MPમાં કાર પર ઇંડા ફેંકાયા બાદ હાર્દિકે કહ્યું- 'શિવરાજ મામા અમે ડરવાના નથી'

મધ્યપ્રદેશના જબલપુરમાં પાટીદાર નેતા હાર્દિક પટેલની કાર પર ઈંડા અને પથ્થર ફેંકાયા છે. જણાવવામાં આવી રહ્યું છે કે જબલપુરમાં બીજેપી કાર્યાલયમાં તેમની કાર પર હુમલો થયો છે.

હાર્દિક પટેલ જબલપુરના પનાગરમાં થનારા સમ્મેલનમાં જોડાવવા ત્યાં ગયા છે. આ દરમિયાન તેમની કાર પર આ હુમલો થયો છે. આ ઘટના પછી ટ્વિટર પર લખ્યું કે, મધ્યપ્રદેશના જબલપુરમાં મામા શિવરાજના ચેલાઓએ અમારૂં સ્વાગત ઈંડાથી કર્યું છે. આજે જબલપુરથી પનાગતર જતી વખતે આગાચોક પર મારી ગાડી પર ઈંડા ફેંક્યા અને નામર્દોની જેમ જ ભાગી ગયા, અરે મામા શિવરાજ ઈંડાથી આ હાર્દિક ડરવાનો નથી. બંદૂકની ગોળી ચલાવો. જ્યાર સુધી મારા શરીરમાં લોહી છે ત્યાં સુધી આ લડાઇ ચાલુ જ રહેશે.

म॰प्र के जबलपुर में मामा शिवराज के चेलो ने हमारा स्वागत अंडे से किया,आज जबलपुर से पनागर जाते वक़्त आगाचोक पर मेरी गाड़ी पर जमकर अंडे बरसाए और नामर्दों की तरह भागकर चले गए,अरे मामा शिवराज अंडे से यह हार्दिक नहीं रुकने वाला,बंदूक़ की गोली चलाओ !!जब तक रक्त है मुझमें लड़ाई जारी हैं।

— Hardik Patel (@HardikPatel_) June 7, 2018

નોંધનીય છે કે મધ્યપ્રદેશમાં થઇ રહેલા 'ગામ બંધ' આંદોલન વચ્ચે ગુજરાતના પાટીદાર નેતા હાર્દિક પટેલ ત્રણ દિવસની યાત્રા પર જબલપુર પહોંચ્યા છે. જબલપુરમાં હાર્દિક પટેલ રેલી કરવાના હતાં, જો કે તંત્રએ તેમને મંજૂરી આપી નહીં અને કહ્યું કે ખેડૂત આંદોલન દરમિયાન હાર્દિકને રેલીની અનુમતિ ન આપી શકાય.



નોંધનીય છે કે મધ્ય પ્રદેશમાં નવેમ્બર સુધીમાં ચૂંટણી યોજનાર છે. કોંગ્રેસ અહીં ઘણા વર્ષોથી સત્તામાં આવવા માટે પ્રયાસો કરી રહી છે. આ માટે હવે તે ખેડૂતોના ખભા પર સવાર થઈને સત્તા મેળવવા માગે છે. આ માટે જ બુધવારે રાહુલ ગાંધી મંદસૌર પહોંચ્યા હતા. અહીં તેમણે વર્ષ પહેલા ખેડૂત આંદોલનમાં માર્યા ગયેલા છ લોકોને શ્રદ્ધાંજલિ પાઠવી હતી. તો પાટિદાર નેતા હાર્દિક પટેલ પહેલાથી જ મધ્ય પ્રદેશમાં સક્રિય છે. હાર્દિક 7 અને 8મી જુનના રોજ જબલપુર અને સતનામાં રેલી કરવાનો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Farmer Protest, Madhya pradesh, ભાજપ, હાર્દિક પટેલ