PM મોદીએ વર્ધામાં આપ્યું નફરત ફેલાવતુ ભાષણ? ECએ માંગ્યો રિપોર્ટ

ન્યૂઝ 18 ગુજરાતી: લોકસભા ચૂંટણીને હવે થોડા જ દિવસો બાકી છે. તેવી સ્થિતિમાં આદર્શ આચાર સંહિતાનાં કથિત ઉલ્લંઘન અંગે પણ ઘણાં કેસ આવી રહ્યાં છે. વડાપ્રધાન નરેન્દ્ર મોદીએ મહારાષ્ટ્રનાં વર્ધામાં એક ભાષણ આપ્યું હતું જે અંગે ચૂંટણી આયોગમાં ફરિયાદ થઇ છે. કોંગ્રેસની ફરિયાદ પછી ચૂંટણી આયોગે મહારાષ્ટ્રનાં નિર્વાચન અધિકારીઓ પાસેથી તથ્યાત્મક રિપોર્ટ માંગ્યો છે.

કોંગ્રેસનો આરોપ છે કે પીએમ મોદીએ સોમવારે વર્ધામાં રેલી દરમિયાન કોંગ્રેસ અધ્યક્ષ રાહુલ ગાંધીનાં વાયનાડથી ચૂંટણી લડવા અંગે ટિપ્પણી કરી હતી. તેમણે કહ્યું હતું કે રાહુલ ગાંધી એટલા માટે વાયનાડ ગયા કારણ કે ત્યાં હિંદૂ અલ્પસંખ્યક છે અને ક્ષેત્રમાં મુસ્લિમની બહુમતી છે.

"FIRST POST" દ્વારા 'નેશનલ ટ્રસ્ટ સર્વે' અંતર્ગત મોદીનો કોઈ વિકલ્પ નથી !

પીએમ મોદીએ સોમવારે કોંગ્રેસ પર વોટ બેંકની રાજનીતિ કરવા માટે 'હિંદુ આતંક' શબ્દ ઉછાળવા પર કોંગ્રેસ પર હુમલો કર્યો હતો. તેમણે કહ્યું હતું કે અદાલતનાં નિર્ણયથી રાહુલ ગાંધી ડરી ગયા છે કે હિંદુ તેમને સબક શીખવાડશે. એટલે તેઓમાં હિંદુ બહુમતી ધરાવતા સંસદીય ક્ષેત્રોમાં ઉભા રહેવાનું સાહસ નથી. તેઓ ચૂંટણી માટે અન્ય અલ્પસંખ્યક બહુમકી સીટો તરફ દોડી રહ્યાં છે.



કોંગ્રેસે મોદીનાં ભાષણ સામે ચૂંટણી આયોગમાં ફરિયાદ કરી હતી. કોંગ્રેસે કહ્યું હતું કે વડાપ્રધાનનાં નિવેદનો નફરત ઉત્પન્ન કરનારા છે અને વિભાજનકારી છે. એક સૂત્રએ શુક્રવારે કહ્યું કે, 'પીએમ મોદીનાં આ ભાષણ માટે મહારાષ્ટ્રનાં મુખ્ય નિર્વાચન અધિકારી પાસેથી તથ્યાત્મક રિપોર્ટ માંગવામાં આવી છે.'

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Election commission, Lok sabha election 2019, Maharashtra, નરેન્દ્ર મોદી, રાહુલ ગાંધી