Home /News /gujarat /Gujarat Polls: ભારત જોડો યાત્રામાં મેધા પાટકર, પીએમ મોદીએ લોકોને કહ્યું- કોંગ્રેસને એક જ સવાલ પૂછજો

Gujarat Polls: ભારત જોડો યાત્રામાં મેધા પાટકર, પીએમ મોદીએ લોકોને કહ્યું- કોંગ્રેસને એક જ સવાલ પૂછજો

પીએમ નરેન્દ્ર મોદીએ ગુજરાતના ધોરાજીમાં કોંગ્રેસ પર નિશાન સાધ્યું. (ફોટો-ANI)

PM Modi Gujarat Visit: ગુજરાતના રાજકોટ જિલ્લાના ધોરાજી નગર ખાતે ચૂંટણી રેલીને સંબોધતા મોદીએ કહ્યું હતું કે નર્મદા નદી પર સરદાર સરોવર ડેમ બનાવવાની મહત્વાકાંક્ષી યોજનામાં વિલંબ થયો હતો કારણ કે ઘણા લોકોએ તેને રોકવાનો પ્રયાસ કર્યો હતો.

વધુ જુઓ ...
    વડા પ્રધાન નરેન્દ્ર મોદીએ રવિવારે સવાલ કર્યો કે કોંગ્રેસ ક્યાં નૈતિક આધાર પર ગુજરાતમાં વોટ માંગી રહી છે. જ્યારે તેમના નેતાની ‘ભારત જોડો યાત્રા’માં તે મહિલા સામેલ થઇ. જેણે ત્રણ દાયકાથી નર્મદા ડેમ પ્રોજેક્ટમાં અડચણ ઉભી કરી. ખરેખરમાં પીએમ મોદી અહીં મહારાષ્ટ્રમાં 'નર્મદા બચાવો આંદોલન'ની કાર્યકર્તા મેધા પાટકર વિશે વાત કરી રહ્યા હતા. પાટકરે શનિવારે પૂર્વ કોંગ્રેસ અધ્યક્ષ રાહુલ ગાંધીની ભારત જોડો યાત્રામાં ભાગ લીધો હતો.

    ગુજરાતના રાજકોટ જિલ્લાના ધોરાજી નગર ખાતે ચૂંટણી રેલીને સંબોધતા મોદીએ કહ્યું હતું કે નર્મદા નદી પર સરદાર સરોવર ડેમ બનાવવાની મહત્વાકાંક્ષી યોજનામાં વિલંબ થયો હતો કારણ કે ઘણા લોકોએ તેને રોકવાનો પ્રયાસ કર્યો હતો. પીએમ મોદીએ કહ્યું, “કચ્છ અને કાઠિયાવાડ (સૌરાષ્ટ્ર)ને પીવાનું પાણી પૂરું પાડવાનો એકમાત્ર ઉપાય નર્મદા પ્રોજેક્ટ હતો. તમે ગઈકાલે જોયું જ હશે કે કેવી રીતે એક કોંગ્રેસી નેતા એક મહિલા સાથે પદયાત્રા કરી રહ્યા હતા જે સરદાર સરોવર ડેમ વિરોધી કાર્યકર્તા હતી. તેણે અને અન્ય લોકોએ કાનૂની અડચણો ઊભી કરીને ત્રણ દાયકા સુધી પ્રોજેક્ટને અટકાવ્યો હતો."

    વિરોધીઓએ ગુજરાતને બદનામ કર્યું- પીએમ મોદી

    પ્રધાનમંત્રી નરેન્દ્ર મોદીએ કહ્યું‘‘આ કાર્યકર્તાઓએ એટલા માટે પ્રદર્શન કર્યું કે અહીં પાણી પહોંચે નહીં’’તેમણે કાર્યકર્તાઓ પર ગુજરાતને તે હદ સુધી બદનામ કરવાનો આરોપ લગાવ્યો કે વિશ્વ બેંકે આ પરિયોજના માટે નાણાકિય મદદ આપવાનું બંધ કરી દીધુ. તેમણે કહ્યું કે, જ્યારે કોંગ્રેસ તમારી પાસે વોટ માંગવા માવે તો હું ઇચ્છું છું કે, તમે તેમને સવાલ કરો કે વિપક્ષી પાર્ટી ક્યા આધારે વોટ માંગી કરી છે. જ્યારે તેમના નેતા એક એવી મહિલા સાથે પદયાત્રા કરી રહ્યા છે જે નર્મદા પરિયોજનાની વિરૂદ્ધ હતી. હું તમને કોગ્રેસ પાસે આ સવાલ પૂછવાનો અનુરોધ કરૂ છું.’’

    આ પણ વાંચો : ગુજરાતમાં પાટીદાર સમાજ ભાજપ સાથે કેમ છે? હાર્દિક પટેલે જણાવ્યું કારણ

    ભાજપ સમસ્યાનો કાયમી ઉકેલ લાવે છે- પીએમ

    પીએમ મોદીએ કહ્યું કે, ગુજરાતમાં ભારતીય જનતા પાર્ટીની સરકારે નાના બાંધ બનાવવા, નવા કૂંવા અને તળાવોનું ખોદકામ તથા પાઇપલાઇન દ્વારા પાણી પહોંચાડવાની વિભિન્ન યોજનાઓ દ્વારા પાણીની અછતને હલ કરવા માટે 20 વર્ષ સુધી સખત મહેનત કરી છે. તેમણે કહ્યું,‘‘આજે આખા કચ્છ કાઠિયાવાડ ક્ષેત્રને પાઇપલાઇન નેટવર્ક દ્વારા પાણી મળી રહ્યું છે. અમે સમસ્યાનું કાયમી સમાધાન કરવામાં વિશ્વાસ રાખીએ છીએ. અમે સમજીએ છીએ કે પાણી અને વીજળી વિકાસ માટે જરૂરી છે. કોંગ્રેસ સરકારને માત્ર હેન્ડપમ્પ લગાવવામાં રસ હતો.’’

    ઉલ્લેખનિય છે કે, ગુજરાતમાં વિધાનસભા ચૂંટણી માટે બે ચમણોમાં મતદાન થવાનું છે. એક અને પાંચ ડિસેમ્બરે મતદાન થશે. જેની મતગણતરી આંઠ ડિસેમ્બરે થશે. ધોરાજીમાં મતદાન એક ડિસેમ્બરે થશે.
    Published by:rakesh parmar
    First published:

    Tags: 2022 Assembly elections, Assembly Election 2022, Pm modi in gujarat, PM Modi speech

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन