Home /News /gujarat /

વલસાડ: વાલીઓને ચેતવા જેવો કિસ્સો, બાળકોએ ઘર-ઘર રમતાં રમતાં કર્યું એવું કામ કે તાત્કાલિક દોડવું પડ્યું હોસ્પિટલ

વલસાડ: વાલીઓને ચેતવા જેવો કિસ્સો, બાળકોએ ઘર-ઘર રમતાં રમતાં કર્યું એવું કામ કે તાત્કાલિક દોડવું પડ્યું હોસ્પિટલ

4  બાળકોને પરિવારજનો તાત્કાલિક નજીકની સરકારી હોસ્પિટલમાં સારવાર માટે લઈ ગયા હતા.

Valsad news: જૂજવા ગામમાં બાળકોએ રમત રમતમાં ન કરવાનું કર્યું, રસોઈ બનાવવાની રમત રમતાં રમતાં રોટલા સાથે ધતૂરો ખાઈ ગયા હતા.

    ભરતસિંહ વાઢેર, વલસાડ : આ પંથકમાંથી (Valsad news) વાલીઓને ચેતવા જેવો કિસ્સો સામે આવ્યો છે. વલસાડના જૂજવા ગામમાં  4 બાળકોએ (kids) રમત રમતમાં ધતુરાનું ફળ ખાઈ લેતા બાળકોની તબીયત લથડી હતી. જે બાદ તેમને સારવાર માટે  હોસ્પિટલમાં દાખલ કરવા પડ્યા હતા. આમ રમત રમતમાં બાળકોએ રોટલા સાથે ધતુરાના બી ખાઈ લેતા બાળકો બેહોશ થઈ ગયા હતા. અત્યારે તેઓ વલસાડની એક હોસ્પિટલના આઇ.સી.યું માં સારવાર હેઠળ છે. હાલ મળતી માહિતી પ્રમાણે, આ બાળકોનું સ્વાસ્થ્ય સારું છે.

    બાળકો ઘર ઘર રમી રહ્યા હતા

    બનાવની વિગત મુજબ, વલસાડ તાલુકાના જૂજવા ગામના ટેકરા ફરિયામાં કેટલાક બાળકો રમત રમી રહ્યા હતા. રમતા રમતા બાળકોને 3 ઈંટનો ઉપયોગ કરીને તેના ઉપર રસોઈ બનાવવાની રમત રમી રહ્યા હતા. જે દરમ્યાન નજીકથી ધતુરાનું ફળ લાવી તેના બી કાઢી તેને તપેલીમાં નાખીને ઘર-ઘરની રમત રમી રહ્યા હતા. જેમા ઘરમાંથી રોટલાઓ લાવીને ધતુરાનું શાક અને રોટલો ખાઈ ગયા હતા.

    બાળકો બેભાન હાલતમાં મળ્યા

    આમ રોટલા સાથે ધતૂરો ખાઈ જતા બાળકો રમતા રમતા બેભાન થઈ ગયા હતા. પરિવારના સભ્યો બાળકોને શોધવા ગયા ત્યારે બાળકો બેભાન હાલતમાં મળી આવ્યા હતા. જેથી બેહોશ થયેલા 4  બાળકોને પરિવારજનો તાત્કાલિક નજીકની સરકારી હોસ્પિટલમાં સારવાર માટે લઈ ગયા હતા.

     આ પણ વાંચો - Valsad: ઇકબાલ બહુરૂપિયો બની ભગવાન શંકરનો ધારણ કર્યો વેશ, રમેશ નામ આપી માંગતો હતો ભિક્ષા

    ત્યાંના તબીબે બાળકોની ગંભીર હાલત જણાતા વધુ સારવાર આપવા માટે ત્યાંથી  વલસાની કસ્તુરબા હોસ્પિટલ ખસેડાયા હતા. જ્યાં હાલ બાળકોને ICUમાં દાખલ કરવામાં આવ્યા છે. ઘટનાની જાણ સમગ્ર જિલ્લામાં થતા સમગ્ર જિલ્લામાં ચકચાર મચી ગઈ હતી.

    આ પણ વાંચો - વલસાડ: અતુલ નજીક મોટી ઘટના ટળી, ટ્રેક પર પિલર મૂકી ટ્રેન ઉથલાવાનો થયો પ્રયાસ

    નોંધનીય છે કે, વલસાડના અતુલ રોડ ઉપર આવેલા શાંતિવાન રિસોર્ટ સામે અતુલ તરફ જતી ઇકો કાર ન. GJ-15-CL-8585 અને રીક્ષા ન. GJ-15-Y-9684 વચ્ચે અકસ્માત સર્જાયો હતો. અકસ્માતમાં રિક્ષા ચાલક સહિત તેમા સવાર 4 યાત્રીઓ ઇજાગ્રસ્ત થયા હતા. ઘટના અંગે સ્થાનિક લોકોએ 108ની ટીમની મદદ વડે ઇજાગ્રસ્ત રિક્ષાના યાત્રીઓને નજીકની સિવિલ હોસ્પિટલ સારવાર માટે ખસેડયા હતા.
    Published by:Kaushal Pancholi
    First published:

    Tags: Alert, Valsad, ગુજરાત, વલસાડ

    આગામી સમાચાર