રાજકોટમાં એક એવી શેરી જ્યાં બે ધારાસભ્યનું છે ઠેકાણું, પાડોશીઓમાં અનેક નામી હસ્તીઓ સામેલ

કહેવાય છે કે પહેલો સગો તે પાડોશી. એમાં પણ જો તમારા પાડોસી ધારાસભ્ય હોય એ પણ એક નહીં બબ્બે તો? સ્વભાવિક રીતે જ આ ખુશીની બાબત કહી શકાય ત્યારે રાજકોટમાં પણ એક એવી શેરી આવેલી છે કે જ્યાં બે ધારાસભ્ય રહે છે. રાજકોટ દક્ષિણના ધારાસભ્ય રમેશ ટીલાળા અને જેતપુર-જામકંડોરણા ના ધારાસભ્ય જયેશ રાદડિયા રાજકોટમાં એક જ શેરીમાં રહે છે.

સૌરાષ્ટ્રમાં અનેક એવા વિસ્તારો સોસાયટીઓ હશે કે જ્યાં મોટા પ્રમાણમાં ઉદ્યોગપતિઓ અને રાજકીય આગેવાનો રહેતા હશે પરંતુ કદાચ આ ગુજરાતનો પ્રથમ કિસ્સો હશે કે જેમાં એક જ શેરીમાં બે ધારાસભ્યો વસવાટ કરે છે. રાજકોટ વિધાનસભા દક્ષિણના ધારાસભ્ય રમેશ ટીલાળા અને જેતપુર વિધાનસભાના ધારાસભ્ય જયેશ રાદડિયા બંને રાજકોટની શ્રી રાજ રેસીડેન્સીની એક જ શેરીમાં વસવાટ કરે છે.

આ પણ વાંચો: હારથી નારાજ ભાજપ ઉમેદવાર સુરત નેગીનું નિવેદન- 'એક ઉમેદવારને એઈડ્સ હતો'

આમ તો આ સોસાયટી રાજકોટ અને સૌરાષ્ટ્રના અનેક અગ્રણીઓ માટે જાણીતી છે પરંતુ હવે આ સોસાયટીમાં વધુ એક ઇતિહાસ નોંધાઈ ચૂક્યો છે. રાજકોટની શ્રી રાજ રેસીડેન્સીમાં આ બંને ધારાસભ્યો સિવાય અનેક  સામાજિક અગ્રણી ઉપરાંત ઉદ્યોગપતિઓ પણ વસવાટ કરે છે બિલ્ડર એસોસિયેશન અગ્રણી પરેશ ગજેરા જેવા અનેક નામી હસ્તીઓ આ સોસાયટીમાં વસવાટ કરે છે અને હવે તો આ સોસાયટીનો વિધાનસભામાં પણ દબદબો જોવા મળશે.

આ સોસાયટીમાં રહેતા લોકો પણ ગર્વ અનુભવી રહ્યા છે એક જ સોસાયટીમાંથી બે ધારાસભ્ય ચૂંટાઈને આવ્યા એ આ વિસ્તારના લોકો માટે એક ગર્વની ક્ષણ છે. રમેશ ટીલાળાએ જ આ સોસાયટીનું નિર્માણ કરેલું છે અને ચાહે રાજકોટનું ઉદ્યોગ જગત હોય રાજકારણ હોય કે સામાજિક સંસ્થાઓ હોય તમામ જગ્યાએ આ સોસાયટીનો દબદબો છે અને એટલા જ માટે એવું કહેવામાં આવે છે કે રાજકોટમાં શ્રી રાજ રેસીડેન્સીનું રાજ છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Rajkot News, Saurashtra news