વલસાડ : ખાનગી હોસ્પિટલોને સિવિલ હોસ્પિટલમાંથી મળશે લોન પર વેન્ટિલેટર, આ શરતોનું કરવું પડશે પાલન

વલસાડ : ખાનગી હોસ્પિટલોને સિવિલ હોસ્પિટલમાંથી મળશે લોન પર વેન્ટિલેટર, આ શરતોનું કરવું પડશે પાલન
વલસાડ : ખાનગી હોસ્પિટલોને સિવિલ હોસ્પિટલમાંથી મળશે લોન પર વેન્ટિલેટર, આ શરતોનું કરવું પડશે પાલન

જિલ્લામાં ગંભીર દર્દીઓની સારવાર માટે જરૂરી એવા વેન્ટિલેટરો ગણતરીની સંખ્યામા જ ઉપલબ્ધ છે, આવી પરિસ્થિતિને પહોંચી વળવા હવે વલસાડ જિલ્લા વહીવટી તંત્ર દ્વારા એક વિશેષ આયોજન કરવામાં આવ્યું

  • Share this:
    ભરતસિંહ વાઢેર, વલસાડ : રાજ્યના અન્ય વિસ્તારોની સાથે વલસાડ જિલ્લામાં પણ કોરોનાનો ગ્રાફ તેજ ગતિએ વધી રહ્યો હતો. પરિસ્થિતિને કાબુમાં કરવા વહીવટી તંત્ર અને આરોગ્ય વિભાગ હરસંભવ પ્રયાસ કરી રહ્યા છે. જોકે જિલ્લામાં આ વખતે કોરોનાના વેવમાં ગંભીર દર્દીઓની સંખ્યા વધી રહી હતી. આથી જિલ્લામાં ગંભીર દર્દીઓની સારવાર માટે જરૂરી એવા વેન્ટિલેટરો ગણતરીની સંખ્યામા જ ઉપલબ્ધ છે. જેને કારણે અનેક વખત ગંભીર દર્દીઓને વેન્ટિલેટરની જરૂર હોવાથી સમયસર ઉપલબ્ધ થતા ન હતા. આથી અનેક વખત જરૂરિયાતના સમયે ગંભીર દર્દીના પરિવારજનો મુશ્કેલીમાં મુકાતા હતા અને દર્દીનો જીવ પણ જોખમમાં મૂકાતો હતો.

    આવી પરિસ્થિતિને પહોંચી વળવા હવે વલસાડ જિલ્લા વહીવટી તંત્ર દ્વારા એક વિશેષ આયોજન કરવામાં આવ્યું છે. જે અંતર્ગત હવે વલસાડ જિલ્લાની જે ખાનગી હોસ્પિટલોમાં ગંભીર દર્દીઓની સારવાર માટે વેન્ટિલેટરની જરૂર હોય તેવી હોસ્પિટલોને વહીવટી તંત્ર દ્વારા લોન ઉપર વેન્ટિલેટર આપવામાં આવશે. જે ખાનગી હોસ્પિટલો સિવિલ હોસ્પિટલમાંથી વેન્ટિલેટર લોન પર લેશે તે હોસ્પિટલો દર્દીઓ પાસેથી વેન્ટિલેટર નો ચાર્જ વસૂલી શકશે નહીં. ચાર્જ વસુલ્યા વિના લોન પર લીધેલા વેન્ટિલેટરની મફત સેવા પૂરી પાડવી પડશે. સાથે જ હોસ્પિટલો દ્વારા નિયમોનું પાલન થાય છે કે કેમ? તેની ચકાસણી માટે પણ વિશેષ ટીમની રચના કરવામાં આવી છે.



    આ પણ વાંચો - ધારાસભ્ય ગ્યાસુદ્દીન શેખે બીએપીએસ યોગીજી મહારાજ હોસ્પિટલમાં 50 લાખ રૂપિયાની ગ્રાન્ટ ફાળવી

    મહત્વપૂર્ણ છે કે વલસાડ જિલ્લાની સિવિલ હોસ્પિટલ અને ખાનગી હોસ્પિટલોમાં મળી કુલ 78 વેન્ટિલેટરો જ ઉપલબ્ધ છે. આથી જિલ્લામાં વેન્ટિલેટરની જરૂર વાળા માત્ર 78 દર્દીઓને જ તેની સુવિધા મળી શકે તેવી પરિસ્થિતિ હતી. આથી વહીવટીતંત્ર દ્વારા રજૂઆત કરતા વલસાડ જિલ્લાને વધુ 7 વેન્ટિલેટર ફાળવવામાં આવ્યા છે. જેમાંથી ધરમપુર-કપરાડા અને ભીલાડ જેવા અંતરિયાળ વિસ્તારના સરકારી દવાખાને એક એક વેન્ટિલેટર ફાળવવામાં આવ્યા છે. જ્યારે બાકીના પાંચ વેન્ટિલેટરોને રિઝર્વમાં રાખવામાં આવ્યા છે. જેથી જિલ્લાની જે ખાનગી હોસ્પિટલોમાં દર્દીઓની સારવાર માટે વેન્ટિલેટરની જરૂર હોય તે તેવા દર્દીઓની વેન્ટિલેટરથી સારવાર માટે જે તે ખાનગી હોસ્પિટલો વલસાડ સિવિલ હોસ્પિટલના સિવિલ સર્જનનો સંપર્ક કરીને તેમની પાસેથી લોન ઉપર વેન્ટિલેટર મેળવી શકશે.

    જે હોસ્પિટલો સિવિલ હોસ્પિટલમાંથી વેન્ટિલેટર લોન પર મેળવી રહી છે. તેવી હોસ્પિટલોએ જે તે દર્દીની વેન્ટિલેટરની સારવાર મફત કરવાની રહેશે. સાથે જ નિયમો નું પણ પાલન કરવું જરૂરી રહેશે. આમ હવેથી વલસાડ જિલ્લામાં પણ જે ખાનગી હોસ્પિટલોએ વેન્ટિલેટરની જરૂર છે તેવી હોસ્પિટલોને સિવિલ હોસ્પિટલમાંથી લોન પર વેન્ટિલેટર આપવામાં આવશે. જેથી વેન્ટિલેટરની જરૂરિયાત વાળા ગંભીર દર્દીઓની સરળતાથી સારવાર થઇ શકે અને દર્દી ના મહામૂલા જીવને પણ બચાવી શકાય.
    Published by:Ashish Goyal
    First published:May 11, 2021, 22:27 pm

    ટૉપ ન્યૂઝ