Home /News /gujarat /ગુજરાત આવી રહેલી કારનું ચેકિંગ કરતાં જ ચોંકી ઉઠી પોલીસ

ગુજરાત આવી રહેલી કારનું ચેકિંગ કરતાં જ ચોંકી ઉઠી પોલીસ

ઉદયપુર થઇને ગુજરાતમાં લાવવામાં આવી રહેલી રોકડ ઝડપી પાડવામાં આવી છે.

ઉદયપુર થઇને ગુજરાતમાં લાવવામાં આવી રહેલી રોકડ ઝડપી પાડવામાં આવી છે. પોલીસે બે વેપારીઓ પાસેથી કરોડોની રોકડ પકડી પાડી છે.

    અમદાવાદ: ગુજરાત વિધાનસભા ચૂંટણીને લઇને પોલીસ તંત્ર પણ સતર્ક બન્યું છે અને રાજ્યની બોર્ડરો પર અને વિવિધ જગ્યાઓએ ચેકપોસ્ટ ઉભી કરી સધન ચેકિંગ હાથ ધરવામાં આવી રહ્યું છે. આ દરમિયાન રોકડ અને સોનું મળી આવ્યું હોવાની ઘટનાઓ સામે આવી રહી છે, ત્યારે હવે ગુજરાત લાવવામાં આવી રહેલી મોટી રોકડ રકમ ઝડપી પાડવામાં આવી છે. ઉદયપુર થઇને ગુજરાતમાં લાવવામાં આવી રહેલી રોકડ ઝડપી પાડવામાં આવી છે. પોલીસે બે વેપારીઓ પાસેથી કરોડોની રોકડ પકડી પાડી છે.

    કારનું ચેકિંગ કરતાં ચોંકી ઉઠી પોલીસ

    મળતી માહિતી અનુસાર, એક લક્ઝરી કારમાં ગુજરાત લાવવામાં આવી રહેલા દોઢ કરોડથી વધુ હવાલાની રકમ જપ્ત કરવામાં આવી છે. ઉદયપુરના બે વેપારીઓ આ હવાલાની રોકડ સાથે પકડાયા છે. પોલીસ દ્વારા વ્હાઇટ કલરની એક્સયુવી કાર જપ્ત કરવામાં આવી છે. જેમાં આ રોકડ રકમ લઇ જવામાં આવી રહી હતી. પોલીસ દ્વારા આ કારનું ચેકિંગ કરવામાં આવતાં કારની પાછળની સીટની નીચે 5 પ્લાસ્ટિકના પેકેટ મળી આવ્યા હતા. આ પેકેટ જોઇને પોલીસ પણ ચોંકી ઉઠી હતી.

    આ પણ વાંચો: ગુજરાતમાં ચૂંટણી સમયે MLA લખેલ કારમાં ભાજપના નેતા વિદેશી દારૂના જથ્થા સાથે ઝડપાયા

    રોકડ ક્યાંથી આવી અને ક્યાં લઇ જઇ રહ્યા હતા?

    પોલીસ તપાસમાં મળી આવેલા આ પાંચ પેકેટ પૈસાથી ભરેલા હતા. મોટા પ્રમાણમાં રોકડ રકમ મળી આવતાં પોલીસે કાર અને ઉદયપુરના બે વેપારીઓની અટકાયત કરી વધુ તપાસ હાથ ધરી હતી. જેમાં સામે આવ્યું હતું કે, પાંચ પેકેટમાં રહેલી દોઢ કરોડથી વધુની રકમ હવાલાની હતી. જે કોટા બિજોલિયાથી ઉદયપુર થઇને ગુજરાતની તરફ લઇ જવામાં આવી રહી હતી. હાલ પોલીસે આ સમગ્ર મામલે વધુ તપાસ હાથ ધરી છે. મહત્વનું છે કે, આ રોકડ રકમ ગુજરાતમાં ક્યાં લઇ જવામાં આવી રહી હતી અને પૈસા ક્યાંથી આવ્યા, તે સમગ્ર મામલે પોલીસ દ્વારા વધુ તપાસ હાથ ધરવામાં આવી છે.
    Published by:Azhar Patangwala
    First published:

    Tags: Crime news, Gujarat News

    विज्ञापन
    विज्ञापन