CJI સામે યૌન શોષણનો આરોપ લગાવનાર મહિલાએ માંગી તપાસ રિપોર્ટની કોપી

સુપ્રીમ કોર્ટના ચીફ જસ્ટિસ રંજન ગોગોઈ સામે યૌન શોષણના મામલામાં ક્લિન ચીટ આપવાના એક દિવસ પછી ફરિયાદકર્તા મહિલાએ કહ્યું હતું કે કમિટી ટ્વારા તેના રિપોર્ટની કોપી તેને પણ આપવી જોઈએ. જેથી ખબર પડે કે કયા આધારે તેની ફરિયાદને ફગાવી દેવામાં આવી છે.

જસ્સિટ એસએ બોબડે, ઇન્દીરા બેનરજી અને ઇન્દુ મલ્હોત્રાની બેન્ચે સીજેઆઈ સામે લાગેલા આરોપને ફગાવી દીધા હતા. સુપ્રીમ કોર્ટે કહ્યું હતું કે રિપોર્ટ જસ્ટિસ ગોગોઈ અને આગામી વરિષ્ઠ જજને આપવામાં આવ્યો છે. જોકે તેને સાર્વનજિક કરી શકાય નહીં કારણ કે આ એક અનૌપચારિક તપાસ હતી.

આ પણ વાંચો - CJIને યૌન ઉત્પીડન કેસમાં ક્લિન ચીટ મળતા સુપ્રીમ કોર્ટ બહાર વિરોધ

મહિલાએ કહ્યું હતું કે આખરે ફરિયાદકર્તાને રિપોર્ટ આપવાથી કેવી રીતે ના પાડી શકાય. તમને જણાવી દઈએ કે ફરિયાદકર્તા મહિલા જૂનિયર કોર્ટમાં ઓસિસટન્ટ હતી. મહિલાએ કહ્યું હતું કે મને અધિકાર છે કે હું રિપોર્ટ જોઈ શકુ અને જે સાક્ષીના નિવેદનોના આધારે મારી ફરિયાદ ફગાવી દીધી છે તેના વિશે મને જાણવાનો અધિકાર છે.

પેનલને લખેલા એક પત્રમાં મહિલાએ કહ્યું હતું કે હું જાણવા માંગું છું કે કયા આધારે તમને લાગ્યું કે મારી ફરિયાદમાં કોઈ દમ નથી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: CJI, Ranjan gogoi