Home /News /india /

પાકિસ્તાનને શાંતિ જોઇએ તો જૈશ-એ-મોહમ્મદ પર કડક કાર્યવાહી કરે: US

પાકિસ્તાનને શાંતિ જોઇએ તો જૈશ-એ-મોહમ્મદ પર કડક કાર્યવાહી કરે: US

પાકિસ્તાનનાં પીએમ ઇમરાન ખાન અને અઝહર મસૂદની ફાઇલ તસવીર

પાકિસ્તાનનાં વિદેશ મંત્રી શાહ મેહમૂદ કુરૈશીએ CNN સાથે ખાસ વાતચીતમાં માન્યું કે જૈશ એ મોહમ્મદનાં વડા મસૂદ અઝહર પાકિસ્તાનમાં જ છે.

    ન્યૂઝ 18 ગુજરાતી : પાકિસ્તાનનાં વિદેશ મંત્રી શાહ મેહમૂદ કુરૈશીએ CNN સાથે ખાસ વાતચીતમાં માન્યું કે જૈશ એ મોહમ્મદનાં વડા મસૂદ અઝહર પાકિસ્તાનમાં જ છે. પાકિસ્તાની વિદેશ મંત્રીનાં આ નિવેદન પછી અમે અમેરિકાએ તેને સલાહ આપી કે તરત જૈશ ચીફ મસૂદ અઝહર પર કાર્યવાહી કરે. અમેરિકી સાંસદ ઇલિયર, એન્ગલે નિવેદન આપ્યું કે જે અશાંતિથી બચવા માટેની વાત ઇમરાન ખાન સતત કરી રહ્યાં છે તે માટે પાકિસ્તાનને આતંકી સંગઠનો અને જૈશ ચીફ મસૂદ અઝહર પર કઠોર કાર્યવાહી કરવી જોઇએ.

    આ પણ વાંચો: જૈશનો વડો મસૂદ અઝહર પાકિસ્તાનમાં જ છે : પાકિસ્તાનના વિદેશ મંત્રીનો સ્વીકાર

    તમને જણાવીએ કે પાકિસ્તાની વિદેશ મંત્રી શાહ મેહમૂદ કુરૈશીને જ્યારે પૂછવામાં આવ્યું કે શું આતંકી મસૂદ અઝહર પાકિસ્તાનમાં જ છે, ત્યારે તેમણે જણાવ્યું કે, "મને ખબર છે ત્યાં સુધી અઝહર મસૂદ પાકિસ્તાનમાં જ છે. તેની હાલત ખૂબ જ ખરાબ છે. તે ઘરથી બહાર પણ નથી નીકળી શકતો. ભારત પાસે તેની વિરુદ્ધ પુરાવા હોય તો પાકિસ્તાન સાથે શેર કરે, જેનાથી અમે પાકિસ્તાનની કોર્ટ અને લોકોને વિશ્વાસમાં લઈ શકીએ."

    આ પણ વાંચો: ઓસામા બિન લાદેનનાં પુત્ર હમઝા પર USએ જાહેર કર્યું રૂ. 70 કરોડનું ઇનામ

    મસૂદ અઝહરનાં સંગઠન જૈશ એ મોહમ્મદે 14મી ફેબ્રુઆરીનાં રોજ પુલવામામાં સીઆરપીએફ કાફલા પર હુમલો કરાવ્યો હતો. જેમાં 40 જવાન શહીદ થઇ ગયા હતાં. જે પછી ભારતે ગત મંગળવારે પીઓકેનાં બાલાકોટમાં જૈશનાં ઠેકાણાને નષ્ટ કરી દીધા હતાં. જેમાં 300થી વધારે આતંકીને ઠાર કરાયા હતાં.
    Published by:Kaushal Pancholi
    First published:

    Tags: Jammu Kashmir, US, પાકિસ્તાન, પુલવામા

    આગામી સમાચાર