રાજ્યમાં 50 માઇક્રોનથી પાતળી પ્લાસ્ટિકની થેલીઓના વેચાણ પર પ્રતિબંધ

રાજ્યમાં 50 માઇક્રોનથી પાતળી પ્લાસ્ટિકની થેલીઓના વેચાણ પર પ્રતિબંધ
પ્રતિકાત્મક તસવીર

શહેરી વિકાસ વિભાગ દ્વારા રાજ્યની તમામ નગરપાલિલકાઓને પ્રતિબંધ મૂકવા સુચના અપાઈ

  • Share this:
    હિતેન્દ્ર બારોટ, ગાંધીનગર : રાજ્યને પ્લાસ્ટિકની ચુંગાલમાંથી છોડાવા માટે રાજ્ય સરકારે કમર કસી છે. હવે રાજ્યમાં રિસાયકલ થઈ શકે તેવા પ્લાસ્ટિકનો જ ઉપયોગ કરી શકાશે. રાજ્યના શહેર વિકાસ વિભાગે રાજ્યની તમામ પાલિકાઓને પ્લાસ્ટિકના વેચાણ-વપરાશ પર પ્રતિબંધ મૂકવાની સૂચના આપી છે. હવે રાજ્યમાં કોઈ પણ ઠેકાણે 50 માઇક્રોનથી ઓછું પ્લાસ્ટિક ધરાવતી થેલીઓ વાપરી શકાશે નહીં.

    શહેરી વિકાસ વિભાગની સૂચનાના પગલે રાજ્યની પાલિકાઓએ ઠરાવ કરી તેમની સત્તાની રુહે આ આદેશનો અમલ કરાવવાનો રહેશે. પાલિકાઓ પોતાની સત્તાની રૂહે દંડની રકમની જોગવાઈ પણ કરી શકશે. ઉલ્લેખનીય છે કે વડાપ્રધાન મોદીએ 15મી ઑગસ્ટે લાલ કિલ્લા પરથી આપેલા ભાષણમાં દેશને પ્લાસ્ટિક મુક્ત બનાવવાના અભિયાનની જાહેરાત કરી હતી. વડા પ્રધાનના સ્વપ્ન સમા ભારતને પ્લાસ્ટિક મુક્ત બનાવવા માટે હવે રાજ્ય સરકારે કમર કસી હોય તેવું જણાઈ રહ્યું છે.



    આ પણ વાંચો :   ટેરર એલર્ટ : અફઘાનિસ્તાનના કુનર પ્રાંતના આતંકીની વિગતો પોલીસને અપાઇ

    ખુલ્લામાં કચરો નાખવા અને બાળવા પર પ્રતિબંધ
    સરકારે અન્ય એક નિર્ણય કરી અને ખુલ્લામાં પ્લાસ્ટિક નાખવા પર અને બાળવા પર પણ પ્રતિબંધ મૂકી દીધો છે. પ્લાસ્ટિક વેસ્ટ એકત્ર કરવાના કલેક્શન સેન્ટર ઉભા કરવાની જવાબદારી ઉત્પાદકો અને બ્રાન્ડ ઑનર્સની રહેશે.

    શહેરી વિકાસ માટે રૂ. 2 હજાર કરોડની ગ્રાન્ટ
    ગુજરાત સરકાર શહેરી વિસ્તારના વિકાસ કાર્યો માટે રૂપિયા 2 હજાર કરોડની ગ્રાન્ટ આપશે. નગરપાલિકા, મહાનગરપાલિકા અને શહેરી સત્તામંડળને રૂ. 2 હજાર કરોડની ગ્રાન્ટ આપવામાં આવશે. શહેર સત્તા મંડળને આવતીકાલે નાયબમુખ્ય મંત્રી નીતિન પટેલની ઉપસ્થિતીમાં ગાંધીનગરના ટાઉનહોલાં ચેક વિતરણ કરવામાં આવશે.

     
    First published:August 19, 2019, 11:36 am

    टॉप स्टोरीज