Home /News /gujarat /

સુરતમાં ટેન્કર લીક થતાં ઝેરી કેમિકલ પ્રસર્યો, 6 લોકોના મોત, 20થી વધુ અસરગ્રસ્ત

સુરતમાં ટેન્કર લીક થતાં ઝેરી કેમિકલ પ્રસર્યો, 6 લોકોના મોત, 20થી વધુ અસરગ્રસ્ત

Surat News: કેમિકલ ટેન્કરની પાઈપમાંથી લીક થયું હોવાનું પ્રાથમિક ધોરણે સામે આવ્યું છે.

Surat News: કેમિકલ ટેન્કરની પાઈપમાંથી લીક થયું હોવાનું પ્રાથમિક ધોરણે સામે આવ્યું છે.

    સુરત: શહેરની સચિન GIDCમાં વહેલી સવારે (Sachin GIDC) ટેન્કર લીક (tanker leak in Surat) થતા ઝેરી કેમિકલ હવામાં ફેલાતા છ મજૂરોના મોત (death) થયા છે. જ્યારે  સાત શ્રમિકો વેન્ટિલેટર પર જીવન મરણ વચ્ચે ઝોલા ખાઇ રહ્યા છે. 28થી વધુ મજૂરો સારવાર હેઠળ છે. કેમિકલ ટેન્કરની પાઈપમાંથી લીક થયું હોવાનું પ્રાથમિક ધોરણે સામે આવ્યું છે. હાલ તમામ અસરગ્રસ્તોની નવી સિવિલ હોસ્પિટલમાં (Surat new Civil Hospital) સારવાર ચાલી રહી છે. જોકે, આ ઘટનાની જાણ થતા ફાયર વિભાગ કામે લાગી ગયુ હતું.

    આ અંગે મળતી માહિતી પ્રમાણે, GIDCમાં રાજકમલ ચીકડી પ્લોટ નંબર 362 બહાર પાર્ક કરેલા કેમિકલ ટેન્કરની થોડે દૂર એટલે 10એક મીટર દૂર જ આ મજૂરો સૂતા હતા. જે લોકોને આ ઝેરી કેમિકલની અસર થઇ છે.

    20થી વધુ અસરગ્રસ્તો સારવાર લઇ રહ્યા છે.


    તમામ અસરગ્રસ્તોને તાત્કાલિક નવી સિવિલ હોસ્પિટલમાં લઇ જવામાં આવ્યા છે. જ્યાં તેમની સારવાર ચાલી રહી છે.


    મૃતકોના નામ

    સુલતાન, ઉ.વ. 30
    કાલીબેન, ઉ.વ. 20
    સુરેશભાઈ, ઉ.વ. 30
    અજાણ્યો યુવક, ઉ.વ. 30
    અજાણ્યો યુવક, ઉ.વ. 30

    આ પણ વાંચો - Latest news update: અંકલેશ્વરમાં દીવાલ પડવાથી ચાર લોકોનાં મોત, કચ્છમાં ભૂકંપના આંચકા

    મિલ બહાર એક કેમિકલ ભરેલું ટેન્કર ઉભું હતું

    વિશ્વ પ્રેમ મિલના પ્રોડક્શન મેનેજર આ મામલે જણાવ્યું હતું કે, ‘મિલ બહાર એક કેમિકલ ભરેલું ટેન્કર ઉભું હતું. જે ખાલી થઇ રહ્યું હતુ. એનો એક પાઇપ બાજુની ડ્રેનેજ લાઈનમાં હતો. અચાનક ગૂંગળામણ શરૂ થતાં મિલના કારીગરો બેભાન થઈ જમીન પર પડ્યા લાગ્યા અને આખી મિલમાં ગેસના ગૂંગળામણની અસર થઈ ગઈ હતી.’



    થોડા સમય પહેલા પંચમહાલની રણજીતનગર સ્થિત GFL કંપનીમાં બ્લાસ્ટ થયો હતો. જેના ધડાકાનો અવાજ 10 કિલોમીટર દૂર સુધી સંભળાયો હતો. જ્યારે 5 કિલોમીટર સુધીના વિસ્તારમાં વાહન-વ્યવહાર અને સામાન્ય લોકોની અવર-જવર બંધ કરી દેવાઈ હતી. GFL કંપનીમાં થયેલા બ્લાસ્ટમાં મૃત્યુઆંક વધીને 5 પર પહોંચ્યો હતો. ત્યારે બચાવ અને રાહતકાર્ય દરમિયાન વધુ બેનાં મૃતદેહ મળી આવતા 5 લોકોના મોત થયાનું સામે આવ્યું હતું.
    Published by:Kaushal Pancholi
    First published:

    Tags: ગુજરાત, જીઆઇડીસી, સુરત

    આગામી સમાચાર