Home /News /gujarat /Video: આરોગ્ય નિયામકે સરકારી હોસ્પિટલના અધિક્ષકને જાહેરમાં ખખડાવ્યા, કહ્યું કે, ‘ગીતાનો 11મો અધ્યાય વાંચી લો’

Video: આરોગ્ય નિયામકે સરકારી હોસ્પિટલના અધિક્ષકને જાહેરમાં ખખડાવ્યા, કહ્યું કે, ‘ગીતાનો 11મો અધ્યાય વાંચી લો’

આરોગ્ય નિયામકે અધિક્ષકને જાહેરમાં ખખડાવ્યા

Una Government Hospital: આરોગ્ય નિયામકે ઉના સરકારી હોસ્પિટલની અચાનક જ મુલાકાત લીધી હતી. સફાઈ, કેમીકલ તેમજ દર્દીનાં તકીયા ચાદર, પગાર બાબતે અધિક્ષકને જાહેરમાં ખખડાવ્યા હતા. આ સાથે સાથે અધિકારીએ ગીતાનો 11મો અધ્યાય વાંચી લેવા જણાવ્યું હતું.

વધુ જુઓ ...
    દિનેશ સોલંકી, ગીર સોમનાથ: આ દ્ર્શ્યો છે ગીર સોમનાથ જિલ્લાના ઉના શહેરના જ્યાં ઉના તાલુકાના 70 વધુ ગામોના લોકો સારવાર માટે સરકારી હોસ્પિટલ આવેલી છે. ઉના તાલુકો એટલે ગીર સોમનાથ જિલ્લાના સૌથી મોટો તાલુકો અને વસ્તીની ગીચતા પણ એટલી જ વધારે છે. આ સાથે નજીકમાં પ્રવાસન સ્થળ દીવ અને તુલસીશ્યામ જેવા સ્થળો પણ આવેલા છે. જેથી બહારથી આવતા યાત્રીઓ પણ આક્સમિત ઘટનામાં પ્રવાસીઓ પણ આજ સરકારી હોસ્પિટલનો ઉપયોગ કરતા હોય છે.

    બહારથી દેખાતી આલીશાન અને મચમોટી ઇમારત જોઈ લાગશે કે અહી દર્દીઓ માટે તમામ પ્રકારની સુવિધાઓ ઉપલબ્ધ હશે. પરંતુ નહિ!. આ ઉના તાલુકાની સરકારી હોસ્પિટલની આજે પોલ ખોલી પડી છે. કારણ કે ભાવનગરથી આરોગ્ય નિયામકે અચાનક આ હોસ્પિટલની મુલાકાત લેતા અનેક ચોંકાવનારી બાબત સામે આવી. ઉના સરકારી હોસ્પિટલમાં આરોગ્ય સેવાઓ કથળેલી હોવાના કારણે દુર દુરનાં વિસ્તારમાંથી આવતાં દર્દી ઓને સારવાર બાબતે ભારે હાલાકી ભોગવવી પડી રહી છે.


    તબીબ નિયામક ડો.મનિષ દ્વારા અચાનક ચેકીંગ


    સરકારી હોસ્પિટલના અધિક્ષક દ્વારા પુરતુ ધ્યાન નહીં અપાતા તેમજ સફાઈ, પાણી, દર્દીનાં પલંગ, ગાદલા, ઓછાડ, તકીયા તેમજ સારવારમાં આવતાં દર્દી માટે કામ કરતાં કર્મચારીને જોતાં કેમીકલ પેડ તેમજ દવા સહિતના જરૂરીયાત મુજબ સાધન સામગ્રી ગ્રાન્ટ ફાળવવામાં આવતી હોવા છતાં ખરીદી કરાતી નહીં હોવાની ફરીયાદો કર્મચારીઓ કરવામાં આવી છે. ભાવનગરના આરોગ્ય તબીબ નિયામક ડો.મનિષ દ્વારા અચાનક ચેકીંગ હાથ ધરવામાં આવ્યું હતું. મુલાકાત દરમ્યાન અનેક ક્ષતિઓ બહાર આવતા જાહેરમાં ઉના સરકારી હોસ્પિટલનાં સુપ્રિટેન્ડેન્ટ જય પાધરેસાને ખખડાવી નાખીને ગીતાના અધ્યાયનાં અગિયારનાં પાઠ વાંચન કરવા શીખ આપી હતી.

    આ પણ વાંચો: આ દેશના રાષ્ટ્રપતિ ચંદ્રિકા પ્રસાદ સંતોખી જામનગરના મહેમાન બન્યા

    અધિકારીએ ગીતાના 11માં અધ્યાયનુ જ્ઞાન આપ્યું


    ઉના સરકારી હોસ્પિટલમાં તમામ કર્મચારીઓની હાજરીમાં અધિક્ષક જય પાધરેસાને ગીતાના 11માં અધ્યાયનુ જ્ઞાન આપતાં જણાવ્યું હતું કે, મનુષ્યના પીઠ પાછળ બોલાયેલા શબ્દો મૃત્યુ કરતાં વધુ ખરાબ છે. આ શબ્દો દર્દી અને કર્મચારી તમારા માટે બોલે છે. ભગવાન બધું જોવે છે, અહીં પૈસા કમાવવા મુક્યાં નથી. આટલામાં સમજી જવાનું જાહેરમાં અપમાનિત કરવું વ્યાજબી નથી આવાં કથોળ શબ્દ પ્રયોગ નિયામકએ કહ્યાં હતાં.

    આ પણ વાંચો: લ્યો…હવે ગાંધીનગરમાં શરુ થઇ મોબાઇલ લાઇબ્રેરી

    ઉના સરકારી હોસ્પિટલની બેદરકારી


    ઉના તાલુકાના આજુબાજુના 70 ગામ તેમજ શહેરી વિસ્તારના લોકોનાં આરોગ્ય સેવાઓ તેમજ ડીલેવરી, એમ એલસી કેસ અને નાના મોટાં રોગોની માટે દરરોજ 200 જેટલાં દર્દીઓથી ઉભરાતી સિવિલ હોસ્પિટલનો દરજ્જો પ્રાપ્ત કર્યા બાદ અધિક્ષક જય પાધરેસાને નિમણૂંક કરવામાં આવ્યા છે. તે પછી હોસ્પિટલની આરોગ્ય સેવાઓ કથળેલી હોવાથી અગાઉ પણ ભાવનગર આરોગ્ય નિયામકે ચેકીંગ દરમિયાન સુચનાઓ આપવામાં આવી હતી. પરંતુ કોઈ સુધારાઓ નહીં કરાતાં નિયામક ડો.મનિષ અધિક્ષક સહિત નર્સ સ્ટફાને પણ જાહેરમાં ઉધરા લીધા હતા.

    આ પણ વાંચો: ખંઢેરીના મેદાનમાં રાત્રે ઉગ્યો "સુર્યા", શ્રીલંકાને હરાવી ભારતનો સિરીઝ પર કબજો 

    અધિકારીએ જાહેરમાં અધિક્ષકને ખખડાવ્યા


    નિયામકની વિજીટ દરમિયાન ઇમરજન્સી વોર્ડમાં પરદા તેમજ ટેબલ પર ચાદર તકીયા નહી હોવાનું તેમજ ગંદકીથી ખદબદતા રૂમ આડેધડ પડેલા માલસામાન અને કર્મચારી સ્ટાફને જરૂર જોઈતા કેમીકલ દવા પેડ જેવી ચીજવસ્તુ નહીં હોવાનું જોવા મળતાં અધિકારી ભડક્યા હતો. આવી વસ્તુઓ માટે ગ્રાન્ટ ફાળવવામાં આવી હોય તેમ છતાં ખરીદી નહીં કરાતી હોવાની કર્મચારી ઓએ ફરીયાદ કરી હતી. આ બાબતે અધિક્ષક એ પોતાનાં બચાવમાં આવી ખરીદી ટેન્ડર પ્રક્રિયા હાથ ધરી છે. તેવું જણાવતા નિયામક એ અધિક્ષકની સત્તા અને નિયમો સમજાવતા આવી સામાન્ય ખરીદી ટેન્ડરની કોઈ જરૂરિયાત રહેતી નથી. તેમ જણાવીને ખખડાવી નાંખ્યા હતા.
    Published by:Vimal Prajapati
    First published:

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन