Home /News /india /

પ્રેસ કોન્ફરન્સમાં બીજેપી નેતા GVL નરસિમ્હા રાવ પર ફેકાયું ખાસડું

પ્રેસ કોન્ફરન્સમાં બીજેપી નેતા GVL નરસિમ્હા રાવ પર ફેકાયું ખાસડું

પોલીસ બૂટ વ્યક્તિની પુછપરછ કરી રહી છે

પોલીસ બૂટ વ્યક્તિની પુછપરછ કરી રહી છે

    દિલ્હીમાં પ્રેસ કોન્ફરન્સ દરમિયાન બીજેપીના પ્રવક્તા જીવીએલ નરસિમ્હા પર બૂટ ફેંકીને હુમલો કરવામાં આવ્યો છે. નરસિમ્હા રાવ અને જિતેન્દ્ર તોમર પર ખાસડું ફેકવામાં આવ્યું છે. સાધ્વી પ્રજ્ઞા ઉપર બીજેપી હેટક્વાર્ટરમાં પ્રેસ કોન્ફરન્સ કરી રહ્યા હતા ત્યારે આ ઘટના બની છે. ખાસડું  ફેંકનારને તરત સુરક્ષા કર્મીઓએ પકડી લીધો હતો. બીજેપીએ આ ઘટનાની ટિકા કરતા કહ્યું હતું કે આ ઘણી દુખદ અને નીંદનીય છે.

    બૂટ ફેંકવાની ઘટના પછી બીજેપી પ્રવક્તા રાવ એકદમ સંયમિત જોવા મળ્યા હતા તેમણે કોઈ પ્રતિક્રીયા આપી ન હતી. રાવે પોતાની વાત આગળ ચાલું રાખી હતી.



    આ ઘટના પર બીજેપીના પ્રવક્તા નલિન કોહલીએ કહ્યું હતું કે જે પણ વ્યક્તિએ આ કર્યું છે તે બીજા કોઈના કહેવા પર કર્યું છે તો તે ઘણું દુખદ છે. આ અમર્યાદિત આચરણ છે અને આવી ઘટનાને  લોકતંત્રમાં કોઈ સ્થાન નથી.

    BJP નેતા જીવીએલ નરસિમ્હા રાવ પર બૂટ  ફેંકનાર આરોપી વ્યક્તિ પાસે મળેલા વિઝીટિંગ કાર્ડ પર તેનું નામ શક્તિ ભાર્ગવ લખેલું છે. પોલીસ આ વ્યક્તિની પુછપરછ કરી રહી છે. મીડિયા રિપોર્ટ્સ પ્રમાણે તે કાનપુરનો રહેવાસી છે. આ ઘટના પછી સવાલ થઈ રહ્યો છે કે જો આ વ્યક્તિ બીજેપીનો કાર્યકર્તા કે મીડિયા પર્સન નથી તો તે સ્ટેજ સુધી કેવી રીતે પહોંચ્યો.
    Published by:Ashish Goyal
    First published:

    Tags: Lok sabha election 2019, દિલ્હી, ભાજપ

    આગામી સમાચાર