VIDEO: અર્જુને પિતા સચિન તેંડુલકરને જન્મદિવસની શુભેચ્છા પાઠવી,'તમે જીવનભર મારા માટે જે કર્યું...'

વિશ્વના મહાન બેટ્સમેનોમાંના એક સચિન તેંડુલકર (Sachin Tendulkar) આજે એટલે કે રવિવાર 24 એપ્રિલે 49 વર્ષના થયા છે. આ પ્રસંગે અનેક પ્રતિષ્ઠિત હસ્તીઓએ તેમને શુભકામનાઓ પાઠવી હતી. તે હાલમાં આઈપીએલમાં મુંબઈ ઈન્ડિયન્સની ટીમ સાથે બાયો-બબલમાં છે. સચિન મુંબઇ ઇન્ડિયન્સ (Mumbai Indians) ચેમ્પિયન ટીમના મેન્ટર છે. ફ્રેન્ચાઇઝીએ તેના માટે એક ખાસ વીડિયો બનાવ્યો છે જેમાં મુંબઈની ટીમના ઘણા ખેલાડીઓ જોવા મળી રહ્યા છે. આ વીડિયોમાં સચિનનો પુત્ર અર્જુન તેંડુલકર (Arjun Tendulkar) પણ છે જે મુંબઈની ટીમ સાથે છે. જોકે, તેને હજુ સુધી પ્લેઈંગ ઈલેવનમાં તક મળી નથી.

લગભગ 3 મિનિટના આ વીડિયોમાં તિલક વર્મા, ડેવાલ્ડ બ્રેવિસ, રિતિક શોકીન, આર્યન જુયલ અને રાહુલ બુદ્ધી જેવા ખેલાડીઓ જોવા મળે છે. બધાએ સચિન સાથે જોડાયેલી વાતો શેર કરી. આટલું જ નહીં, આ યુવા ખેલાડીઓએ એ ઘટના પણ શેર કરી છે કે તેઓ સચિનને ​​કેવી રીતે પ્રથમ વખત મળ્યા હતા. વીડિયોમાં અર્જુન છેલ્લે જોવા મળી રહ્યો છે.

"He inspired all of to watch cricket."

The boys wish & share their experience of meeting for the first time on his special day pic.twitter.com/JQ9wquIPZW

— Mumbai Indians (@mipaltan) April 24, 2022

આ પણ વાંચો- એન્ડ્ર્યુ સાયમન્ડ્સે કર્યો ચોંકાવનારો ખુલાસો, IPLના કારણે મિત્રો પણ બની જાય છે દુશ્મન

અર્જુન તેંડુલકરે પણ આ વીડિયોમાં તેના પિતાને જન્મદિવસની શુભેચ્છા પાઠવી છે. અર્જુન કહે છે, 'હું તમને જન્મદિવસની ખૂબ ખૂબ શુભેચ્છાઓ પાઠવું છું. તમારા દિવસનો સંપૂર્ણ આનંદ માણો. તમે મારા જીવન દરમિયાન મારા માટે જે કર્યું છે તે માટે તમારો આભાર.

આ પણ વાંચો- IPL 2022: 'અમારી આંખોમાં આંસુ છે', વિરાટ કોહલીના ખરાબ ફોર્મ પર આકાશ ચોપરાનું દુઃખ

મુંબઈ ઈન્ડિયન્સે આ વીડિયોના કેપ્શનમાં લખ્યું છે કે, 'તેમણે સમગ્ર ભારતને ક્રિકેટ જોવા માટે પ્રેરિત કર્યું. આ ખાસ દિવસે ટીમના ખેલાડીઓ પહેલીવાર તેમને મળવાનો પોતાનો અનુભવ શેર કરી રહ્યા છે. તમને જણાવી દઈએ કે મુંબઈ માટે વર્તમાન સિઝન ઘણી ખરાબ રહી છે. ટીમ અત્યાર સુધી તેની તમામ સાત મેચ હારી ચૂકી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Arjun tendulkar, IPL 2022, IPL Latest News, Mumbai indians, Sachin tendulkar career, આઇપીએલ