દિલ્હીમાં પ્રદૂષણ કટોકટી, નિયમ તોડવા પર થશે કાયદેસરની કાર્યવાહી

નવી દિલ્હીઃ ગુરુવારે દિલ્હી એનસીઆરમાં જોખમી સ્તરના પ્રદૂષણ પછી, કેટલાક કટોકટીના પગલાં અમલમાં મૂક્યા છે. આ સાથે જ રાજ્ય પ્રદૂષણ નિયંત્રણ બોર્ડે નિર્દેશ આપ્યો છે કે નિયમોનું ઉલ્લંઘન કરનારાઓ સામે અપરાધિક કાર્યવાહી કરવામાં આવે. જ્યારે દિલ્હી સરકારે કહ્યું છે કે, ખાનગી વાહનોને નિયંત્રિત કરવા 'ઓડ-ઇવન' યોજના અમલમાં મૂકવામાં આવે.

રાષ્ટ્રની રાજધાનીમાં તીવ્ર પવનને લીધે, હવાની ગુણવત્તા 'ગંભીર' કેટેગરી માંથી 'અત્યંત ખરાબ' કેટેગરી સુધી પહોંચી ગઈ છે. સર્વોચ્ચ અદાલત દ્વારા નિયુક્ત પર્યાવરણ પ્રદૂષણ નિયંત્રણ સત્તા (ઇપીસીએ), 1 નવેમ્બરથી ઘણી પ્રવૃત્તિઓ પર પ્રતિબંધ મૂક્યો છે. વધુમાં, આગામી 10 દિવસો માટે, દિલ્હીવાસીઓને સાર્વજનિક પરિવહનની વિનંતી કરવામાં આવી છે. કારણ કે હવાની ગુણવત્તા વધુ નીચે જવાની શક્યતા છે.

આ પણ વાંચોઃ પ્રદૂષણ સામે દિલ્હીમાં ઇમરજન્સી પ્લાન, આજે 4 ગણી વધશે પાર્કિંગ ફી

ઓથોરિટી અનુસાર, દિલ્હી-એનસીઆરમાં 40 ટકા પ્રદૂષણ ખાનગી વાહનોમાંથી થાય છે. ઇપીસીએએ આ સમયગાળા દરમિયાન ખાનગી વાહનોનો ઉપયોગ ઘટાડવા અને ડીઝલ વાહનોને સંપૂર્ણપણે રોકવા લોકોને વિનંતી કરી છે. દિલ્હી એનસીઆર ક્ષેત્રમાં કુલ 3.5 મિલિયન ખાનગી વાહનો છે. આ હેઠળ, દિલ્હી સરકારે બુધવારે જણાવ્યું હતું કે તે કટોકટી અમલમાં મૂકવા માટે સંપુર્ણપણે તૈયાર છે. આ વિશે દિલ્હીના પરિવહન મંત્રી કૈલાશ ગેહલોતે કહ્યું કે, "દિલ્હી સરકાર ગ્રેડિયડ રિસપોન્સ ઍક્શન પ્લાન(જીઆરપી) મુજબ પ્રદૂષણ ઘટાડવા માટે દિલ્હી સરકાર બચાવ સંબંધિત યોજનાઓ અમલમાં મૂકવા તૈયાર છે. તેમાં ઓડ-ઈવન યોજના પણ શામેલ છે."

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Emergency, Environment, NCR, દિલ્હી, પ્રદુષણ