રિઝલ્ટ પહેલા પૂર્વ CECએ કહ્યું - EVM સાથે છેડછાડ સંભવ નથી

ઇવીએમ સાથે છેડછાડને લઈને ઉઠી રહેલો મુદ્દો બુધવારે વધારે ગરમાયો છે. એક પછી એક પ્રશાસનિક અધિકારીઓએ આ સંબંધમાં ટ્વિટ કરીને જણાવ્યું કે ઇવીએમ પૂરી રીતે સુરક્ષિત છે. આ યાદીમાં પૂર્વ મુખ્ય ચૂંટણી કમિશનર ઓપી રાવત પણ જોડાયા છે. તેમણે ઇવીએમ સાથે છેડછાડની વાતને પૂરી રીતે નકારી દીધી છે. તેમણે કહ્યું હતું કે ઇવીએમ સાથે કોઈ પ્રકારની છેડછાડ થઈ શકતી નથી. ઇવીએમનો સિક્યોરિટી પ્રોટોકોલ ઘણો સખત હોય છે અને ઇવીએમને સ્ટ્રોંગ રુમમાં રાખવામાં આવે છે.

ઓપી રાવતે કહ્યું હતું કે જ્યારે પણ સ્ટ્રોંગ રુમને ખોલવામાં આવે છે ત્યારે રાજનીતિક પાર્ટીઓના પ્રતિનિધિ આ દરમિયાન હાજર રહે છે. ઇવીએમને તેમની સામે જ બહાર કાઢવામાં આવે છે. આ દરમિયાન મોક પોલ પણ કરવામાં આવે છે. તેમણે કહ્યું હતું કે ઇવીએમ પૂરી રીતે સુરક્ષિત છે. તેની ઉપર કોઈ સવાલ ઉઠાવી શકાય નહીં.

OP Rawat, Former Chief Election Commissioner: EVMs can't be tampered with. EVM security protocol is so strict whenever a strong room has to be opened, representatives of all political parties have to be there, machines are taken out in their presence, mock poll is also conducted. pic.twitter.com/4RViiapums

— ANI (@ANI) May 22, 2019

ઉલ્લેખનીય છે કે વિપક્ષ લોકસભા ચૂંટણી ખતમ થયા પછી ઇવીએમના હેકિંગનો મુદ્દો ઉઠાવ્યો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Election commission, Elections 2019, Exit polls, Lok Sabha Elections 2019, Op rawat, ઇવીએમ