Gujarat Panchayat Election Results : ગ્રામ પંચાયતની ચૂંટણી પરિણામ : જાણો કયા ગામમાં કોની થઇ જીત

જૂનાગઢ - શાપુર ગામમાં પંચાયતી રાજથી ફળદુ પરિવારનો દબદબો અકબંધ. એક જ પરિવારના 45 વર્ષથી હતા સરપંચ. ફરીવાર સરપંચ પદે ફળદુ પરિવારનો વિજય. સરપંચ પદ પર ટીનું ફળદુનો 2100 મતની ભવ્ય વિજય. ગ્રામપંચાયતના 12 વોર્ડમાં તમામ સભ્યનો વિજય. ડીજેના તાલે અને આતશબાજી ઢોલ નગારા સાથે વિજય ઉત્સવમાં પાંચ હજાર જેટલા ગ્રામજનો જોડાયા. સરપંચ અને સભ્યોનું ગ્રામજનોએ ફુલહાર પહેરાવી સ્વાગત કર્યું.

લીમખેડા મતગણતરી કેન્દ્ર ઉપર લાઠીચાર્જ. મતગણતરી કેન્દ્ર ઉપર ભીડ બેકાબુ બની. પબ્લિકને દૂર ભગાડવા લાઠીચાર્જ કર્યો 

મોરબી: વાંકાનેરના ચિત્રખડા ગામે સરપંચ પદના ઉમેદવારને એક પણ મત નહીં. ઉમેદવાર અનુબેન સામતભાઈ ડાભીને પોતાનો મત પણ ના મળ્યો, સાકુબેન બાબુભાઇ ડાભી સરપંચ તરીકે વિજેતા

પાટણના નોરતા તળપદ  ગામની મતગણતરી બની પેચીદી. રિકાઉન્ટિંગમાં હારેલા ઉમેદવાર વિજયભાઈ એક મતે થયા વિજય. નોરતા તળપદ ગામનું ત્રણ વખત રીકાઉન્ટિંગ કરવામાં આવ્યું. પરિણામને લઇ ટેકેદારોએ લાંબી રાહ જોઈ. છેવટે ત્રીજી વખત રીકાઉન્ટિંગમાં વિજયભાઈ પટેલ ની જીત જાહેર કરવામાં આવી. પોસ્ટલ બેલેટે હારમાંથી જીતમાં પરિણામ બદલ્યું 

જૂનાગઢ - ચણાકા ગ્રામ પંચાયતની ચૂંટણીમાં પતિ અને પત્ની વિજેતા. આપ પાર્ટી પ્રેરિત પેનલમાં પત્ની સરપંચ તરીકે અને પતિ સભ્ય તરીકે ચૂંટાયા. મહીલા સરપંચ દયા રામાણીનો 444 મતથી વિજય. ભેસાણ તાલુકાનું ચણાકા ગામ પૂર્વ મુખ્યમંત્રી વિજય રૂપાણીનું પૈતૃક ગામ છે. કુલ દસ વોર્ડમાંથી સાત વોર્ડમાં આપ પાર્ટીની જીત 

સાબરકાંઠાના ઇડરમાં ફરી ટાઈ સર્જાઈ. ભાણપુરમાં બે ઉમેદવારોને એક સરખા 62 મત મળ્યા. ભાણપુર બાદ બુઢેલી ગામમાં પણ બે ઉમેદવારોને સરખા મત. બુઢેલી માં બે ઉમેદવારોને એક સરખા 46 મત મળ્યા. બુઢેલીમાં વૉર્ડ નબર 1 માં બે સભ્ય ઉમેદવાર મુંનીબેન ઠાકરડા અને હીનાબેન ઠાકરડા વરચે પણ ટાઇ. બંને ઉમેદવારોએ ચીઠ્ઠી ઉછાળી સંમતિથી મુનીબેન ઠાકરડાને વિજેતા જાહેર કરાયા 

દાહોદ ખાતે પથ્થરમારો