Home /News /gujarat /

મુખ્યમંત્રી વિજય રૂપાણીએ 10 યુનિવર્સિટી-ઉચ્ચ શૈક્ષણિક સંસ્થાઓને પરમ શાવક સુપર કોમ્પ્યુટર અર્પણ કર્યા

મુખ્યમંત્રી વિજય રૂપાણીએ 10 યુનિવર્સિટી-ઉચ્ચ શૈક્ષણિક સંસ્થાઓને પરમ શાવક સુપર કોમ્પ્યુટર અર્પણ કર્યા

મુખ્યમંત્રી વિજય રૂપાણીએ 10 યુનિવર્સિટી-ઉચ્ચ શૈક્ષણિક સંસ્થાઓને પરમ શાવક સુપર કોમ્પ્યુટર અર્પણ કર્યા

સાયન્સ અને ટેકનોલોજી ક્ષેત્રમાં રાજ્યના યુવાનોના રસ-રૂચિને કેળવવા માટે સાયન્સ સિટી ખાતે આધુનિક રોબોટિક ગેલેરીનું નિર્માણ કરાશે

ગાંધીનગર : મુખ્યમંત્રી વિજયભાઈ રૂપાણીએ સાયન્સ એન્ડ ટેકનોલોજી વિભાગના કાર્યક્રમમાં રાજ્યની 10 યુનિવર્સિટી- ઉચ્ચ શૈક્ષણિક સંસ્થાઓને વીડિયો કોન્ફરન્સ દ્વારા “પરમ શાવક” સુપર કોમ્પ્યુટર અર્પણ કર્યા હતા. આ પ્રસંગે રોબોફેસ્ટ ગુજરાત 1.0 સ્પર્ધાના વિજેતાઓ અને સુપર કોમ્પ્યુટર પ્રાપ્ત સંસ્થાઓને મુખ્યમંત્રી રૂપાણીએ અભિનંદન આપી શુભકામનાઓ પાઠવી હતી. આ પ્રસંગે સાયન્સ અને ટેકનોલોજી ક્ષેત્રમાં રાજ્યના યુવાનોના રસ-રૂચિને કેળવવા માટે સાયન્સ સિટી ખાતે આધુનિક રોબોટિક ગેલેરીનું નિર્માણ કરાશે તેવી નેમ મુખ્યમંત્રીએ વ્યક્ત કરી હતી.

તેમણે જણાવ્યું હતું કે સમગ્ર દેશમાં સ્ટાર્ટઅપ માટે વૈશ્વિકકક્ષાની i Creat સંસ્થા માત્ર ગુજરાતમાં કાર્યરત છે તેમજ ગુજરાતમાં શૈક્ષણિક ક્ષેત્રની સર્વોચ્ચ સંસ્થાઓ IIT અને IIM ઉપલબ્ધ બની છે. ગુજરાતમાં વૈશ્વિકકક્ષાની PDPU, NFSU, GNLU, રક્ષા શક્તિ યુનિવર્સિટી જેવી સંસ્થાઓ કાર્યરત છે.

મુખ્યમંત્રી વિજય રૂપાણીના હસ્તે ગુજરાત ટેકનોલોજીકલ યુનિવર્સિટી–અમદાવાદ, સરકારી ઇજનેરી કોલેજ – ભાવનગર, ઇન્સ્ટિટ્યૂટ ઓફ કોમ્પ્યુટર ટેકનોલોજી, ગણપત યુનિવર્સિટી- મહેસાણા, મારવાડી યુનિવર્સિટી- રાજકોટ, ધીરુભાઈ અંબાણી ઇન્સ્ટિટ્યૂટ ઓફ ઇન્ફર્મેશન એન્ડ કમ્યુનિકેશન ટેકનોલોજી (DAIICT) – ગાંધીનગર, પારુલ યુનિવર્સિટી- વડોદરા, સાંકળચંદ પટેલ યુનિવર્સિટી- વિસનગર-મહેસાણા, સિલ્વર ઓક કોલેજ એન્જિનિયરિંગ એન્ડ ટેકનોલોજી-અમદાવાદ, અમદાવાદ યુનિવર્સિટી - નવરંગપુરા, અમદાવાદ અને ઇન્સ્ટિટ્યૂટ એડવાન્સ રિસર્ચ – ગાંધીનગર સહિત 10 શૈક્ષણિક સંસ્થાઓને સુપર કોમ્પ્યુટર એનાયત કરવામાં આવ્યા હતા.

આ પણ વાંચો - ખેડૂતોનો હંમેશા વોટબેંક તરીકે ઉપયોગ કરનારી કોંગ્રેસ ખેડૂતોની દુર્દશા માટે જવાબદાર છે : પરષોત્તમ રૂપાલા

ઉલ્લેખનીય છે કે, રાજ્યની વિવિધ સંશોધન અને શૈક્ષણિક સંસ્થાઓમાં હાઈ-એન્ડ સંશોધન અને વિકાસને પ્રોત્સાહન આપવા તથા નેક્સ્ટ જનરેશન લર્નિંગને પ્રોત્સાહન આપવા માટે ગુજકોસ્ટ દ્વારા વિવિધ ઇજનેરી સંસ્થાઓમાં તથા યુનિવર્સિટીઓના વિભાગોમાં સંશોધન માટે સુપર કોમ્પ્યુટીંગ સુવિધાઓને સ્થાપવામાં આવી રહી છે.

પરમ શાવકને સી-ડેક દ્વારા સંપૂર્ણ રીતે ભારતમાં વિકસાવવામાં આવેલ છે જેની ઉપયોગિતા હાઈ પરફોર્મન્સ કોમ્પ્યુટીંગ અને ડીપ લર્નિંગની છે જેના માટે તેમાં x૮૬ આધારિત ઇન્ટેલ પ્રોસેસર, 96 જીબી રેમ, 16 ટીબી સ્ટોરેજ, એનવિડિયા આધારિત કો-પ્રોસેસિંગ એક્સેલરેટર ટેક્નોલોજીસ અને સોફ્ટવેર ડેવલોપમેન્ટ એન્વાયરમેન્ટ વગેરે જેવી સુવિધાઓ ધરાવે છે. આ સુપર કોમ્પ્યુટર થકી નવીનતમ અને ગ્રાઉન્ડ બ્રેકીંગ તકનીકી વિકાસને હાઈ એન્ડ કોમ્પ્યુટીંગને ટેબલ ટોપ પ્લેટફોર્મ પર લાવી શકાશે અને આવા કર્યો માટે મોંઘા ડેટા સેન્ટરોના માળખાની જરૂર નહીં પડે.

આર્ટિફિશિયલ ઇન્ટેલિજન્સ અને રોબોટિક્સ એ નવા યુગના વિજ્ઞાન અને ટેક્નોલોજીમાં ઉભરી રહેલા ક્ષેત્રો છે. ઇજનેરોની યુવા પેઢીની કુશળતામાં અભિવૃદ્ધિ કરવા ગુજકોસ્ટ દ્વારા પ્રથમ 'રોબોફેસ્ટ ગુજરાત' સ્પર્ધાની જાહેરાત કરવામાં આવી હતી. રોબોફેસ્ટ એક નવીનત્તમ અને રાજ્ય કક્ષાની વૈજ્ઞાનિક અને ઇજનેરી સ્પર્ધા છે. રોબોફેસ્ટ ગુજરાત 1.0 સ્પર્ધામાં ચાર પગ વાળા રોબોટ, ચેસ રમતાં રોબોટ, પાણીની અંદર કાર્યક્ષમ હોય તેવા રોબોટ, સંગીત વાજીંત્રો વગાડી શકે તેવા રોબોટ, રોવર, પ્રોસ્થેટિક લિમ્બ્સ અને ઉત્ખનન રોબોટ સહિત સાત વિવિધ શ્રેણીઓ છે. રોબોફેસ્ટ ગુજરાત 1.0 સ્પર્ધા અંતર્ગત તમામ સાત કેટેગરીમાં નવ વિદ્યાર્થી ટીમોને વિજેતા તરીકે જાહેર કરવામાં આવી છે.

આ નવ વિદ્યાર્થી ટીમો જે વિવિધ શૈક્ષણિક સંસ્થાઓ છે તેમાં નિરમા યુનિવર્સિટી-અમદાવાદ, બાબુ માધવ ઇન્સ્ટિટ્યૂટ ઓફ ઇન્ફર્મેશન ટેકનોલોજી, યુકેએ તરસડિયા યુનિવર્સિટી–બારડોલી-સુરત, કે.જે ઇન્સ્ટિટ્યૂટ ટેકનોલોજી-વડોદરા, યુ.વી. પટેલ કોલેજ ઓફ એન્જિનિયરિંગ અને ટેકનોલોજી, ગણપત યુનિવર્સિટી - મહેસાણા, જી.એચ. પટેલ કોલેજ ઓફ એન્જિનિયરિંગ અને ટેકનોલોજી- ન્યુ વલ્લભ વિદ્યાગર, બિરલા વિશ્વકર્મા મહાવિદ્યાલય બીવીએમ એન્જિનિયરિંગ કોલેજ -વલ્લભ વિદ્યાગર, એસ.વી.એન.આઇ.ટી- સુરત અને સરકારી પોલિટેકનિક-અમદાવાદનો સમાવેશ થાય છે.

વિજેતાઓમાંથી પાંચ વિદ્યાર્થી ટીમોને 5 લાખ રૂપિયા અને પ્રમાણપત્રો, બે વિદ્યાર્થી ટીમોને સંયુક્ત ઇનામ 2.50 લાખ રૂપિયા અને પ્રમાણપત્રો અને બે વિદ્યાર્થી ટીમોને મુખ્યમંત્રીના હસ્તે 1 લાખ રૂપિયા ઇનામ અને પ્રમાણપત્ર વર્ચ્યુઅલ એવોર્ડ સમારોહમાં આપવામા આવ્યા હતા. રોબોફેસ્ટના વિજેતાઓ દ્વારા વિકસિત રોબોટ્સને ગુજરાત સાયન્સ સિટી, અમદાવાદની રોબોટિક્સ ગેલેરીમાં રાખવામાં આવશે. રોબોટિક્સ ઉદ્યોગને ટેકો આપવા માટે વિજેતાઓને પોતાના સાહસ શરૂ કરવા પ્રોત્સાહન આપવામાં આવશે, જેથી રોબોટિક્સ ઉદ્યોગમાં ગુજરાત મહત્વનો ફાળો આપશે.
Published by:Ashish Goyal
First published:

Tags: Chief Minister Vijay Rupani, University, Vijay Rupani, મુખ્યમંત્રી

विज्ञापन

विज्ञापन

આગામી સમાચાર

विज्ञापन
विज्ञापन