Home /News /gujarat /PM મોદીનો માનવતાવાદી અભિગમ, રસ્તામાં એમ્બ્યુલન્સ આવતા રોકાવી દીધો કાફલો

PM મોદીનો માનવતાવાદી અભિગમ, રસ્તામાં એમ્બ્યુલન્સ આવતા રોકાવી દીધો કાફલો

PM મોદીનો કાફલો

PM MODI IN AHMEDABAD: આજે વંદે ભારત એક્સપ્રેસને લીલી ઝંડી આપ્યા બાદ PM મોદીનો કાફલો ગાંધીનગર જઈ રહ્યો હતો ત્યારે રસ્તે એમ્બ્યુલન્સ જતી જોઈ વડાપ્રધાને કાફલો અટકાવી દીધો હતો.

    ગાંધીનગર: આજે વંદે ભારત એક્સપ્રેસને લીલી ઝંડી આપવા માટે વડાપ્રધાન નરેન્દ્ર મોદી ગુજરાતની મુલાકાતે આવ્યા હતા. વડાપ્રધાન નરેન્દ્ર મોદીએ ગાંધીનગર રેલવે સ્ટેશનેથી વંદે ભારત ટ્રેનને લીલીઝંડી આપી હતી અને તેમાં બેસીને કાલુપુર રેલવે સ્ટેશન પહોંચ્યા હતા. ત્યારબાદ મેટ્રો ટ્રેનને લીલીઝંડી આપી મેટ્રો ફેઝ-1નું લોકાર્પણ કર્યુ હતુ.

    ગાંધીનગર જવા માટે નીકળ્યા હતા

    PM મોદીએ ગુજરાતને 'વંદે ભારત એક્સપ્રેસ' અને 'મેટ્રો ટ્રેન'ની ભેટ અર્પણ કર્યા બાદ તેઓએ થલતેજ ખાતે જાહેરસભાને સંબોધન કર્યું હતું. બાદમાં તેઓ ગાંધીનગર જવા રવાના થયા હતા.

    આ દરમિયાન PM મોદીના માનવતાવાદી અભિગમનો એક પરિચય થતો જોવા મળ્યો હતો. ખરેખર ઘટના એવી બની હતી કે ગાંધીનગર જવા દરમિયાન PM મોદીના કાફલાની પાસેથી એમ્બયુલન્સ જતી જોવા મળી હતી. પ્રધાનમંત્રી મોદીએ એમ્બયુલન્સને રસ્તો કરી આપવા માટે પોતાનો કાફલો રોકાવ્યો હતો.

    આ પણ વાંચો: અરવિંદ કેજરીવાલ જેના ઘરે જમ્યા હતા તે રીક્ષાવાળો ભાજપમાં જોડાયો

    ભાટ ગામે રોકાયો કાફલો

    વડાપ્રધાન નરેન્દ્ર મોદીનો કાફલો ગાંધીનગર જવા દરમિયાન એમ્બ્યુલન્સ રસ્તે મળતા એમ્બયુલન્સ ને રસ્તો આપ્યા બાદ પીએમ નો કાફલો આગળ વધ્યો હતો અને ત્યાર બાદ આખરે રાજભવન પહોંચ્યો હતો. PM મોદીનો માનવતાવાદી અભિગમ દેશનાં નાગરિકો માટે પ્રેરણા રૂપ બન્યો હતો. લોકોએ આ વિડીયો જોઈ પ્રતિક્રિયા આપી હતી અને વડાપ્રધાનના વખાણ કર્યા હતા.



    PM નરેન્દ્ર મોદીનો કાર્યક્રમ

    - વડાપ્રધાને મેટ્રો ટ્રેનને લીલીઝંડી આપી મેટ્રો ફેઝ-1નું લોકાર્પણ કર્યુ
    - વડાપ્રધાન કાલુપુર રેલવે સ્ટેશન પહોંચ્યા
    - વંદે ભારત ટ્રેનને લીલીઝંડી આપી.
    - વંદે ભારત ટ્રેનના લોકોપાયલટ સાથે વાતચીત કરી.
    - વંદે ભારત ટ્રેનમાં પેસેન્જરને મળતી સુવિધાઓનું નિરીક્ષણ કર્યુ.
    - વડાપ્રધાન નરેન્દ્ર મોદી ગાંધીનગર રેલવે સ્ટેશન પહોંચ્યા.
    - નરેન્દ્ર મોદી રાજભવનથી રવાના થયા.
    Published by:Mayur Solanki
    First published:

    Tags: Ambulance, નરેન્દ્ર મોદી, પીએમ મોદી

    विज्ञापन
    विज्ञापन