Breaking News: રાજસ્થાનમાં 10 થી 24 મે સુધી સંપૂર્ણ Lockdown, લગ્નવિધિ પર પ્રતિબંધ

Breaking News: રાજસ્થાનમાં 10 થી 24 મે સુધી સંપૂર્ણ Lockdown, લગ્નવિધિ પર પ્રતિબંધ

  • Share this:
    જયપુર: રાજસ્થાનમાં વધી રહેલા કોરોના સંક્રમણની ચેઈન તોડવા માટે હવે સરકારે વધુ કડક નિર્ણયો લેવાના શરૂ કરી દીધા છે. જેમાં સૌથી મહત્વના નિર્ણય તરીકે ગહલોત સરકારે રાજ્યમાં સંપૂર્ણ લોકડાઉન કરવાના આદેશ આપી દીધા છે. મળતી માહિતી અનુસાર 10 મે સવારે 5 વાગ્યાથી 24 મે સુધી રાજ્યમાં સંપૂર્ણ લોકડાઉન કરી દેવમાં આવ્યું છે. ત્યારે બીજુ બાજુ લગ્ન વિધીઓ પર 31 મે સુધી સંપૂર્ણ રોક લગાવી દેવામાં આવી છે.

    નવી-ગાઇડલાઈન અનુસાર, લગ્ન સમારંભમાં ડીજે, શોભાયાત્રા કાઢવાની મંજૂરી અથવા પાર્ટીમાં જોડાવાની મંજૂરી નહીં મળે. ઘરે અથવા કોર્ટ મેરેજ તરીકે લગ્નની મંજૂરી આપવામાં આવશે. આમાં ફક્ત 11 લોકો હાજર રહેશે. તે જ સમયે, લગ્નની માહિતી ડીઆઈઆઈટી દ્વારા બનાવેલા પોર્ટલ પર આપવી પડશે. ટેન્ટ હાઉસ અને કન્ફેક્શનરીથી સંબંધિત કોઈપણ પ્રકારની માલની ઘરેલુ ડિલિવરી પણ લગ્ન માટે મંજૂરી આપશે નહીં. આ સાથે, કોઈપણ પ્રકારના સમૂહ ભોજનને પણ મંજૂરી આપવામાં આવશે નહીં.



    મજૂરોને કામ કરવાની મંજૂરી
    મહત્વનું છે કે, લોકડાઉન દરમિયાન રાષ્ટ્રીય ગ્રામીણ રોજગાર ગેરંટી યોજના અને અન્ય ગ્રામીણ વિકાસ યોજનાઓમાં કામ કરતા કામદારોને કોરોના માર્ગદર્શિકા અને સામાજિક અંતર સાથે કામ કરવાની મંજૂરી આપવામાં આવશે.

    લોકડાઉન દરમિયાન રાજ્યના તમામ ધાર્મિક સ્થળો બંધ રહેશે. સરકારે સામાન્ય લોકોને અપીલ કરી છે કે તેઓ તેમના ઘરે જ પૂજા-પ્રાર્થના કરે. આ સમય દરમિયાન બસો, જીપ જેવા તમામ જાહેર પરિવહન સંપૂર્ણ બંધ રહેશે. જો કે, આ સમય દરમિયાન, તબીબી સેવાઓ માટે વાહનોને સંપૂર્ણ મુક્તિ રહેશે. રાજ્યની અંદર એક જિલ્લોથી બીજા જિલ્લામાં અને અન્ય રાજ્યમાં જતા વાહનોને મુક્તિ અપાશે.

    રાજ્યના બહારથી આવતા લોકો માટે, કોરોના નેગેટિવ આરટીપીઆર રિપોર્ટ 72 કલાક અગાઉથી કરેલો ફરજિયાત રહેશે. તે જ સમયે, કામદારોના સ્થળાંતરને રોકવા માટે ઉદ્યોગો ચાલશે. બાંધકામ સામગ્રીની દુકાનો બંધ રહેશે અને ફોન પર ઓર્ડર લઈ શકાય છે. દૂધની ડેરી અને કરિયાણાની દુકાન સવારે 6 થી 11 દરમિયાન ખુલશે

    આ સાથે, સરકારે કહ્યું છે કે, જો શક્ય હોય તો કોઈ પણ હોસ્પિટલમાં દાખલ કોરોના દર્દીની સાથે ન રહેવું જોઈએ, અને જો જરૂરી હોય તો ફક્ત એક જ વ્યક્તિને આવું કરવાની છૂટ આપવી જોઈએ. આ માટે, હોસ્પિટલ વતી પાસ આપવામાં આવે છે.
    Published by:kuldipsinh barot
    First published:May 07, 2021, 00:10 am

    ટૉપ ન્યૂઝ