Home /News /india /

બ્રિટિશ PM Boris Johnsonની ભારત મુલાકાત આજથી શરૂ, આ મુદ્દાઓ પર થઈ શકે છે ચર્ચા, જાણો વિગત

બ્રિટિશ PM Boris Johnsonની ભારત મુલાકાત આજથી શરૂ, આ મુદ્દાઓ પર થઈ શકે છે ચર્ચા, જાણો વિગત

બ્રિટિશ PM Boris Johnsonની ભારત મુલાકાત આજથી શરૂ

બ્રિટનના વડાપ્રધાન બોરિસ જોનસન આજે ભારતની મુલાકાતે છે. પ્રવાસના પ્રથમ ચરણમાં તેઓ આજે ગુજરાતની મુલાકાત લેશે જ્યાં તેઓ વિજ્ઞાન અને ટેકનોલોજીમાં રોકાણની જાહેરાત કરી શકે છે. બોરિસ જોનસન એવા સમયે પ્રવાસ કરી રહ્યા છે જ્યારે રૂસ-યુક્રેન યુદ્ધ ચરમસીમાએ છે. જોકે, એવી શક્યતા ઓછી છે કે બોરિસ જોનસન વડાપ્રધાન નરેન્દ્ર મોદી સાથેની તેમની બેઠકમાં આ મુદ્દો ઉઠાવે.

વધુ જુઓ ...
    બ્રિટિશ વડાપ્રધાન બોરિસ જોનસન (Boris Johnson) આજે તેમની બે દિવસીય મુલાકાતે ભારત આવી રહ્યા છે. પહેલા તેઓ અમદાવાદ પહોંચશે. જોનસન શુક્રવારે દિલ્હીમાં વડાપ્રધાન નરેન્દ્ર મોદીને મળશે. બ્રિટિશ પીએમ જોનસનની ભારત મુલાકાતનો હેતુ બંને દેશો વચ્ચેના દ્વિપક્ષીય સંબંધોને મજબૂત કરવાનો છે. બંને દેશો શિક્ષણ અને વેપાર ક્ષેત્રે તેમના સંબંધોને વધુ આગળ લઈ જવા ઈચ્છે છે. બ્રિટિશ પીએમની ભારત મુલાકાત એવા સમયે થઈ રહી છે જ્યારે રશિયા-યુક્રેન યુદ્ધ ચરમસીમા પર છે. જો કે જોનસન અને પીએમ મોદીની બેઠકમાં આ મુદ્દા પર ચર્ચા થવાની શક્યતા નથી.

    એચટીએ સૂત્રોને ટાંકીને કહ્યું છે કે પીએમ મોદી-જોનસન વચ્ચેની વાતચીતમાં બોરિસ જોનસન રશિયા પર ભારતને કોઈ સલાહ આપે તેવી શક્યતા નથી કારણ કે ભારત આ મામલે પોતાનું વલણ સ્પષ્ટ કરી ચૂક્યું છે. પશ્ચિમી દેશ ભારત પર રશિયા પાસેથી તેલ ન ખરીદવા માટે સતત દબાણ કરી રહ્યું છે, પરંતુ ભારતે સ્પષ્ટ કર્યું છે કે તે શાંતિ ઈચ્છે છે પરંતુ તેનો અર્થ રશિયા સાથેના સંબંધો તોડવાનો નથી. ગયા મહિને જ્યારે સંયુક્ત રાષ્ટ્રમાં રશિયા વિરુદ્ધ મતદાનની વાત આવી ત્યારે ભારતે તેમાં ભાગ લીધો ન હતો. રશિયા અને ભારત વચ્ચે સતત વેપાર ચાલી રહ્યો છે.

    આ પણ વાંચો - sri lanka economic crisis: શ્રીલંકાના ખરાબ સમયમાં મસીહા બન્યું ભારત, ફરી આપી 50 કરોડ ડોલરની મદદ

    પીએમ મોદી અને બ્રિટિશ પીએમ વચ્ચેની બેઠકમાં જે ખાસ મુદ્દાઓ પર ચર્ચા થશે તેમાં ઈન્ડો-પેસિફિક ક્ષેત્રની સ્થિતિ મુખ્ય છે. વાસ્તવમાં, ચીને ઈન્ડો-પેસિફિક ક્ષેત્રમાં પોતાનો પ્રભાવ વધારવાનું શરૂ કર્યું છે, જેના કારણે વિશ્વ ચિંતિત છે. બ્રિટન પહેલાથી જ ઈન્ડો-પેસિફિક ક્ષેત્રમાં દખલગીરીની નીતિનો વિરોધ કરતું આવ્યું છે. પીટીઆઈના અહેવાલ મુજબ, બ્રિટિશ પીએમ બોરિસ જોનસન વડાપ્રધાન નરેન્દ્ર મોદીના મેક ઈન ઈન્ડિયા અભિયાનનો ભાગ બનવા અંગે ચર્ચા કરશે. યુકે ભારતને સંરક્ષણ ક્ષેત્રમાં સહયોગ કરવા અને સંયુક્ત રીતે લશ્કરી હાર્ડવેરનું ઉત્પાદન કરવા આતુર છે.

    આ પણ વાંચો - Sri Lanka Crisis : આર્થિક સંકટનો સામનો કરી રહેલા શ્રીલંકાને મદદ કરશે ચીન, દેવું ચૂકવવા અંગે સાધ્યું મૌન

    ગુજરાતની મુલાકાત દરમિયાન બ્રિટનના વડાપ્રધાન વિજ્ઞાન, આરોગ્ય અને ટેકનોલોજી ક્ષેત્રે રોકાણની જાહેરાત કરી શકે છે. શુક્રવારે જોન્સન પીએમ મોદીને મળશે. સંરક્ષણ ક્ષેત્રે ભાગીદારી ઉપરાંત, જોનસન ફ્રી ટ્રેડ એગ્રીમેન્ટ પર પણ ચર્ચા કરશે. બ્રિટન 2035 સુધીમાં ભારતમાંથી 36.5 બિલિયન ડોલરની વૃદ્ધિ કરવા માંગે છે. આ સદીની શરૂઆતમાં બ્રિટન ભારતનું ત્રીજું સૌથી મોટું વેપારી ભાગીદાર હતું, પરંતુ હાલમાં તે 17મા ક્રમે છે. ભારતના સૌથી મોટા વેપારી ભાગીદારો અમેરિકા, ચીન અને સંયુક્ત આરબ અમીરાત છે.
    Published by:Bhavyata Gadkari
    First published:

    Tags: Boris johnson, PM Modi પીએમ મોદી

    આગામી સમાચાર