ગુજરાત રોજગાર મેળો: PM મોદીએ કહ્યું, કેન્દ્ર સરકાર 10 લાખ નોકરીઓ આપવા પર કામ કરી રહી છે

ગાંધીનગર: વડાપ્રધાન નરેન્દ્ર મોદીએ શનિવારે કહ્યું કે, તેમની સરકાર 10 લાખ નોકરીઓ આપવા પર કામ કરી રહી છે. ગુજરાત સરકાર દ્વારા આયોજિત 'રોજગાર મેળા' માટેના વિડિયો સંદેશમાં તેમણે કહ્યું કે, યુવાનો માટે સરકારી નોકરીઓની સંખ્યામાં પણ વધારો થશે. ભાજપ શાસિત રાજ્યમાં વિધાનસભાની ચૂંટણી પહેલા યોજાયેલા 'જોબ ફેર'માં ગુજરાત પંચાયત સેવા બોર્ડ દ્વારા 5,000 નિમણૂક પત્રો આપવામાં આવ્યા હતા, જ્યારે ગુજરાત સબ ઈન્સ્પેક્ટર ભરતી બોર્ડ અને લોક રક્ષક ભરતી બોર્ડ દ્વારા 8,000 નિમણૂક પત્રો આપવામાં આવ્યા હતા. ગુજરાતના મુખ્યમંત્રી ભૂપેન્દ્ર પટેલે લોકોને નિમણૂક પત્ર આપ્યા હતા.

આ પણ વાંચો: ગુજરાતની પ્રથમ 1962ની ચૂંટણીનો પ્રચાર મુદ્દો અંગ્રેજીનો ભાષાનો હતો, ધારાસભ્યોનો 250 હતો પગાર

સરકારી નોકરીઓની સંખ્યામાં નોંધપાત્ર વધારો

વડાપ્રધાને કહ્યું કે, કેન્દ્ર સરકાર 10 લાખ નોકરીઓ આપવા પર કામ કરી રહી છે. રાજ્યો અને કેન્દ્રશાસિત પ્રદેશો પણ આ અભિયાનમાં જોડાઈ રહ્યા છે. યુવાનોને આપવામાં આવતી સરકારી નોકરીઓની સંખ્યામાં નોંધપાત્ર વધારો થશે.

PMએ ગુજરાતની નવી ઔદ્યોગિક નીતિની પ્રશંસા કરી

તેમણે નવનિયુક્ત લોકોને કહ્યું કે, તમારી નિમણૂંક ઝુંબેશને છેલ્લા માઈલ સુધી લઈ જવામાં અને સરકારી યોજનાઓને વિસ્તારવામાં મદદ કરશે. મોદીએ રોજગારીની તકો ઊભી કરવા માટે ગુજરાતની નવી ઔદ્યોગિક નીતિની પ્રશંસા કરી, અને વર્ગ III અને IV ની ભરતી માટે ઇન્ટરવ્યુ પ્રક્રિયાના અંતની પ્રશંસા કરી હતી.

2047 સુધીમાં ભારતને વિકસિત દેશ બનાવવાનું લક્ષ્ય

તેમણે કહ્યું કે, અમારું લક્ષ્ય 2047 સુધીમાં ભારતને વિકસિત રાષ્ટ્ર બનાવવાનું છે. આગામી 25 વર્ષ આપણા દેશ માટે ખૂબ જ મહત્વપૂર્ણ છે. આપણે ઘણો વિકાસ કરવાની જરૂર છે અને તમારે સમાજ અને દેશ પ્રત્યેની તમારી ફરજ બજાવવી જોઈએ. વડા પ્રધાને કહ્યું કે, તેમને કહેવામાં આવ્યું હતું કે ગુજરાત સરકાર 2022 માં એક વર્ષમાં 35,000 લોકોને સરકારી નોકરી આપવાના લક્ષ્યને પ્રાપ્ત કરવામાં લગભગ સફળ રહી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Employment news, Narendra Modi in Gujarat, પીએમ મોદી