ગાંધીનગર સિવિલમાં મૃત ભૃણ મૂકી માતા અને પરિવાર થયો રફુચક્કર, લખાવેલું સરનામું પણ ખોટું

ગાંધીનગર સિવિલમાં મૃત ભૃણ મૂકી માતા અને પરિવાર થયો રફુચક્કર, લખાવેલું સરનામું પણ ખોટું
પ્રતીકાત્મક તસવીર

તબીબે તેના કુટુંબીજનોની પાસે યુવતીનું લગ્નનું પ્રમાણપત્ર તથા અન્ય ડોક્યુમેન્ટ માંગેલા પણ યુવતી કુંવારી હોઈ તે કાગળ આપવામાં તેના કુટુંબીજનો અસમર્થ હતા.

  • Share this:
ગાંધીનગર સિવિલ હોસ્પિટલમાં (Gandhinagar Civil Hospital) એક અજીબો ગરીબ કિસ્સો સામે આવ્યો છે. સિવિલના ગાયનેક વિભાગમાં એક યુવતીને (Girl) પ્રસુતીની પીડા ઉપડી તેવી હાલતમાં લવાયા બાદ કસુવાવડ થઈ હતી. ભૃણ મૃત હાલતમાં મૂકી યુવતી તેમજ તેના સબંધીઓ સિવિલના સ્ટાફને ચકમો આપી નાસી છૂટ્યાની ઘટના સામે આવી છે. કસુવાવડ સમયે તબીબે લગ્ન તેમજ જન્મનો દાખલો લાવવા જણાવ્યું હતું. પરંતુ યુવતી અને સબંધીઓ કોઈ પુરાવો આપવાના બદલે સિવિલમાંથી નાસી છૂટ્યા હતા.

સિવિલમાં દાખલ થતા સમયે લખાવેલું સરનામું માણસાના ઈટાદરા ગામનું હોવાથી તબીબે આ બાબતે માણસા પોલીસને જાણ કરી હતી.  બાદમાં જ્યારે પોલીસ ઈટાદરા ગામે પહોંચી ત્યારે ખબર પડી કે, ગામમાં આ નામની કોઇ યુવતી રહેતી નથી. જેથી પોલીસને પણ ખ્યાલ આવ્યો કે, આ સરનામું ખોટું લખાવવામાં આવ્યું છે.



કોરોનાનો કાળો કહેર વર્તાયો: સૌરાષ્ટ્રની સૌથી મોટી હોસ્પિટલમાં દર્દીઓનો રાફડો ફાટ્યો, એમ્બ્યુલન્સ ન મળતા પડી હાલાકી

ગાંધીનગર સિવિલ હૉસ્પિટલમાં એક યુવતીને અધુરા માસે પ્રસવ પીડા ઉપડતા સબંધીઓ દ્વારા યુવતીને ગાંધીનગર સિવિલ હોસ્પિટલના ગાયનેક વિભાગમાં લાવવામાં આવી હતી . તા .૪ / ૪ / ૨૦૦૧ ના યુવતીને અધુરા માસે કસુવાવડ થવા પામી હતી. આ સમયે તબીબ દ્વારા યુવતી અને સબંધીઓ પાસે લગ્ન અને જન્મના પુરાવવાની માંગણી કરવામાં આવી હતી. તબીબે તેના કુટુંબીજનોની પાસે યુવતીનું લગ્નનું પ્રમાણપત્ર તથા અન્ય ડોક્યુમેન્ટ માંગેલા પણ યુવતી કુંવારી હોઈ તે કાગળ આપવામાં તેના કુટુંબીજનો અસમર્થ હતા.

કોરોના સામેની જંગમાં અમદાવાદની આ સોસાયટી બની છે નંબર 1, AMCએ પણ આપ્યો છે બેસ્ટ સોસાયટીનો એવોર્ડ

આ દરમિયાન યુવતી તથા સાથે આવેલા તમામ લોકો નજર ચૂકવીને સિવિલ હોસ્પિટલમાં મૃત માનવ ભૃણ મુકીને ભાગી છૂટ્યા હતા. આ બનાવથી ચકચાર મચી જવા પામી હતી. આ ઘટના અંગે ફરજ પરના મેડિકલ ઓફિસરને જાણ થતાં માણસા પોલીસને જાણ કરી હતી અને તાબડતોડ યુવતીએ જણાવેલ નામ સરનામા પર ઈટાદરા ગામે પોલીસ પહોંચી હતી. પરંતુ આવી કોઈ વ્યક્તિ ઈટાદરા ગામમાં રહેતી નથી તેવી હકીકત સામે આવતાં પોલીસ પણ ચોંકી ઉઠી હતી.



ઉલ્લેખનિય છે કે, મૃત માનવભૃણને છોડી જનાર યુવતી કોણ હતી તે કોયડો હજુ પણ વણઉકેલ્યો છે. આ બનાવ અંગે માણસા તાલુકા અને સિવિલ હોસ્પિટલમાં તરેહ તરેહની ચર્ચાઓએ જાહેર પકડ્યું છે.
Published by:Kaushal Pancholi
First published:April 09, 2021, 08:26 am

ટૉપ ન્યૂઝ