પ્રજ્ઞા ઠાકુરે લોકસભામાં ગોડસેને દેશભક્ત ગણાવ્યો, હંગામા પછી BJP સાંસદોએ જ તેને બેસાડી દીધા

News18 Gujarati
Updated: November 27, 2019, 7:41 PM IST
પ્રજ્ઞા ઠાકુરે લોકસભામાં ગોડસેને દેશભક્ત ગણાવ્યો, હંગામા પછી BJP સાંસદોએ જ તેને બેસાડી દીધા
પ્રજ્ઞા ઠાકુરે ગોડસેને દેશભક્ત ગણાવ્યો, BJP સાંસદોએ બેસી જવાનો ઇશારો કર્યો

કૉંગ્રેસના સભ્યોએ સખત વિરોધ કર્યો

  • Share this:
નવી દિલ્હી : ભાજપા સાંસદ પ્રજ્ઞા સિંહ ઠાકુરે (Pragya Singh Thakur) બુધવારે લોકસભા (Loksabha)માં એસપીજી સંશોધન વિધેયક (SPG Act Amendment Bill)પર ચર્ચા દરમિયાન રાષ્ટ્રપિતા મહાત્મા ગાંધી (Mahatma Gandhi)ના હત્યારા નાથુરામ ગોડસે(Nathuram Godse)નો હવાલો દેશભક્ત રીતે આપ્યો હતો. જેને લઈને કૉંગ્રેસના સભ્યોએ સખત વિરોધ કર્યો હતો. સદનમાં જ્યારે એ રાજાએ ચર્ચામાં ભાગ લેતા નકારાત્મક માનસિકતાને લઈને ગોડસેનું ઉદાહરણ આપ્યું તો પ્રજ્ઞા પોતાના સ્થાન ઉપર ઉભી થઈ ગઈ હતી અને કહ્યું હતું કે દેશભક્તોના ઉદાહરણ ના આપો.

બીજેપી સાંસદોએ કર્યો બેસી જવાનો ઇશારો
આ મુદ્દે કૉંગ્રેસના ઘણા સભ્યોએ આપત્તિ વ્યક્ત કરી અને આરોપ લગાવતા કહ્યું હતું કે તેને (પ્રજ્ઞા) પ્રધાનમંત્રીનું સંરક્ષણ મળેલ છે. આ દરમિયાન સંસદીય કાર્યમંત્રી પ્રહલાદ જોશી ભાજપા સભ્ય પ્રજ્ઞાને બેસી જવાનો ઇશારો કરતા જોવા મળ્યા હતા. બીજા અન્ય બીજેપી સાંસદોએ પણ બેસી જવાનો ઇશારો કર્યો હતો. લોકસભા અધ્યક્ષ ઓમ બિરલાએ કૉંગ્રેસના સભ્યોને બેસી જવાની અપીલ કરતા કહ્યું હતું કે ફક્ત એ રાજાની વાત રેકોર્ડમાં જઈ રહી છે. ઉલ્લેખનીય છે કે પ્રજ્ઞા સિંહ પહેલા પણ ગોડસેને દેશભક્ત ગણાવી ચૂકી છે. જેને લઈને વિવાદ થયો હતો.

આ પણ વાંચો - અમિત શાહે કહ્યું - રાહુલ ગાંધીએ 2137 વખત સુરક્ષા નિયમોનું ઉલ્લંઘન કર્યું

આ પહેલા મે મહિનામાં લોકસભા ચૂંટણી દરમિયાન પ્રજ્ઞા સિંહ ઠાકુરે રાષ્ટ્રપિતા મહાત્મા ગાંધીના હત્યારા નાથુરામ ગોડસેને દેશભક્ત ગણાવ્યો હતો. વિપક્ષે જ્યારે તેના નિવેદનને લઈને હંગામો કર્યો તો પ્રજ્ઞાએ માફી માંગી હતી.

પ્રધાનમંત્રી નરેન્દ્ર મોદીએ પણ રાષ્ટ્રપિતા મહાત્મા ગાંધી પર આપેલા વિવાદિત નિવેદન પર વિરોધ બતાવ્યો હતો. એક ખાનગી ચેનલને આપેલા ઇન્ટરવ્યૂમાં પીએમ મોદીએ કહ્યું હતું કે તે સાધ્વી પ્રજ્ઞાને ક્યારેય મનથી માફ કરી શકશે નહીં. હું ઇચ્છું તો પણ સાધ્વી ને ક્યારેય મનથી માફ કરીશ નહીં.થોડા દિવસો પહેલા પ્રજ્ઞા સિંહ ઠાકુરને રક્ષા મંત્રાલયની સંસદીય સમિતિમાં સ્થાન આપવામાં આવ્યું હતું. આ કમિટીની આગેવાની રક્ષા મંત્રી રાજનાથ સિંહ કરી રહ્યા છે.
First published: November 27, 2019
વધુ વાંચો
अगली ख़बर
corona virus btn
corona virus btn
Loading