PM મોદીએ મોરબી અકસ્માત અંગે ઉચ્ચ સ્તરીય બેઠક યોજી, પીડિતો તમામ મદદ કરવા પર મૂક્યો ભાર

નવી દિલ્હી: ગુજરાતના મોરબીના પુલ અકસ્માતે સમગ્ર દેશને હચમચાવી નાખ્યો હતો. સરકાર આ દુર્ઘટનાને લઈને ઘણી ગંભીર જણાય છે. આ ક્રમમાં વડાપ્રધાન નરેન્દ્ર મોદીની અધ્યક્ષતામાં સોમવારે સાંજે ગાંધીનગરના રાજભવનમાં મોરબીની સ્થિતિની સમીક્ષા કરવા માટે એક ઉચ્ચ સ્તરીય બેઠક મળી હતી. આ દરમિયાન, વડાપ્રધાન નરેન્દ્ર મોદીએ મોરબીમાં બનેલી કમનસીબ ઘટના બાદ ચાલી રહેલી બચાવ અને રાહત કામગીરી વિશે પૂછપરછ કરી હતી અને અકસ્માતને લગતા તમામ પાસાઓની ચર્ચા કરી હતી.

આ બેઠક દરમિયાન વડા પ્રધાન નરેન્દ્ર મોદીએ ફરી એકવાર એ સુનિશ્ચિત કરવા પર ભાર મૂક્યો કે, અકસ્માતમાં અસરગ્રસ્ત લોકોને તમામ શક્ય મદદ મળે. ઉચ્ચ સ્તરીય બેઠકમાં મુખ્યમંત્રી ભૂપેન્દ્રભાઈ પટેલ, ગૃહ રાજ્ય મંત્રી હર્ષ સંઘવી, ગુજરાતના મુખ્ય સચિવ અને ડીજીપી સહિત રાજ્યના ગૃહ વિભાગ અને ગુજરાત રાજ્ય આપત્તિ વ્યવસ્થાપન સત્તામંડળ સહિતના અન્ય ઉચ્ચ અધિકારીઓ ઉપસ્થિત રહ્યા હતા.

આ પણ વાંચો: PM મોદીના આગમન પહેલા મોરબીની સિવિલ હોસ્પિટલમાં મોડી રાતે રિનોવેશન શરૂ, દરવાજા પણ બદલાવવામાં આવ્યા

Hon'ble PM Shri @narendramodi ji chaired a high level review meeting on Morbi situation at Raj Bhavan, Gandhinagar, today.

He discussed and took a brief of every small thing about incident & relief work pic.twitter.com/WzefWZzqgf

— Harsh Sanghavi (@sanghaviharsh) October 31, 2022

ગુજરાતના મોરબી શહેરમાં મચ્છુ નદી પરનો પુલ તોડવાના કેસમાં સોમવારે ઓરેવા ગ્રુપના ચાર કર્મચારીઓ સહિત નવ લોકોની ધરપકડ કરવામાં આવી હતી. એક વરિષ્ઠ પોલીસ અધિકારીએ આ માહિતી આપી. અંગ્રેજોના જમાનામાં બનેલા આ પુલની જાળવણી અને સંચાલનનો કોન્ટ્રાક્ટ ઓરેવા ગ્રુપને મળ્યો હતો. આ અકસ્માતમાં લગભગ 134 લોકોના મોત થયા હતા.

રાજકોટ રેન્જના પોલીસ મહાનિરીક્ષક (IG) અશોક યાદવે પ્રેસ કોન્ફરન્સમાં જણાવ્યું હતું કે, “આ નવ લોકોમાંથી બે મેનેજર છે, જ્યારે બે બ્રિજ પાસે ટિકિટ બુકિંગ ક્લાર્ક છે. અમે સંપૂર્ણ તપાસ કરીશું અને ગુનેગારોને બક્ષવામાં આવશે નહીં.” તેમણે કહ્યું કે અન્ય પાંચ આરોપીઓમાં ઓરેવા જૂથ દ્વારા કોન્ટ્રાક્ટમાં કામે રાખવામાં આવનાર બે રિપેર કોન્ટ્રાક્ટર અને બ્રિજ પર સુરક્ષા કર્મચારીઓ તરીકે કામ કરતા ત્રણ લોકોનો સમાવેશ થાય છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Morbi bridge collapse, Morbi hanging bridge, Morbi News