વાવાઝોડાની અસર કેટલા જિલ્લામાં થશે, જાણો ક્યાં ક્યાં છે અતિભારે વરસાદની આગાહી

વાવાઝોડાની અસર કેટલા જિલ્લામાં થશે, જાણો ક્યાં ક્યાં છે અતિભારે વરસાદની આગાહી
ગુજરાતમાં વાવાઝોડાની અસર કેટલા જિલ્લામાં થશે, જાણો ક્યાં ક્યાં છે અતિભારે વરસાદની આગાહી

18 મેના રોજ વાવાઝોડુ ગુજરાતના દરિયા કિનારા નજીક પહોંચશે

  • Share this:
અમદાવાદ : અરબી સમુદ્રમાંમાં ડીપ ડિપ્રેશન સક્રિય છે અને 12 કલાકમાં વાવાઝોડું બની જશે. જે ઉત્તર-ઉત્તર પશ્ચિમ તરફ આગળ વધશે. એટલે કે ગુજરાતના દરિયા કિનારા તરફ આગળ વધશે. 18 મેના રોજ વાવાઝોડુ ગુજરાતના દરિયા કિનારા નજીક પહોંચશે. માછીમારોને દરિયો ન ખેડવા માટે સૂચના આપવામાં આવી છે. હવામાન વિભાગનું અનુમાન છે કે 18 મેના રોજ વાવઝોડું ગુજરાતના દરિયા કિનારા નજીક પહોંચશે ત્યારે દરિયાના મોજાની તીવ્રતા વધી જશે અને 90થી 100 કિલોમીટરની ઝડપે પવન ફૂંકાશે.

વાવાઝોડાના કારણે ગુજરાતના વાતાવરણમાં પલટો આવશે અને કેટલાક વિસ્તારોમાં વરસાદ થશે. વાવાઝોડાની અસર 15 મે થી કેટલાક વિસ્તારમાં જોવા મળશે. ત્યારે હવામાન વિભાગના ડાયરેકટર મનોરમાં મોહન્તીએ જણાવ્યું છે કે 16 થી 18 મે ના રોજ ગુજરાતના કેટલાક વિસ્તારોમાં ભારેથી અતિભારે વરસાદ થશે.



16 મે ના રોજ અમદાવાદ, આણંદ, ભરૂચ, સુરત, ડાંગ, નવસારી, વલસાડ, તાપી, રાજકોટ, પોરબંદર, જૂનાગઢ, અમરેલી, ભાવનગર, દેવભૂમિ દ્વારકા અને કચ્છમાં સામાન્યથી મધ્યમ વરસાદ થશે. તો ગીર સોમનાથ, દીવમાં ભારે વરસાદની આગાહી કરવામાં આવી છે.

આ પણ વાંચો - અમદાવાદની સેવાભાવી સંસ્થા દ્વારા સિવિલ હોસ્પિટલમાં કરાઇ દાનની સરવાણી

17 મે ના રોજ બનાસકાંઠા, પાટણ, ખેડા, અમદાવાદ, આણંદ, વડોદરા, સુરત,સુરેન્દ્રનગર, રાજકોટ, જામનગર, ભાવનગર, મોરબી, દેવભૂમિ દ્વારકા અને કચ્છમાં સામાન્યથી મધ્યમ વરસાદ થશે. ભરૂચ, નવસારી, વલસાડ, પોરબંદર, જૂનાગઢ, અમરેલી, ગીર સોમનાથ, દીવમાં ભારેથી અતિભારે વરસાદની આગાહી કરવામાં આવી છે.

18 મે ના વાવાઝોડુ ગુજરાતના દરિયા કિનારા નજીક પહોંચી જશે. વાવાઝોડાના કારણે ગુજરાતના વાતાવરણ પલટો આવશે. સામાન્યથી ભારે વરસાદની આગાહી કરવામાં આવી છે. વાવાઝોડાની અસર દરિયા કિનારા વિસ્તારમાં જોવા મળશે. ગીર સોમનાથ, પોરબંદર, જુનાગઢ, અમરેલી, દેવભુમિ દ્વારકા, કચ્છ ,દીવ ,રાજકોટ, મોરબી, બોટાદમાં ભારેથી અતિભારે વરસાદની આગાહી છે તો અમદાવાદ, આણંદ, ભરૂચમાં ભારે વરસાદ થવાનું અનુમાન છે.

વાવાઝોડાની અસર કયા કયા વિસ્તારમાં થશે. તેમજ ભારેથી અતિભારે વરસાદની અગાહીને લઈ હવામાન વિભાગ દ્વારા રાજ્ય સરકારને માહિતી આપવામાં આવી છે. સંભવિત વાવાઝોડાને લઈને તંત્ર દ્વારા તૈયારી કરવામાં આવી છે. તેમજ તમામ જિલ્લા કલેકટરને પણ સૂચનાઓ આપવામાં આવી છે.
Published by:Ashish Goyal
First published:May 14, 2021, 18:56 pm

ટૉપ ન્યૂઝ