આશાબેન પટેલના પાર્થિવ દેહના દર્શન ઊંઝામાં રખાશે, સિદ્ધપુરમાં થશે અંતિમ ક્રિયા

ઊંઝા : મહેસાણા જિલ્લાના ઊંઝાનાં ધારાસભ્ય આશાબેન પટેલને (Ashaben Patel) ડેન્ગ્યૂ થતા આજે (12 december 2021) તેમનું નિધન થયું છે. ડેન્ગ્યૂ (dengue) થતા તેમનું લિવર ડેમેજ થયા બાદ તેમના શરીરના અનેક અવયવો ફેઇલ થઇ ગયા હતા. ગઈકાલે સારવાર માટે અમદાવાદની ઝાયડસ હોસ્પિટલમાં (Ahmedabad Zydus Hospital) દાખલ કરાયાં હતા. આશાબેનના મૃતદેહને ઊંઝા લઇ જવામાં આવશે.

પાર્થિવ દેહની અંતિમ ક્રિયા સિદ્ધપુરમાં કરાશે

આશાબેન પટેલના પાર્થિવ દેહને ઊંઝાના સ્વપ્ન બંગ્લોઝ નિવાસ સ્થાને લઇ જવામાં આવશે. સ્વપ્ન બંગ્લોઝથી મોડી સાંજે પાર્થિવ દેહને APMC ઉંઝા લઈ જવાશે. રાત્રી દરમ્યાન પાર્થિવ દેહ ઉંઝા APMC ખાતે રાખવામા આવશે. બાદમાં આવતીકાલે સવારે ઉંઝા શહેરમાં અંતિમ યાત્રા યોજાશે. સવારે અંતિમ યાત્રા તેમના વતન વિશોળ ગામે જશે. વિશોળથી પાર્થિવ દેહને સિદ્ધપુર અંતિમધામ લઈ જવાશે. જે બાદ સિદ્ધપુરમાં સ્વ.આશાબેન પટેલનો પાર્થિવ દેહ પંચ મહાભૂતમાં વિલીન થશે.

ઊંઝાનાં ધારાસભ્ય આશા પટેલને અંગે ઝાયડસના ડાયરેક્ટર ડો.વી.એન.શાહે ગઇ કાલે મહત્ત્વનું નિવેદન આવ્યું હતુ. તેમણે જણાવ્યું હતું કે, આશા પટેલના મોટા ભાગનાં અંગો ફેલ થયા છે. આવા સંજોગોમાં રિક્વરીના ચાન્સ બહુ ઓછા લાગી રહ્યા છે. હાલ તેમને બચાવવાના તમામ પ્રયત્નો અમે કરી રહ્યા છીએ. તેમનું નિયમિત ડાયાલિસિસ કરવામાં આવી રહ્યું છે અને તેમને લાઇફ સપોર્ટ સિસ્ટમ પર રાખવામાં આવ્યાં છે.

આ પણ વાંચો- ઉંઝાના ધારાસભ્ય આશાબેન પટેલનું નિધન, ડેન્ગ્યૂના કારણે મ્લટી ઓર્ગન થયા હતા ફેઇલ

રાજ્યના મુખ્યમંત્રી ભૂપેન્દ્ર પટેલે ઊંઝાના ધારાસભ્ય ડો.આશા બહેન પટેલના દુઃખદ અવસાન અંગે ઊંડા શોકની લાગણી વ્યકત કરી શ્રદ્ધાંજલિ પાઠવી છે. ભૂપેન્દ્ર પટેલે ડો.આશા બહેન પટેલે એક જાગતિક જન પ્રતિનિધિ તરીકે જનસેવા સાથે લોક પ્રશ્નોના ઉકેલ માટે સતત કાર્યરત રહીને એક સંનિષ્ઠ ધારાસભ્ય તરીકે આપેલી સેવાઓની સરાહના કરી છે. મુખ્યમંત્રીએ સ્વ.આશા બહેન ના આત્માની શાશ્વત શાંતિની પ્રભુ પ્રાર્થના પણ કરી છે.

મુખ્યમંત્રીશ્રી ભૂપેન્દ્ર પટેલે ઊંઝાના ધારાસભ્ય ડો.આશા બહેન પટેલના દુઃખદ અવસાન અંગે ઊંડા શોકની લાગણી વ્યકત કરી શ્રદ્ધાંજલી પાઠવી છે.
શ્રી ભૂપેન્દ્ર પટેલે ડો.આશા બહેન પટેલે એક જાગૃત જન પ્રતિનિધિ તરીકે લોક પ્રશ્નોના ઉકેલ માટે સતત કાર્યરત રહીને આપેલી સેવાઓની સરાહના કરી છે. pic.twitter.com/lyjNWkB5nr

— Bhupendra Patel (@Bhupendrapbjp) December 12, 2021

ભાજપના પ્રદેશ પ્રમુખ સી.આર. પાટીલે પણ ભાવભીની શ્રદ્ધાંજલિ આપી છે.

ઊંઝાનાં ધારાસભ્ય આશાબેન પટેલનાં આકસ્મિક દુખદ નિધનનાં સમાચારથી વ્યથિત છું. ભાજપા એ સક્રિય અને લડાયક મહિલા આગેવાન ગુમાવ્યા છે.

ઇશ્વર એમનાં દિવંગત આત્માને સદ્ગતી અર્પે અને પરિવારને તેમજ શુભેચ્છકોને આ દુ:ખ સહન કરવાની શક્તિ અર્પે એવી પ્રાર્થના કરું છું.

ૐ શાંતિ…!! 🙏 pic.twitter.com/DoHbrcZQuA

— C R Paatil (@CRPaatil) December 12, 2021

ભાજપનાં પ્રદેશ અગ્રણી ભરત પંડ્યાએ  શ્રધ્ધાંજલિ આપતાં જણાવ્યું હતું કે, 'ઊંઝાનાં ધારાસભ્ય આશાબહેન પટેલનાં અચાનક અવસાનથી ભાજપ અને લોકોએ સેવા અને વિકાસ માટે જુજારુ એવાં સક્ષમ મહિલા આગેવાન ગુમાવ્યાં છે.' ભગવાન તેમનાં આત્માને શાંતિ આપે અને તેમનાં પરીવારને અને સહુને આઘાત સહન કરવાની શક્તિ આપે એ જ પ્રાર્થના.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gujarat BJP, Unjha MLA Asha Patel, ગુજરાત