ભાદરવી પૂનમે કરો જગતજનની મા અંબાના Online Live Darshan

અંબાજી મંદિરથી લાઇવ દર્શન

Ambaji Temple Online darshan: વિશ્વની સૌથી પ્રાચીન ગિરિમાળાઓમાં બિરાજમાન શક્તિના શક્તિપીઠમાં માનું હૃદય વસે છે.

  • Share this:
    બનાસકાંઠા : આજે સોમવાર અને ભાદરવી પૂનમ (Bhadarvi Poonam) છે. જગતજનની મા અંબાના ધામમાં (Bhadarvi Poonam at Ambaji) આજ વહેલી સવારથી જ ભક્તો આવીને શિશ નમાવી રહ્યા છે. આ સાથે છેલ્લા કેટલાય દિવસોથી ભક્તો પદયાત્રા (Padyatra) કરીને ધજા પણ અર્પણ કરવા આવી રહ્યા છે. જોકે વૈશ્વિક મહામારી કોરોનાને કારણે ભાદરવી પૂનમનો મહામેળો (Bhadarvi poonam Fair 2021) આ વર્ષે રદ કરવામાં આવ્યો છે. બાધા, આખડી માનતા હોય તેવા દર્શનાર્થીઓ માટે મંદિર દર્શન (Ambaji Temple Live Darshan) માટે ચાલુ રાખવામાં આવ્યું છે. આ સાથે તમે જો મંદિર જઇ ન શક્યા હોવ તો અંબાજી મંદિરની આ લિંક પરથી તમે જ્યાં હોવ ત્યાંથી માતાજીનાં લાઇવ દર્શન કરી શકો છો.

    અંબાજીમાં માનું હૃદય છે

    દેશના 51 શક્તિપીઠોમાં જેનું સૌથી અગત્યનું સ્થાન છે તે શક્તિપીઠ અંબાજી બનાસકાંઠા જિલ્લામાં આવેલું છે. વિશ્વની સૌથી પ્રાચીન ગિરિમાળાઓમાં બિરાજમાન શક્તિના શક્તિપીઠમાં માનું હૃદય વસે છે. જેના કારણે દર વર્ષે લાખો ભક્તો મા અંબાના દર્શન કરવા માટે અંબાજી આવે છે. જેમાં ભાદરવી પૂનમ નિમિત્તે મા અંબાના દર્શન કરવાનું વિશેષ મહત્વ છે. લોકો પગપાળા આવી માં અંબાના દર્શન કરી ધન્યતા અનુભવે છે.

    વહેલી સવારથી માઇભક્તો દર્શને આવી રહ્યા છે.


    ભાદરવી પૂનમે માતાના દર્શનું મહત્ત્વ કેમ છે?

    ભારતીય પંચાંગ મુજબ ભાદરવા બાદ આસો મહિનો આવે છે. જેમાં માં આદ્યશક્તિની આરાધના માટે નવ દિવસનું નવરાત્રી થાય છે. ભાદરવી પૂનમના મેળાનું ધાર્મિક મહત્વ એ જ છે કે, નવરાત્રી નિમિત્તે માં અંબાના શક્તિપીઠને ધજા ચડાવી લોકો પોતાના ગામ લઈ જાય છે. જે ઉપરાંત અને પગપાળા લોકો ગરબો લઈ માના દ્વાર સુધી આવે છે. માં અંબાને નવરાત્રિ નિમિત્તે પોતાના ગામ પરત કરવા માટેનું આમંત્રણ આપે છે. વર્ષોથી ચાલી આવતી આ પરંપરાના કારણે ભાદરવી પૂનમ નિમિત્તે માં અંબાને નવરાત્રીનું આમંત્રણ આપવા માટે અનેક ભાવિક ભક્તો ભાદરવી પૂનમના મહામેળામાં આવે છે.

    આ પણ વાંચો - weekly rashifal, 20 september to 26 september 2021: સાપ્તાહિક રાશિફળ

    માઇભક્તોની સુરક્ષામાં વધારો

    અંબાજીમાં આવતા માઇભક્તોની સુરક્ષા માટે બનાસકાંઠા કલેકટરશ્રી અને અંબાજી માતા દેવસ્થાન ટ્રસ્ટના ચેરમેન આનંદ પટેલના નેતૃત્વ અને માર્ગદર્શન હેઠળ વિશ્વની ઉચ્ચકક્ષાની આધુનિક ટેકનોલોજીથી અંબાજીમાં આવનાર યાત્રાળુઓને સુરક્ષા પ્રદાન કરવાનો નિર્ધાર કરવામાં આવ્યો છે. અત્યંત આધુનિક ટેકનોલોજીનો અંબાજી ખાતે આજથી પ્રાયોગીક ધોરણે શરૂ કરવામાં આવી છે. જેમાં અદ્યતન ટેકનોલોજીયુક્ત બોડીવોર્ન કેમેરાનો પ્રયોગ કરવામાં આવેલ છે.
    બોડીવોર્ન કેમેરામાં હાઈરીઝોલ્યુશન યુક્ત ઓડીયો તેમજ વીડીયો ક્લાઉડબેઝ સિસ્ટમ ઉપર રેકોર્ડ થાય છે.



    આ કેમેરા સુરક્ષા અધિકારીએ પોતાના શરીર ઉપર લગાવવાના હોય છે. જે તે સ્થળનું લાઈવ ઓડીયો-વીડીયો રેકોડીંગ સિસ્ટમમાં સ્ટોર થાય છે તેમજ તેને કયારેય પણ ડીલીટ કરી શકાતુ નથી. આ કેમેરાના સોફ્ટવેર તેમજ હાર્ડવેરમાં આંતરરાષ્ટ્રીય કક્ષાની ઉચ્ચ ગુણવતાયુકત તેમજ સુરક્ષાયુક્ત ઉપકરણોનો ઉપયોગ કરવામાં આવેલો છે. સંદિગ્ધ વ્યક્તિઓ અને સુલેહ શાંતિનો ભંગ કરતા ઈસમો ઉપર બાઝ નજર રાખવામાં આવશે.
    Published by:Kaushal Pancholi
    First published: