Home /News /india /

Aadhaarની કાયદેસરતા પર સુપ્રીમ કોર્ટના ચુકાદાની 10 મહત્વની વાતો

Aadhaarની કાયદેસરતા પર સુપ્રીમ કોર્ટના ચુકાદાની 10 મહત્વની વાતો

પ્રતિકાત્મક તસવીર

સુપ્રીમ કોર્ટે આધારની કલમ 57ને રદ કરી નાખી છે. જે બાદમાં ખાનગી કંપનીઓ આધારની વિગતો નહીં માગી શકે.

    નવી દિલ્હીઃ સુપ્રીમ કોર્ટની પાંચ ન્યાયાધીશોની બંધારણીય ખંડપીઠે બુધવારે આધાર પર પોતાનો ચુકાદો આપ્યો હતો. ન્યાયાધીશ એ કે સિકરીએ ચીફ જસ્ટિસ દીપક મિશ્રા, ન્યાયાધીશ એએમ ખાનવિલકર અને પોતાના તરફથી ચુકાદો આપતા કહ્યુ કે આધાર સામે અરજીકર્તાઓના આરોપ બંધારણીય અધિકારોના ઉલ્લંઘન પર આધારીત છે, જેના કારણે રાષ્ટ્ર શાસકોની દેખરેખવાળું રાજ્યમાં પરિવર્તિત થઈ જશે.

    આવો, જાણીએ આધાર પર સુપ્રીમ કોર્ટના ચુકાદાની 10 મહત્વની વાતોઃ

    1) સુપ્રીમ કોર્ટે કહ્યું, મોબાઇલ, બેંક એકાઉન્ટ માટે આધાર કાર્ડની જરૂરિયાત નથી.

    2) સુપ્રીમે કહ્યું કે ટેલિકોમ કંપનીઓ, કે અન્ય કોઈ ખાનગી બેંકો આધાર કાર્ડની વિગતો નહીં માંગી શકે.

    3) સુપ્રીમે પોતાના ચુકાદામાં સ્પષ્ટ કર્યું કે સ્કૂલોમાં એડમિશન માટે આધાર ફરજિયાત નથી.

    4) સુપ્રીમ કોર્ટે આધારની કલમ 57ને રદ કરી નાખી છે. જે બાદમાં ખાનગી કંપનીઓ આધારની વિગતો નહીં માગી શકે.

    5) સુપ્રીમ કોર્ટે કહ્યું, આધાર કાર્ડ પર હુમલો બંધારણ વિરુદ્ધ છે. તેના ડુપ્લિકેશનનો કોઈ ખતરો નથી. આધાર સંપૂર્ણ રીતે સુરક્ષિત છે.

    આ પણ વાંચોઃ આધાર પર સુપ્રીમનો ચુકાદોઃ આટલી જગ્યાએ આધાર ફરજિયાત, આ જગ્યાએ મરજિયાત

    6) આધાર યોજનાના ઓથેન્ટિકેશન માટે પુરતી સુરક્ષા વ્યવસ્થા છે. શક્ય હોય એટલા ઝડપથી આંકડાઓની સુરક્ષા માટે મજબૂત તંત્ર બનાવવામાં આવે.

    7) સુપ્રીમ કોર્ટના જણાવ્યા પ્રમાણે ઇનકમ ટેક્સ રિટર્ન અને પાન લિંક માટે આધાર જરૂરી છે.

    8) સુપ્રીમના નિર્ણય પ્રમાણે યુજીસી, નીટ અને સીબીએસઈની પરીક્ષાઓ માટે આધાર જરૂર નથી. બાયોમેટ્રિક ડેટાને કોર્ટની મંજૂરી વગર કોઈ પણ એજન્સી સાથે શેર ન કરવામાં આવે.

    9) સરકારની તમામ લાભકારી યોજનાઓ માટે આધાર ફરજિયાત છે.

    10) આધાર માટે UIDAIને ન્યૂનતમ ડેમોગ્રાફિક અને બાયોમેટ્રિક આંકડા એકત્રિત કર્યા છે.
    Published by:Vinod Zankhaliya
    First published:

    Tags: Aadhaar, Aadhaar card, Supreme Court, Verdict

    આગામી સમાચાર