સ્મૃતિનો પ્રહાર, 'રાહુલ 15 વર્ષમાં ન કરી શક્યા તે મોદીએ 2.5 વર્ષમાં કરી બતાવ્યું'

ન્યૂઝ 18 ગુજરાતી : કેન્દ્રીય કપડા મંત્રી સ્મૃતિ ઇરાનીએ પાટણમાં યોજાયેલી એક સભામાં કોંગ્રેસ અધ્યક્ષ રાહુલ ગાંધી પર આકરા પ્રહારો કર્યા હતા. ભાજપના પાટણ લોકસભા બેઠકના ઉમેદવાર ભરતસિંહ ડાભીના સમર્થનમાં યોજાયેલી સભામાં સ્મૃતિએ કહ્યું હતું કે અમેઠીના સાંસદ 15 વર્ષમાં જે ન કરી શક્યા તે નરેન્દ્ર મોદીએ 2 વર્ષમાં કરી બતાવ્યું હતું. તેમણે કહ્યું કે રાહુલ ગાંધી એવા વ્યક્તિ છે જે પાંચ વર્ષમાં એક વાર ફક્ત ફોર્મ ભરવા અમેઠી આવે છે.

સ્મૃતિએ કહ્યું, “કોંગ્રેસના સાંસદે પોતાના સંસદીય ક્ષેત્રમાં કર્યુ નથી તે નરેન્દ્ર મોદીએ 2 વર્ષમાં કરી બતાવ્યું. અમેઠીમાં પહેલી વાર 1.5 લાખ લોકોને પોતાના ઘરમાં શૌચાલય મળ્યા છે. આજે મને મહિલા કાર્યકર્તા તરીકે કહેતા આ વાતનું ગર્વ છે કે નરેન્દ્ર મોદીએ અમેઠીની મહિલાઓને સન્માન આપ્યું છે.

આ પણ વાંચો : વટામણમાં સિદ્ધુનો પ્રહાર કહ્યું, 'વિશ્વગુરૂ બનવા નીકળ્યા હતા, ચોકીદાર બની 

જેવી રીતે નરેન્દ્ર મોદીએ વિકાસ કર્યો છે, તેના લીધે ગરીબો સ્વીકારે છે કે તેમનું દુ:ખ વડાપ્રધાન મોદી સમજે છે. કોંગ્રેસ 55 વર્ષમાં જે ન કરી શકી તે નરેન્દ્ર મોદી 5 વર્ષમાં કરી બતાવ્યું છે. રાહુલ ગાંધી એવો વ્યક્તિ છે જે પાંચ વર્ષમાં પોતાના મતક્ષેત્રમાં એક વાર પોતાના મતક્ષેત્રમાં દર્શન આપે છે. વિકાસના સંદર્ભમાં હરિફાઈ કરવી હોય તો ગુજરાતના કોઈ મતક્ષેત્ર સાથે અમેઠીની હરિફાઈ કરી લેજો. વડનગરના એક ભાઈએ કહ્યું કે હું વડનગરમાં ગયો છું ત્યાં કામ કર્યુ છે, પરંતુ અમેઠીમાં આવું તો ખાડા દેખાય છે. ”

સ્મૃતિ ઇરાનીએ ઉમેર્યુ કે “નરેન્દ્ર મોદી ગરીબોનું દુઃખ સમજે છે, જ્યારે એક ગરીબ માતા ચુલામાં રસોઈ કરે છે,ત્યારે તેના ધૂમાડાથી તે ઉધરસ ખાઈ ખાઈને પરેશના થાય છે પરંતુ તેનો અવાજ કોઈના સુધી નથી પહોંચતો પરંતુ નરેન્દ્ર ભાઈએ આ દુઃખ સમજ્યું અને 7.5 કરોડ મહિલાઓ સુધી ગેસનો ચુલો પહોંચાડ્યો છે. ગરીબોના બેન્ક ખાતા ખોલવાનું કામ હોય કે ગરીબોના કલ્યાણનું કામ આ કામ નરેન્દ્ર દામોદરદાસ મોદીએ કર્યું છે. સરકારની તીજોરીમાંથી એક રૂપિયો નીકળે અને એ આખો એક રૂપીયો નરેન્દ્ર મોદી સુધી પહોંચે છે. ”

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gujarat Loksabha Elections 2019, Loksabha elections 2019, Patan S06p03, Smriti Irani, Uttar Gujarat Loksabha Elections 2019, નરેન્દ્ર મોદી, રાહુલ ગાંધી