સૌરાષ્ટ્ર, કચ્છ અને દ.ગુજરાતમાં કાલ સુધી માવઠાંની આગાહી, રાજ્યમાં આગામી 3 દિવસ રહેશે ઠંડીનો ચમકારો

ગુજરાતમાં ઠંડીનો ચમકારો

હવામાન વિભાગની માહિતી અનુસાર, 10 નવેમ્બર સુધી ગુજરાતનાં (Gujarat Weather Forecast) સૌરાષ્ટ્ર, દક્ષિણ ગુજરાત અને કચ્છનાં દરિયાકાંઠા વિસ્તારોમાં માવઠાંની સંભાવના છે.

  • Share this:
    હવામાન વિભાગની માહિતી અનુસાર, 10 નવેમ્બર સુધી ગુજરાતનાં (Gujarat Weather Forecast) સૌરાષ્ટ્ર, દક્ષિણ ગુજરાત અને કચ્છનાં દરિયાકાંઠા વિસ્તારોમાં માવઠાંની સંભાવના છે. સૌરાષ્ટ્ર, દક્ષિણ ગુજરાત અને કચ્છ સહિત જૂનાગઢ, રાજકોટ, દ્વારકા અને જામનગરમાં તાત્કાલિક જરૂરી પગલાં લઈ ખુલ્લામાં પડેલા અનાજને નુકસાની ન થાય એની તકેદારી રાખવા ચેતવણી આપવામાં આવી છે. હાલમાં અત્યારે રાજ્યમાં ડબલ ઋતુનો અનુભવ થઈ રહ્યો છે. સવાર અને રાતનાં તાપમાનમાં પણ ફરક જોવા મળે છે. જે 10થી 12 ડીગ્રીનો હોય છે .હાલમાં વલસાડ અને નલિયામાં લઘુતમ 16 ડીગ્રી તાપમાન નોંધાયું છે. તો અમદાવાદમાં પણ તાપમાન નીચું જતાં ઠંડીમાં વધારો થયો છે. આ વખતે ડિસેમ્બર અને જાન્યુઆરીમાં આકરી ઠંડી પડવાની સંભાવના છે.

    આ પણ વાંચો-કોરોનાકાળ બાદ ગુજરાતીઓ મનમુકીને દિવાળીની રજાઓમાં ફર્યા, આબુ, દિવ-ડુમસ, ગીર પ્રવાસીઓથી ઉભરાયું

    પરોઢિયે ફૂલ ગુલાબી ઠંડી, બપોરે સામાન્ય ગરમી
    પવનની દિશા બદલાતાં ઉત્તર-પૂર્વના પવનો ફૂંકાવાનું શરૂ થયું છે. હવે ધીમે ધીમે ઠંડી જમાવટ કરી રહી છે. પરોઢિયે ફૂલ ગુલાબી ઠંડી અને બપોરે સામાન્ય ગરમીનો અહેસાસ થવાથી મિશ્ર ઋતુનો અનુભવ થઈ રહ્યો છે. ઠંડા પવનોને કારણે રાજ્યના મોટા ભાગનાં શહેરના લઘુતમ તાપમાનમાં ઘટાડો થઈ રહ્યો છે.

    ગાંધીનગર અને નલિયાનું તાપમાન સૌથી નીચું
    ગુજરાતમાં આગામી સમયમાં ઠંડીનો ચમકારો વધવાના સંકેતો મળી રહ્યા છે. નવા વર્ષમાં રાજ્યનાં કેટલાંક શહેરોમાં તો સવારે લોકો ઠૂંઠવાઈ જાય એવી ઠંડી પડી રહી છે. ગત રાત્રિએ 15 ડિગ્રી સાથે ગાંધીનગર-નલિયામાં સૌથી ઓછું તાપમાન નોંધાયું હતું. તો અમદાવાદમાં પણ તાપમાન નીચું જતાં ઠંડીમાં વધારો થયો છે. તો આ વખતે ડિસેમ્બર અને જાન્યુઆરીમાં આકરી ઠંડી પડવાની સંભાવના છે. બીજી તરફ, અમદાવાદ અને ગાંધીનગરમાં પણ તાપમાનનો પારો ગગડતાં ઠંડીનો ચમકારો વધી રહ્યો છે.

    આ પણ વાંચો-રાજકોટ : વ્યાજખોરોનાં ત્રાસથી વિધવા માતાએ ફિનાઇલ પી આત્મહત્યા કરવાનો કર્યો પ્રયાસ

    ગાંધીનગર સૌથી ઠંડુ શહેર
    ઉત્તર-પૂર્વ ભારતમાં પવનો તેજ થતાં આગામી દિવસોમાં ગુજરાતમાં પણ તાપમાનનો પારો ગગડશે એવી આગાહી છે. નલિયામાં દર વખતે સૌથી નીચું તાપમાન નોંધાતું હોય છે. આ વખતે નલિયામાં 13.6 ડીગ્રી તાપમાન નોંધાયું છે, જ્યારે અમદાવાદમાં 16.08 ડીગ્રી તાપમાન નોંધાયું છે. તો આ તરફ ગાંધીનગર સૌથી ઠંડું શહેર બન્યું છે, જ્યારે તાપમાનનો પારો 11 ડીગ્રીએ પહોંચ્યો છે. હવામાન વિભાગ દ્વારા રાજ્યમાં હજુ ઠંડીનું જોર વધશે એવી આગાહી કરવામાં આવી છે.
    Published by:Margi Pandya
    First published: