કિર્તીદાન ગઢવીને જ્ઞાતિ વિરુદ્ધ અભદ્ર ટિપ્પણી ભારે પડી, નાયક-ભોજક સમાજમાં રોષ

કેતન પટેલ, મહેસાણા: ગુજરાતના લોકલાડીલા લોકગાયક કિર્તીદાન ગઢવીને ડાયરામાં નાયક-ભોજક સમાજ વિરુદ્ધ અભદ્ર ટીપ્પણી ભારે પડી છે. નાયક-ભોજક સમાજ દ્વારા કિર્તીદાન વિરુદ્ધ પાટણમાં પોલીસ ફરિયાદ આપવામાં આવી છે. રોષે ભરાયેલા નાયક-ભોજક સમાજે લાગણી વ્યક્ત કરી કે, કિર્તીદાન ગઢવી તત્કાલીન નાયક ભોજક સમાજની માફી માંગવી જોઈએ.

પ્રાપ્ત માહિતી અનુસાર, ગુજરાતના પ્રખ્યાત લોકગાયક કિર્તીદાન ગઢવીનો ઉત્તર ગુજરાતના પાટણમાં એક કાર્યક્રમ હતો. આ કાર્યક્રમમાં આસપાસના ગામના અનેક લોકો ડાયરો સાંભળવા આવ્યા હતા. તે સમયે આ ડાયરાના કાર્યક્રમમાં કિર્તીદાન ગઢવીએ નાયક-ભોજક સમાજ વિશે અભદ્ર ટીપ્પણી કર્યોનો આક્ષેપ લાગ્યો છે. જેમ જેમ કિર્તીદાનના ડાયરાની વાત વાયુવેગે નાયક-ભોજક સમાજમાં ફેલાઈ તેમ તેમ તેમની સામે લોકોએ પોતાના વિરોધ સૂર શરૂ કર્યો ,આખરે પાટણમાં કિર્તીદાન ગઢવી વિરુદ્ધ ફરિયાદ નોંધાવવામાં આવી છે.

આ મામલે આજે પણ નાયક-બોજક સમાજ દ્વારા કિર્તીદાનનો વિરોધ કરવામાં આવ્યો હતો, મહેસાણામાં નાયક-ભોજક છાત્રાલય ખાતે સમાજે એકઠા થઈ વિરોધ નોંધાવ્યો હતો. કિર્તીદાન ગટવી માફી માંગેના સૂત્રોચ્ચાર સાથે વિરોધ પ્રદર્શ ન કરવામાં આવ્યું હતું.

આ બાજુ પાટણમાં પણ નાયક-ભોજક સમાજ દ્વારા કિર્તીદાનનો વિરોધ કરવામાં આવ્યો છે. નાયક સમાજ દ્વારા રોષ જોવા મળ્યો હતો, આ મામલે લોક લાગણી દુભાવવા મામલે બી ડિવિઝન પોલીસ સ્ટેશનમાં ફરિયાદ નોંધાવવામાં આવી છે. આ સિવાય ભોજક સમાજે પાટણ અને મહેસાણામાં કિર્તીદાન ગઢવીનો વિરોધ કર્યો હતો અને કલેક્ટરને મળીને ભોજક સમાજે એક આવેદનપત્ર આપીને માંફીની માંગણી કરી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર