વાઇબ્રન્ટ ગુજરાત: આજથી ત્રણ દિવસ માટે જાહેર જનતા માટે ખૂલ્લો મૂકાયો ગ્લોબલ ટ્રેડ-શો

ગીતા મહેતા, ગાંધીનગર
ગાંધીનગરમાં યોજાઈ રહેલા વાઇબ્રન્ટ ગુજરાત અંતર્ગત ગ્લોબલ ટ્રેડ-શોને રવિવાર બપોરેથી જાહેર જનતા માટે ખૂલ્લો મૂકાયો છે. આ શો આજથી જાહેર જનતા માટે ત્રણ દિવસ સુધી ખૂલ્લો રહેશે. વાઇબ્રન્ટ સમિટ-2019નો રવિવાર છેલ્લો દિવસ છે ત્યારે આ સમિટ અંતર્ગત ગાંધીનગરમાં 2 લાખ ચોરસ મીટર જગ્યામાં ગ્લોબલ ટ્રેડ-શોનું આયોજન કરાયું છે.

આ ટ્રેડ-શોમાં 25 જેટલાં સેક્ટરના 1200થી વધુ સ્ટોલનું પ્રદર્શન નિહાળી શકાશે. આ પ્રદર્શનમાં રૉબૉટિક્સથી લઈને લેઝર કટિંગ, થ્રીડી પ્રિન્ટિંગ, હાઇ સ્પીડ રેલ, સ્પેસ, સાયન્સ, ચંદ્ર યાન, ઍરફોર્સ, આર્મી, ટેક્સટાઇલ વગેરે સેક્ટરના સ્ટોલ જોવા મળશે. ટ્રેડ-શોમાં વિશ્વના 40થી વધુ દેશના પ્રતિનિધિઓ દ્વારા તેમના સ્ટોલમાં જુદા જુદા ઇનોવેશનનું એક્ઝિબિશન યોજવામાં આવ્યું છે. આ શોમાં દેશની જાણીતી કંપની, રિલાયન્સ અને અદાણી ઉપરાંત અનેક કંપનીના સ્ટોલ છે.

ગ્લોબલ ટ્રેડ-શોમાં લોકો ભાગ લઈ શકે તેના માટે સરકારના યાત્રાધામ વિભાગ દ્વારા ઈ-બસ મૂકવામાં આવી છે. શાળાના બાળકો માટે આ શો એજ્યુકેશનલ ટ્રીમ સમાન બની રહેશે. બાળકોને આ શોમાં દેશની મિડિયમ એન્ડ સ્મોલ મિડિયમ (MSME) પાવર વગેરે ક્ષેત્રતની અદ્યતન ટેકનોલોજી વિશે માહિતી મળી રહેશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bjp gujarat, Vibrant Gujarat-2019