓફ માટેની વાસ્તવિક લડાઈ હવે એકદમ નજીક છે અને લખનૌ તેમના કેપ્ટનને ગુમાવવાનું પોસાય તેમ નથી.

આ પણ વાંચો- જીજ્ઞેશ મેવાણીને મળ્યા જામીન, પીએમ મોદી વિરુદ્ધ ટ્વિટ અંગે થઇ હતી ધરપકડ

કેએલ રાહુલને બે વખત દંડ ફટકાર્યો

ખરેખરમાં IPL 2022 ની 37મી મેચમાં મુંબઈ ઈન્ડિયન્સ સામે રાહુલને ધીમી ઓવર રેટના કારણે 24 લાખ રૂપિયાનો દંડ ફટકારવામાં આવ્યો હતો, જ્યારે બાકીની પ્લેઈંગ ઈલેવનને 6 લાખ રૂપિયા અથવા મેચ ફીના 25 ટકા (જે ઓછી હોય તે) દંડ ફટકારવામાં આવ્યો હતો. . લખનૌની આ બીજી વખત ભૂલ હતી. આ પહેલા મુંબઈ સામે આઈપીએલની 26મી મેચમાં રાહુલને 12 લાખ રૂપિયાનો દંડ ફટકારવામાં આવ્યો હતો.

આ પણ વાંચો- સુરતઃ ફરીએકવાર એક તરફી પ્રેમમાં પાગલ યુવકનું કારસ્તાન, ગર્ભવતી પ્રેમિકા પાસે સુસાઈડ નોટ લખાવી ઝેરી પીવડાવ્યું

જોકે, આ ભૂલ કરનાર એકમાત્ર રાહુલ નથી. મુંબઈ ઈન્ડિયન્સના કેપ્ટન રોહિત શર્માએ પણ આ સિઝનમાં બે વખત આ ભૂલ કરી છે અને તે પણ એક મેચ માટે પ્રતિબંધિત થવાની નજીક છે. જો દોષી સાબિત થશે તો 30 લાખ રૂપિયાનો દંડ પણ લાગશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Indian premier league, IPL 2022, IPL Latest News, KL Rahul