IPLની ફિનાલેમાં રિલીઝ થયું 'લાલ સિંહ ચઢ્ઢા'નું ટ્રેલર, આમિર ખાને રચ્યો ઇતિહાસ

એન્ટરટેઇનમેન્ટ ડેસ્ક: આમિર ખાનની ફિલ્મ 'લાલ સિંહ ચઢ્ઢા'નું ટ્રેલર આજે 29 મેનાં રોજ IPLની ફાઇનલ મેચ દરમિયાન આમિર ખાને (Aamir Khan) લોન્ચ કર્યું છે. ત્યારે એ પહેલાં જ તેણે મુંબઇમાં શનિવારે સાંજે ટ્રેલરનો સ્પેશલ પ્રીવ્યું શોનું આયોજન કર્યું હતું. જેમાં ઘણાં બધા સેલિબ્રિટીઝ અને ઇન્ડસ્ટ્રીનાં સભ્યોએ હાજરી આપી હતી. આ સમયે આમિર ખાને મીડિયા કર્મચારીઓ અને ફેન્સની સાથે 'પાણીપુરી'ની લુત્ફ ઉઠાવી હતી. જેનો વીડિયો અને ફોટા સોશિયલ મીડિયા પર વાયરલ થઇ રહ્યાં છે.

આમિર ખાન રચશે ઇતિહાસ
આમિરની આ ફિલ્મનું ટ્રેલર બીજા ટાઇમ આઉટ સમયે રિલીઝ કરવામાં આવ્યું. આ સાથે જ આમિર ખાન મેચનું હોસ્ટિંગ કરતો પણ નજર આવ્યો. આ માટે આમિર ખાને તૈયારીઓ પણ શરૂ કરી દીધી છે. આવું પહેલી વખત બનશે કે કોઇ મેચ દરમિયાન ફિલ્મનું ટ્રેલર લોન્ચ કરવામાં આવ્યું હોય. પહેલેથી જ IPLની મેચ માટે લોકોનાં મનમાં અનેરો ઉત્સાહ છે. તેમાં ટ્રેલર લોન્ચની માહિતી મળવાથી ફેન્સ ઉત્સાહિત છે. તેઓ ફિલ્મ પ્રમોશનનાં આ નવાં આઇડિયાથી ખુબજ ખુશ છે.

View this post on Instagram

A post shared by Aamir Khan Productions (@aamirkhanproductions)

View this post on Instagram

A post shared by Viral Bhayani (@viralbhayani)

આમિર ખાને પાણી પુરીની ઉઠાવી મજા
'લાલ સિંહ ચઢ્ઢા'ના ટ્રેલરના સ્પેશિયલ પ્રીવ્યુ દરમિયાન આમિર ઈવેન્ટ વેન્યુની બહાર ફોટોગ્રાફર્સને પોઝ પણ આપતો જોવા મળ્યો હતો. આ ઈવેન્ટમાં આમિર વ્હાઈટ ટી-શર્ટ, પિંક શર્ટ અને હેરમ પેન્ટ પહેર્યું હતું. પહેલી વખત કોઈ ફિલ્મના ટ્રેલરને મેગા ક્રિકેટિંગ ઈવેન્ટ દરમિયાન ઈન્ડિયન ટેલિવિઝન પર રિલીઝ કરવામાં આવી રહ્યું છે.

આમિર ખાન સ્ટાર આ ફિલ્મમાં કરિના કપૂર પણ લિડ રોલમાં છે. ફિલ્મ આ 11 ઓગસ્ટ 2022નાં રોજ રિલીઝ થાય તેવી વાતો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર