સુરત : શ્રમજીવી પરિવારની 5 વર્ષની બાળકી સાથે દુષ્કર્મ બાદ હત્યા કરનારને કોર્ટે ફટકારી આજીવન કેદની સજા

સુરત : સુરતના બહુચર્ચિત હજીરા દુષ્કર્મ કેસ (surat rape case) મા કોર્ટે આરોપીને આજીવન કેદની સજા ફટકારી છે. પાંચ વર્ષની બાળકી સાથે દુષ્કર્મ આચરનાર આરોપી સુજીત સાકેતને કોર્ટે આજીવન કેદની સજા સંભળાવી છે. હજીરાની બાળા સાથે બનેલી ઘટનાના કેસને રેરેસ્ટ ઓફ રેર ગણી આરોપીને મૃત્યદંડની સજા કરવા સરકાર પક્ષે માંગ કરી હતી.

શું હતી આખી ઘટના?
ગત એપ્રિલ મહિનામાં આરોપીએ શહેરના હજીરા વિસ્તારમાં રહેતા શ્રમજીવી પરિવારની પાંચ વર્ષની બાળકીને (rape and murder of five year old girl) ચોકલેટ આપનાની લાલચ આપીને અવવારુ જગ્યાએ લઈ જઈ દુષ્કર્મ તથા સૃષ્ટિ વિરુદ્ધનું કૃત્ય આચરી હત્યા કરી હતી. મધ્યપ્રદેશનો વતની 27 વર્ષીય આરોપી સુજીત મુન્નીલાલ સાકેતને (Sujit Saket) આજે સજા અંગે ચુકાદો થવાનો છે. નોંધનીય છે કે, પોક્સો કેસની (pocso case) ખાસ અદાલતના એડીશનલ સેશન્સ જજ પી. એસ. કાલાએ તમામ ગુનામાં આરોપીને દોષી ઠેરવી ચુકાદો આજ સુધી મુલત્વી રાખ્યો હતો.

બાળકી સાથે દુષ્કર્મ તથા સૃષ્ટિ વિરુધ્ધનું કૃત્ય બાદ હત્યા કરી

હજીરા વિસ્તારની શ્રમિક પરિવારની પાંચ વર્ષની બાળકીને મૂળ મધ્યપ્રદેશના રીવા જિલ્લાનો વતની 27 વર્ષીય આરોપી સુજીત મુન્નીલાલ સાકેત અપહરણ કરી લઇ ગયો હતો. જે બાદ તેની સાથે દુષ્કર્મ તથા સૃષ્ટિ વિરુધ્ધ કૃત્ય કરી હત્યા કરી હતી. હજીરા પોલીસને બાળકીની લાશ મળી હતી. તા.1 મે, 2021ના રોજ આરોપીની પોક્સો એક્ટના ભંગ બદલ ધરપકડ કરાઇ હતી.

મળતી માહિતી પ્રમાણે, સરકારપક્ષે આરોપી સામેની સ્પીડી ટ્રાયલ ચલાવી કેસ કાર્યવાહીની માત્ર પાંચ જ મુદતમાં કુલ 43 પૈકી મહત્વના 29 સાક્ષીની જુબાની લઈને કેસ કાર્યવાહી પૂરી કરી હતી. બંને પક્ષોની દલીલો તથા આરોપીના ફર્ધર સ્ટેટમેન્ટ બાદ કોર્ટે આરોપી વિરુદ્ધનો ચુકાદો બે તબક્કે મુલત્વી રાખ્યો હતો. કોર્ટે આરોપીને ઈપીકો-302, 376 (એ)(બી) 363, 366,354તથા પોક્સો એક્ટના ભંગ બદલ દોષી ઠેરવ્યો હતો.

આ પણ વાંચો - Video: સુરતમાંથી કોરોના ગયો? લોકડાયરામાં ટોળેટોળા ઉમટ્યા, ન માસ્ક ન સોશિયલ ડિસ્ટન્સ જોવા મળ્યું

ત્યારબાદ આરોપીના બચાવપક્ષ તથા સરકારપક્ષની દલીલો સાંભળ્યા બાદ કોર્ટે સજાનો ચુકાદો આજ સુધી મુલત્વી રાખ્યો હતો. હજીરાની બાળા સાથે બનેલી ઘટનાના કેસને રેરેસ્ટ ઓફ રેર ગણી આરોપીને મૃત્યદંડની સજા કરવા સરકારપક્ષની માંગણી હતી.

આ પણ વાંચો - સુરત: ચોર માત્ર કારમાં પડેલી વસ્તુઓની કરતો હતો ચોરી, આ રીતે ઝડપાયો

આ પહેલા પણ અન્ય બાળકી પર દુષ્કર્મ કરવાનો પ્રયાસ કર્યો હતો

સરકારપક્ષે જણાવ્યા પ્રમાણે, આરોપીએ પોર્ન ફિલ્મો જ નહીં પરંતુ એનીમલ પોર્નો ફિલ્મો પણ પોતાના મોબાઈલમાં જોઈ હોવાનો એફએસએલનો પુરાવો છે. જે તેની માનસિક વિકૃત્તિ દર્શાવે છે. આરોપીએ ભોગ બનનાર સાથે દુષ્કર્મ આચર્યા બાદ સૃષ્ટિ વિરુધ્ધનું કૃત્ય આચર્યું છે.

ત્યારબાદ પણ આરોપીએ તેના માથામાં ઈંટ મારીને હત્યા કર્યા બાદ લાશને ઘસડીને પુરાવાનો નાશ કરવાનો પ્રયાસ કર્યો છે. આરોપીએ આ અગાઉ પણ એક બાળકી સાથે આ પ્રકારનો નિષ્ફળ પ્રયાસ કર્યો હતો. જેનો પ્રતિકાર કરીને બાળકીને તેના માથામાં ઈંટ મારી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Minor girl, Rape and murder case, Surat Rape case, ગુજરાત, ગુનો, સુરત