આપણા મનપસંદ ગરબાને મળી શકે છે UNESCO નું ટોરિટેજ ટેગ

ગાંધીનગર: ગુજરાતના (Gujarat news) પ્રખ્યાત ગરબાને યુનાઇટેડ નેશન્સ એજ્યુકેશનલ, સાયન્ટિફિક એન્ડ કલ્ચરલ ઓર્ગેનાઇઝેશન (UNESCO)દ્વારા આપવામાં આવેલા પ્રતિષ્ઠિત ઇન્ટેન્જિબલ કલ્ચરલ હેરિટેજ ઓફ હ્યુમેનિટી (ICH) ટેગ મળવાની શક્યતાઓ ઉજળી બની છે. યુનેસ્કોની પ્રતિનિધિ યાદીમાં ગુજરાતની નવ દિવસના પરંપરાગત લોકગીતોને અંકિત કરવા માટેના પ્રયાસો તેજ થયા છે. જો આ પ્રયાસો સફળ રહેશે તો, ગરબા (Garba) યુનેસ્કોના અમુર્ત સાંસ્કૃતિક વારસા (Intangible Cultural Heritage) માં સ્થાન પામશે.

નોધનીય છે કે, ડિસેમ્બર, 2021ના ​​રોજ, યુનેસ્કોએ કોલકાતાની દુર્ગા પૂજા ઉત્સવને ICH દરજ્જો આપ્યો હતો, તે માન્યતા પ્રાપ્ત કરનાર એશિયાનો પ્રથમ તહેવાર છે. જો ગરબાને આ યાદીમાં સ્થાન મળે તો ગરબા બીજો તહેવાર બની શકે છે.

પરંપરાગત લોકગીતોને અંકિત કરવાના પ્રયાસો તેજ બન્યા છે

આ અંગે સૂત્રોએ માહિતી આપતા જણાવ્યું કે, ભારત સરકારનું સાંસ્કૃતિક મંત્રાલય એક ડોઝિયર તૈયાર કરી રહ્યું છે. જે આ મહિનાના અંત સુધીમાં યુનેસ્કોને સુપરત કરવામાં આવશે. મંત્રાલયે, સંગીત નાટક અકાદમીની અમલીકરણ એજન્સી દ્વારા, એમએસ યુનિવર્સિટીની પ્રોજેક્ટ ટીમને કાર્ય સોંપ્યું છે.

મંત્રાલયના અધિકારીઓ ગયા અઠવાડિયે ગુજરાતનાં વડોદરામાં હતા. જ્યાં ટીમ સાથે પ્રક્રિયા અંગે વિસ્તૃત ચર્ચા કરવામાં આવી હતી.

ભારતમાંથી 14 અમૂર્ત સાંસ્કૃતિક વારસો યુનેસ્કો દ્વારા સૂચિબદ્ધ છે, જે નીચે પ્રમાણે છે.

- કુટિયાટ્ટમ, સંસ્કૃત થિયેટર, કેરળ
- વૈદિક જાપની પરંપરા
- રામલીલા, રામાયણનું પરંપરાગત પ્રદર્શન
- રામમન, ધાર્મિક તહેવાર અને ગઢવાલ હિમાલયનું ધાર્મિક નાટક
- છાઉ નૃત્ય
- કાલબેલિયા લોકગીતો અને નૃત્યો, રાજસ્થાન
- મડીયેટ્ટુ, ધાર્મિક નૃત્ય નાટક, કેરળ
- દુર્ગા પૂજા, કોલકાતા
- લદ્દાખની બૌદ્ધ મંત્રોચ્ચાર
- મણિપુરનું સંકીર્તન, ધાર્મિક ગાયન, ઢોલ વગાડવું અને નૃત્ય
- થાથેરાઓમાં વાસણો બનાવવાની પરંપરાગત પિત્તળ અને તાંબાની હસ્તકલા, - પંજાબ
- નવરોઝ
- યોગ
- કુંભ મેળો

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Garba, UNESCO, ગુજરાત