ગેહલોતનું મંત્રીમંડળ: 23 ધારાસભ્ય બનશે મંત્રી, 13 કેબિનેટ અને 10 રાજ્ય મંત્રી હશે

રાજસ્થાનમાં અશોક ગેહલોત સરકારના મંત્રીમંડળની તસવીર સ્પષ્ટ બની ગઈ છે. સોમવારે 23 ધારાસભ્યો મંત્રી પદના શપથ લેશે. જેમાં 13 કેબિનેટ અને 10 રાજ્ય મંત્રી હશે. કોંગ્રેસના પ્રદેશ પ્રભારી અવિનાશ પાંડેએ મંત્રી બનનાર ધારાસભ્યોને રવિવારે ફોન કરીને આ વિશે જાણકારી આપી હતી. મંત્રી પદ માટે ફોન આવ્યા પછી સંબંધિત ધારાસભ્યોના સમર્થકોએ ઉજવણી કરવાની શરુ કરી દીધી છે.

સોમવારે શપથ લેનાર મંત્રીઓમાં બીડી કલ્લા, રઘુ શર્મા, શાંતિ ધારીવાલ, લાલચંદ કટારિયા, પ્રમોદ જૈન ભાયા, પરસાદીલાલ મીના, વિશ્વેન્દ્ર સિંહ, હરીશ ચૌધરી, રમેશ મીના, માસ્ટર ભંવરલાલ, પ્રતાપસિંહ ખાચરિયાવાસ, ઉદયલાલ આંજના અને સાલેહ મોહમ્મદ સામેલ છે.

આ સિવાય ગોવિંદ સિંહ ડોટાસરા, મમતા ભુપેશ, અર્જુન બામણિયા, ભંવર સિંહ ભાટી, સુખરામ બિશ્નોઈ, અશોક ચાંદના, ટીકારામ જુલી, ભજનલાલ જાટવ, રાજેન્દ્ર યાગવ અને સુભાષ ગર્ગ પણ સોમવારે મંત્રી પદના શપથ લેશે.

આ પણ વાંચો - કડકડતી ઠંડીમાં શાલ ઓઢી રેન બસેરામાં લોકોને મળ્યા શિવરાજ સિંહ, જુઓ તસવીરો

મંત્રી પદના શપથ લેવા જઈ રહેલા ધારાસભ્યોમાં બીડી કલ્લા, શાંતિ ધારિવાલ, પ્રમોદ જૈન ભાયા, પરસાદીલાલ મીના અને માસ્ટર ભંવરલાલ આ પહેલા પણ ગહેલોત સરકારમાં મંત્રી રહી ચૂક્યા છે. જ્યાકે હરીશ ચૌધરી સંગઠનમાં ઘણા મહત્વનો પદો પર રહ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: કેબિનેટ મંત્રી